The(G)Forum

Vor allem für Plex: Mit soviu Upload chani vo überall uf dr Welt miner Filme/Serie in gloriosem 1080p und DTS/DD vo mim eigete Server uus streame. Mitm Infinity vom Handy als Tether-Grät chani so de facto überall i dr Schwiz mitm Notebook oder Tablet miner Serie luege, bi Kollege hani die gliichi Film-Uswahl wie bi mir daheime. Und paar Fründe hani paar vo mine Plex-Libraries freigä; sie chöi also jederzyt uf mini Sammlig zuegriife und ds Züg luege - eine vo mine beste Fründe hett i de letschte paar Wuche grad zum zwöite Mau Parks&Rec düregsuchtet via mi Server. Derzue hani es Offsite-Backup zum Server vom Kolleg iigrichtet, wo natürlech mit soviu Upload ou wesentlech schneuer geit. Das wär so ds hauptsächliche, git aber no paar angeri Moment wo's praktisch isch, z.B. für Dropbox.

Avenger hat geschrieben:Ei Frog: für was brucht me de ultrakrassi Upload? Was Cha me schönes astelle mit dem?

Ich betriib uf em NAS mis eigene Cloud-Backup. Han ich vorher zwar au scho gmacht, aber sitt ich de facto e Standleitig han, bin ich was Datespeicher & -verfüegbarkeit betrifft nüme vo externe Abüüter abhängig (einzigi Usnahm: Email. Ich chönnt zwar theoretisch au en eigene Mailserver irichte, aber soviel ich weiss - igehend han ich mich nöd mit de Materie befasst - bruchsch für das e statischi IP und Zertifikat vo de Sorte, wo'd nöd gratlis überchunnsch, susch landed dini Mails bim Empfänger automatisch i de Spambox).

Aber es gaht im Grund gno bi Fiber7 nöd primär um d'Bandbreiti. Das symmetrische Gbit/sec isch, wie de Provider au zuegitt, meh symbolischer Natur. Wie de Küenzler i de vo mir vor es paar Wuche verlinkte Präsentation au sälber seit: Für nume es Bitzli meh Bandbreiti zum gliiche Priis macht niemert de Wächsel uf Glasfaser. "1Gbit/sec symmetrisch" verchauft sich halt viel besser als "Meh Bandbreiti als du jemals effektiv bruche wirsch" und es isch zuedem en überfällige Agriff uf s'bisherige Gschäftsmodell vo de andere Provider (aka "für d'Heimuser gitt's künstlich beschnitteni Produkt, so dass mer eusne lukrativere Business-Produkt nöd sälber s'Wasser abgrabed").

Underem Strich isch d'Bandbreiti aber sowieso nume en Bonus. Die beide viel stächendere Argument sind a) die unverschämt tüüfi Latenz bim Glasfaser-Internet und b) dass d'Policy vo init7/Fiber7 für en Internetprovider absolute Vorbildcharakter hätt. D.h.:
- Strikti Beschränkig uf "Internetzuegang pur" (de Provider hätt keis Interässe, dir no TV, Telefonie oder suschtige Gugus i eme sog. "Vorteilspaket" undere z'juble und er hinderet dich handkehrum aber au nöd, die Sache vo eme Drittabüüter über sini Leitig z'bezieh; underem Strich zahl ich drum für 1Gbit/sec jetzt pro Jahr 500.- weniger als vorher für 120Mbit/sec bi de Cablecom).
- Bedingigsloses Bekänntnis zur Netzneutralität.
- Kein Hardwarezwang.
- Vollständige IPv6-Support.
Also eigentlich alles Sache, wo bi jedem Provider theoretisch sötted sälbstverständlich si, aber's halt ebe nöd sind

Avenger hat geschrieben:Ei Frog: für was brucht me de ultrakrassi Upload? Was Cha me schönes astelle mit dem?

Anderi Frag, wiso taucht die Frag i dem Zemehang immer wider uf? Für die wo d Vorteil nid klar uf de Hand ligged isches eh nix :typej:

Händr johresrächnig oder quartalsrächnig gno? Und wie lang het s uffschalte duurt?

