Cablecom PR Topic

[evo]

Wo ist dieses essbare geld? Wo habnse das??

[Uriel]

Wenn irgend en Nerd e Funktion vermisst, denn schribter si eifach selber und git si ad Devs witer.

Wo sie denn dankend ablehned. Mir isch ken Fall bekannt, wo d Android Devs sich so offe zeigt hend, we z.B. d Ubuntu Entwickler. Wenn es biispiel vom ne Feature hesch, wo tatsächlich in Android glandet isch, ufgrund vom ne Diff vo irgendwem, denn weri froh drum, wenns mer zeigsch.

Ich kenn nüt.

Uf Suggestions sinds aber scho iigange.

[Xinobrax2]

Ich han s Problem selber gha...ufeme iPod Touch. Vorane hani nur rasch googlet und 3 Artikel usepickt, will de TypeJ gmeint het das Problem segi nid existent. Ich han die Artikel nid mal glese. Aber hey, gully und Apfelnews sind au debi. Ich möcht mich aber defür entschuldige, dass sich s Trolltopic nid uf dim Niveau bewegt. Dank dinere ehrewerte Aweseheit chömer jetzt uf akademischem Level witermache. Hesch es paar Studie wot zur Ileitig wotsch afüere?

[Uriel]

es geit ja nid ums aluege. pdfs chasch ja im browser ufem iPad o aluege. es geit ume fählend zuegriff ufs system dass meh so sache nid mau cha spichere...

Das verstani wieder mal nüd. Was genau chasch nüd speichere? pdfs? Ich chan alles speichere, unds z.B. grad uf dropbox verschiebe. das funktioniert bi iOS scho sit ere halbe eewigkeit.

Ich versta grad nüd, was du meinsch.

[Xinobrax2]

Wenn es biispiel vom ne Feature hesch, wo tatsächlich in Android glandet isch, ufgrund vom ne Diff vo irgendwem, denn weri froh drum, wenns mer zeigsch.

Ich kenn nüt.

http://www.xda-developers.com/" onclick="window.open(this.href);return false;

Aber ich nime mal a du kennsch d Site und stellsch di jetzt grad extra chli dumm...

[TypeJ]

evtl. anwender fehler oder so

[thaeye]

IHR FUTZGSICHTER

[TypeJ]

IHR FUTZGSICHTER

stoff.jpg (10.69 KiB) 2700 mal betrachtet

[Mastler(P)]

dä aug muess generell immer kontra si. immer s gliche mit dem. calma dich mal DU PIMMLCHOPF.

[thaeye]

ich bin contra möngis

[Uriel]

http://www.xda-developers.com/" onclick="window.open(this.href);return false;

Aber ich nime mal a du kennsch d Site und stellsch di jetzt grad extra chli dumm...

XDA Developers baschtlet aber a ihne Custom Kernels/Roms etc. Vo dene landet imo nüüt in Stock Android. We sölls au? Google het jewiils erscht nachträglich d Source freigee und sich konsequent vo de Communities abgschottet gha. (u.a. weg dem sinds ja usm offizielle Linux Kernel usegfloge, damals) und Das söll jetzt erscht mit Android L besser werde.

We gseid: Ich will es Feature, wos is Vanilla gschafft het.

[Xinobrax2]

K, fair...s Stock Android hani amigs nur nacheme Neuchauf für es paar Minute druff. Ich kenns nid und s interessiert mi au nid würklich. Was d Customs betrifft, ich bin bim Cyanogenmod hange blibe. Det sind scho einigi Vorschläg integriert worde...z.B. VPN und App-Berechtigunge. VPN gits mittlerwile glaubs au im Stock. Ich weiss nid, obs das irgendwo übernoh hend oder obs selber was gschribe hend....mir fallt nur uf, dass d Core Entwickler sich vo Custom Roms inspiriere lönd. Elei scho d Tatsach, dass unterschidlichi Versione mitenand konkurriered isch doch super. Insofern wär das en Ifluss dank Open Source.

Apropos Android L, es gset lame us...

[Jones]

original CM hani scho lenger nüme druf. da fähle mir eifach gwüssi sache...

[Avenger]

Ds Forum zieht Hitz!

Aber d Unterschiede wärde scho sehr guet beschriebe: Android isch sehr flexibel, es git bi Software und Hardware jehnsti Variante und Grössene. Bim iOS hingege gits gerätetechnisch nid annähernd die Vielfalt und d Oberfläche gseht überall glich us. Willkomme im Knast wo jedem ds gliche vorgsetzt wird. Findet nid jede guet, aber i dem si sie wenigstens konsequent.

[Uriel]

K, fair...s Stock Android hani amigs nur nacheme Neuchauf für es paar Minute druff. Ich kenns nid und s interessiert mi au nid würklich. Was d Customs betrifft, ich bin bim Cyanogenmod hange blibe.

Das isch au das, wo ich druf use will: me bindet Google immer sones «Chränzli» will si omg «all the sources!» uselönd.

En Scheiss macheds. Google mues dr Android Kernel als opensource usehaue. Sust würdeds d GPL und d Apache Licence. verletze.

Es isch de Enwickler vo Cyanogen und co ds verdanke, dass sie sich in penibelster und müehsamster arbeit dur en mix us schlecht dokumentiertem opensource gebaschtel, mit closed source firmware und ufs übelschte verdunkelte Triiber durekämpfed. Die chan mer vo mir uus als Heroes hanestelle. Aber Google selber? Nei du.
Falls es vergesse worde isch: Google hed vor es paar Jahr ds Cyanogen Team mit em ne nette «cease and desist» welle draa hindere, wiiter ds mache. Warum? Will buhuhu Youtube und dr Playstore teil vom Cyanogen gsi sind.

Google het bis vor Churzem nüd mal es System gha, wo du dini Diffs hesch chönne aagee. Ich has selber kuum glaubt.

Da chasches nachelese.

Und was bi Google aktuell so lauft, chasch bim exzellente Ron Amadeo nachelese Z.B. da

Das einzig, wo Google im Moment interessiert isch, das me sini Dienscht verwendet. Das isch scho immer so gsi und wird au so bliibe. Was under Stock Android so lauft (dass dr Homescreen z.B. sämtlichi Iigabe direkt an Google wiitersendet) isch eifach frech.

tl;dr
Nüd Android per se isch super, sondern d Lüüt hinder de grosse Roms, wo sich die Scheisse gänd und under tümmschte Bedingige arbeitet.

[Xinobrax2]

Vo Google isch nie d Red gsi...muesi wohl explizit dezue sege. Weni vo Android rede, schlüsst das sogar s Replicant mit i. Ich wär so zimli de letscht wo Google als Heroes würd herestelle....mal abgseh vo Android & Co isch mir die Firma höchst suspekt obwohl si i de letschte paar Jahr selbstverständlich au zimlich vil zum positive veränderet hend. Mis Handy isch nid mal miteme Google Account verbunde, was mengisch zimlich nervig isch willmer ken Play Store het und uf Youtube nid mal Videos mit Altersbeschränkig chan luege.

[Acid]

Wenns jo aber so en unglaublich müäsahmi und grossi Arbeit isch es verchrüpplets System z "öffne" und z Modä, wärs denn eigetnlich nid gschieder all diä Arbet in es würklichs OpenSource Projekt z investiere?

Also ich chum jo überhaupt nid drus, aber irgendwiä söts doch mol möglich sii. Lieht s Problem dra dasses kei Grät git uf denä mer diä denn chönti laufä loh, wilmmer ufeme Sony z.B. denn doch nur Android laufä loh chan?

Vom Firefox OS z.B. chund jo immerno nüt und nix. Oder diä Ubuntu Gschicht oder wases gsi isch.