Jahresrächnig dänk. Isch billiger und de Vertrag isch ja i jedem Fall für es ganzes Jahr. Ufschalte gaht 2-3 Wuche. So lang brucht d'Swisscom, zum i de Telefonzentrale dini Glasfasere in init7-Switch izstecke

Wänn'd no kei Glasfaser-Buchse i de Wohnig häsch, gaht's länger, will de Provider dänn zerscht de Swisscom mues mälde, dass sie bitte en Elektriker beufträged, zum das go irichte und das gaht 1 - 1.5 Mönet. Sie kümmered sich aber parallel und nöd erst nachher um de ganzi Rescht, d.h. nach em Elektriker wartisch nöd namal 2-3 Wuche. Ich han am Folgetag scho d'Hardware i de Post gha und es hätt alles grad funktioniert.

Het eine vo euch Fiber Chunde en Webserver dihei? Ich schribe grad en Art Social Network und würd i de kommende Täg gern mal de erst Beta Test starte. VPS mit Debian wär frisch...nur vorübergehend...

Merci

Für die hie wo Fiber7 hei: Wie isch?
Ha im Moment e 60/60er Leitig bir iWay (super Bude!), aber füre gliich Priis berchumi im Mai (we mis Quartier erschlosse wird) füre gliich Priis Gigabit vo de Fiber7er.

Wär super, we dr mr folgendi Sache chöit beantworte:
1. Zueverlässigkeit: Wie oft isch ds Internet nid gange?
2. Effektivi Speeds: Wieviu chunnt aa, wieviu geit use?
3. Subsequenterwiis: Was heitr fürne Router und wie heitrs glöst mit Port Forwarding/UPNP?
4. Macht öpper Bridging ufne "normale" Router? Wenn ja, was gits für Speeds?

Edit: Nach chly Recherche: Mache sehr zimmli sicher Fiber7 mit Bridging zum RT-N66U und upgrade das Jahr mau no uf was potenters vo Asus.

Merci für jedes Feedback.

Mach. Isch super.

ja, mach!

olololol, de Farkcom-Ex-Monopolischt bringt es wiiters übertüürets, asymmetrisches Möngelagebott und probierts mit chli pseudohippem Marketing z'übertünche: http://www.wingo.ch" onclick="window.open(this.href);return false;

250/25Mbit/sec für 75 Frangg FUCK YEAH FIBER7

S Bild het mi aso fascht überzügt

S Problem bi Fiber7 isch halt imerno d Usbreitig...bi üs gits das nid. Anderersits verschafftene genau de Umstand au sämtlichi Vorteil. Chli, überschaubar und super.

Das mit de begränzte Verfüegbarkeit isch offebar ebe au primär wäg de Swisscom. Technisch wär's nöd schwierig, überall wo d'Glasfaser usbaut isch, au Fiber7 azbüüte. D'Vorussetzig isch, dass bi de jewiilige Telefonzentrale en Fiber7-Switch (sog. PoPs) ibaut wird. Administrativ isch aber genau de Schritt extrem langwierig. De Fiber7-Scheff hätt au scho mal adüütet, dass d'Swisscom die Aträg uffellig langsam bearbeitet und de ganzi Ablauf speziell müehsam gstaltet, will's a) ja de Konkurrenz hilft und b) sie drum PoPs für Drittabüüter vo sälber gar nöd würded welle zuelah, aber sie halt gsetztlich dezue verpflichtet sind (Regulierig vom Telecommärt).

Schoso...i dem Kaff woni momentan bin hets zuesätzlich au no en lokale Kabelabüter wo sich irgendwie es Monopol gsicheret het. Wer Kabel will (Internet & TV) mues zu ihm...d Cablecom dörf sich da schinbar nid usbreite. Das wär an sich keis Problem, allerdings het de Typ kei Ahnig vo sim Job. De het mich vor über 10 Jahr usekickt wili angeblich d Bandbreiti vom ganze Dorf ufbrucht han. Meine Güte, denn mueser halt kei Breitband abüte...das isch damals es Pilotprojekt i de Schwiz gsi...chamer wohl als gscheiteret betrachte. Wie au immer, uf all Fäll isch d Swisscom jetzt di einzig Wahl und die kriegets au nid uf d Reihe. Andauernd gits Unterbrüch...und d Hardware wot kriegsch isch unter aller Sau. Chaschder nid mal selber es WLAN irichte, das mached die alles zentral. Wennt also dis eigne LAN wotsch konfiguriere mueschder zuesätzlich no eigni Hardware aschaffe...echt nervig...ich Will au Fiber7

PS: Wännscho de Wingo, dänn natürlich de Islamischte-Fogel us em Captain Toad:



Er heisst nämlich Wingo. Und er isch super!

die feder-wimpere sind härte pimp shit !

Gurgelhals hat geschrieben:Das mit de begränzte Verfüegbarkeit isch offebar ebe au primär wäg de Swisscom. Technisch wär's nöd schwierig, überall wo d'Glasfaser usbaut isch, au Fiber7 azbüüte. D'Vorussetzig isch, dass bi de jewiilige Telefonzentrale en Fiber7-Switch (sog. PoPs) ibaut wird. Administrativ isch aber genau de Schritt extrem langwierig. De Fiber7-Scheff hätt au scho mal adüütet, dass d'Swisscom die Aträg uffellig langsam bearbeitet und de ganzi Ablauf speziell müehsam gstaltet, will's a) ja de Konkurrenz hilft und b) sie drum PoPs für Drittabüüter vo sälber gar nöd würded welle zuelah, aber sie halt gsetztlich dezue verpflichtet sind (Regulierig vom Telecommärt).

Hesch di scho mal schlau gmacht, was mit em EWZ Zürinet so gloffe isch? en absolute Alptraum. Eigentlich söttisch sit letscht Jahr au im hinderletschte Eckä vo Züri Gigabit ha, dur ds Stadtnetz. Chasch drüü mal rate, werum dases jetzt doch nüd so isch.

Meinsch das? https://www.fiber7.ch/fiber7-news/das-e ... wz-zurich/" onclick="window.open(this.href);return false;

Isch geil :typej:

Gurgelhals hat geschrieben:Meinsch das? https://www.fiber7.ch/fiber7-news/das-e ... wz-zurich/" onclick="window.open(this.href);return false;

Isch geil :typej:

Genau das.

Uriel hat geschrieben:

Gurgelhals hat geschrieben:Meinsch das? https://www.fiber7.ch/fiber7-news/das-e ... wz-zurich/" onclick="window.open(this.href);return false;
Isch geil :typej:

Genau das.

Bisch du dänn vo dem betroffe? Du häsch doch au vorgha uf Fiber7 z'wächsle?

Damals bide WG Sitzig hemmer usegfunde, dass ¾ vode WG uszieh wird, und deshalb isches nüd ds Stand cho.
Ich damals: "Jungs, ich han d Lösig für all üseri Problem! Init 7"
WG Kolleg 1: "Äh ja, da isch was, wo ich üch sött sege: ich zieh uus."
WG Kolleg 2: "Ich im Fall au!"
…

85/15 und zalle 1780.-

De Wingolololol hätt Hardwarezwang und kei IPv6. Soviel zum Thema "es Produkt für e jungi, urbani, internetaffini Chundschaft"

Isch scho krass wie alles andere plötzlich Steiziit isch, wänn me Fiber7 hätt

1000/1000. Mini Backups wäre in Sekunde uf em Server.

Zomg, Ubiquiti bringed en Edgerouter mit SFP-Interface

Allerdings wird us de Agabe nöd ganz ersichtlich, öb de tatsächlich IPv4 NAT-Routing mit 1Gbit/sec schafft. Isch nöd die glichi Hardware wie de Edgerouter Lite. Wänn nöd, wär's natürlich ehner witzlos. Aber wänn ja heisst's dänn wohl bald mal tschüss Mikrotik

Gurgelhals hat geschrieben:Allerdings wird us de Agabe nöd ganz ersichtlich, öb de tatsächlich IPv4 NAT-Routing mit 1Gbit/sec schafft.

Er schafft's offebar nöd Resp. nume bi grosse Paket oder eventuell irgendwänn später falls(!) zuekünftigi Firmware-Versione no e Form vo Hardware-Offloading implementiered.

Werum nume isch das so es Züüg mit dene Router, gopf? Entweder händs d'Performance nöd und/oder sie händ keis SFP-Interface und/oder es sind wenig vertrauenserweckendi H4rdc0r3-Gam0rZ-Hardware wie die entsprechende Asus und Netgear-Modäll oder dänn sinds Rackmount-Enterprise-Produkt, wo 1000 Stutz choschted. Müehsam! Jawohl