Sailfish hed zwar en Firma im Hintergrund, aber wär jo au zumindescht mol en witeri Alternativä... bis jetzt ghörtmer aber au no nid viel dass uf andere Phones gross chönt brucht werdä.

[Xinobrax2]

Es Problem isch z.B. d Firmware vom Modem. Die gits nid Open Source. Genau dä Teil isch aber theoretisch i de Lag uf sämtlichi Date zuezgriffe und si is Nirvana z schicke. Aber ja, logisch wärs s beschte s ganze System z öffne. Nur isch s Interesse uf de Site vo de Hersteller nid vorhande.

[Skeletor]

was spricht dänn fürs ios und gägä s'android?
was chan s'ios wo android nöd cha?

und was empfiehlsch öperm für es grät, wo eifach telefoniere, whats app, chli 20min, tagi lese etc wott?
da isch es iphone doch eifach viel z'tüür für das wos bruchet?
es günschtigs android langet dänä lüt. mim vater isch doch scheiss egal, ob das natel no s'neuschte update bechunnt oder nöd.

[Jones]

wie wärde de die hybrid-radios gmacht wenns nid opensource isch? reverse engineering?

[Acid]

Es Problem isch z.B. d Firmware vom Modem. Die gits nid Open Source. Genau dä Teil isch aber theoretisch i de Lag uf sämtlichi Date zuezgriffe und si is Nirvana z schicke. Aber ja, logisch wärs s beschte s ganze System z öffne. Nur isch s Interesse uf de Site vo de Hersteller nid vorhande.

Ja, guet, dass isch en Punkt wo bedütet dassmer nid vo A-Z Opensource chan machä, aber bedütet das au dasses zwingend es Android basierends Syschtem mues sii? D Hersteller bediened natürlich au eifach en Markt. Im Moment isch de Markt Android. A was aber liehts dasses kei Alternativä gid? Oder isches halt eifach no sehr viel müäsahmer und schwieriger es eigens System zmachä, wiä es Android zneh und probiere möglichscht z öffne? Ebä will de Uriel seit es sig eigentlich en huere Seich. Isch s ander eifach no de grösser Seich?

Ich chöntmer jetzt z.B. vorstellä dass Firmene wiä Sony z.B. relativ egal isch öb uf ihrnä Grät schlussendlich Android, Windows, Ubuntu, Firefox, Sailfish oder was weiss ich wür laufä. Diä wänd jo in erschter Linie s Grät verchaufä.

Isches de Hersteller vo de Modem nid Egal? Moderm hämer jo au bi de normalä Computer, aber det hämer jo au verschiedeni Betriebsystem und Opensource, wo denn halt a sones Modem ghänkt werded, wemer Kontakt zum Netz will. Sind diä Modem denn mit Opensource Firmware usgrüschtet?

Wenns en Betriebssyschtem Alternativä gäbt wo gar nüt meh mit Google ztuä hed, wür sich denn i andere Bereich jo villicht au öpis tuä...

[Xinobrax2]

S wär enorm müehsam...aber machbar. Selbst für irgendwelchi Handhelds wie GBA und NDS gits Betriebssystem us de Homebrew Szene. Es Problem wär z.B. d Infrastruktur für de Vertrieb vo Apps. Aber selbst wenn mer die chent ufbaue, müesstmer wider en neue Standard ifüere. Denn chunt s nögscht Problem, wele Entwickler schribt für es OS wo kei Sau verwendet? De Vorteil vom Android isch hallt, dases einheitlich isch....wennt mit me oder weniger vil Ufwand es eigets Android baschtlisch hesch trotzdem na Zuegriff uf d App Bibliothek. apk Files abelade, installiere, fertig. K, s nögscht Problem isch di unterschidlich Hardware und und und...

[Herr Rossi]

Leischtig isch sozäge glich, für mich gits nur eis Argument wo gäge Apple schpricht und das isch de massiv höcher Priis.

[Jones]

De Vorteil vom Android isch hallt, dases einheitlich isch....wennt mit me oder weniger vil Ufwand es eigets Android baschtlisch hesch trotzdem na Zuegriff uf d App Bibliothek. apk Files abelade, installiere, fertig. K, s nögscht Problem isch di unterschidlich Hardware und und und...

und google het mit de "google play dienste" natürlech e grosse schritt uf d'entwickler zue gmacht und's ihne eifacher gmacht mit dr entwicklig...
(und ganz näbebi verdiene si no schön mit... )

[Acid]

S wär enorm müehsam...aber machbar. Selbst für irgendwelchi Handhelds wie GBA und NDS gits Betriebssystem us de Homebrew Szene. Es Problem wär z.B. d Infrastruktur für de Vertrieb vo Apps. Aber selbst wenn mer die chent ufbaue, müesstmer wider en neue Standard ifüere. Denn chunt s nögscht Problem, wele Entwickler schribt für es OS wo kei Sau verwendet? De Vorteil vom Android isch hallt, dases einheitlich isch....wennt mit me oder weniger vil Ufwand es eigets Android baschtlisch hesch trotzdem na Zuegriff uf d App Bibliothek. apk Files abelade, installiere, fertig. K, s nögscht Problem isch di unterschidlich Hardware und und und...

Ja, guet. Isch jo au nid so als würd Linux im normalä Bereich de Markt dominiere (zumindescht nid de kommerzielli).

D Infrastruktur für d Apps mues jo au jetzt glöst werdä, wemer a Google verbie will. Neu Standard, natürlich, das isch de Priis, aber de müsstmer denn halt machä sigs Firefox oder Ubuntu oder suscht irgendöpis. Bi Sailfish chamer aber z.B. glaub au vili Android Apps bruchä. Aber natürlich wärs nid einheitlich mit Android... aber das isch jo denn unter anderem genau de Punkt.

do chömerer denn ebä zum Punkt wos ebä um en würklich würklichi Alternativä gängt.

De Vorteil vom Android isch hallt, dases einheitlich isch....wennt mit me oder weniger vil Ufwand es eigets Android baschtlisch hesch trotzdem na Zuegriff uf d App Bibliothek. apk Files abelade, installiere, fertig. K, s nögscht Problem isch di unterschidlich Hardware und und und...

und google het mit de "google play dienste" natürlech e grosse schritt uf d'entwickler zue gmacht und's ihne eifacher gmacht mit dr entwicklig...
(und ganz näbebi verdiene si no schön mit... )

Ebä, Apple god diä ganz Zit uf Entwickler zuä, drum händ viel Entwickler Apple au no rächt gern. Es isch klar was lauft, und zumene gwüssä Grad wo herä dasses lauft. Alles schön einheitlich, Vertriebsweg Einheitlich, direkt vom Entwickler zum Chund, jedä Chund hed de glich Apple Store, wenn i dem bisch chund dis Programm zu jedem wos will, ohni dassers würklich mues go zämäsueche. Drucksch halt no chli Cholä ab, solangs nid grad würklich ganz direkt verchaufsch, machsch das aber immer, und wenns sälber machsch hesch alli Choschtä sälber.

Aber ebä... das isch alles super, bringt aber sini Nachteil mit sich. Und denn brüchts ebä no en anderi alternativä wiä Google, wo eigentlich am liebschte s glichä würd machä.







Aber ebä, ich chum nid drus, und kännmi nid us mitem Entwicklä vo so Sachä und programmiere etc. Wasi halt gsehn isch dasses bi normalä Computer möglich zsi schiint, und sehr vili i dem Bereich sehr aktiv sind, aber bi Telephon irgendwiä nid, und sehr vili dra schaffed Android möglichscht wenig google zmachä, aber nid so vieli e Alternativä zu Android z fördere. Aber klar... isch natürlich au nonig so alt diä ganz Gschicht.