The(G)Forum

Wenn ide Schwiz schaffsch und mit Euro entlöhnt wirsch isch nid so guet, suscht gseni itz au kei Unterschid

Ig wohne aber, wie wohl die meischre da inne, i dr Schwiz...
Und als tourist merksches natürlech o, dass es massiv türer isch hie...

Ehm, ja...

Diä meischtä wo i de Schwiz wohned und chf bruuched im Alltag, werded ihrä Lohn jo aber au in CHF übercho, und Frog wiä guet dasses isch inere bestimmtä Währig zahlt zwerdä unmittelbar demit z verchnüpfä wia guet mer demit i de Schwiz Feriä machä chan findi au chli eigenartig. Zudem isch das für diä meischtä au vorher scho sehr Tür bis z Tür gsi, jetzt sinds no paar meh.

Chüel ischs jetz natürlich defür.wemer en Grenzgänger isch wo de Lohn in CHF überchund, aber in Dütschland wohnt.

no besser isches, wenn e chf hypothek häsch und in eur lohn überchunsch.

Für mi leider überhaupt nid chüel..nebscht de ganze Produkt wo mir zum gröschte Teil in DE verchaufe hani vor 3 Wuche 135'000 Euro kauft für es Investment in e Bude vo mir, han gmeint heig en super Deal gemacht mit 10% p.A. und iz hed de drecks Euro direkt mol 15-20% weniger wert

De nögscht Porsche wird denn halt direkt in DE gholt und Bar zahlt, lol

Nimm a diä Investition machsch im Euroruum...denn chunsch wahrschindlich immerno s glich dafür über.

Acid hat geschrieben:Nimm a diä Investition machsch im Euroruum...denn chunsch wahrschindlich immerno s glich dafür über.

Wie meinsch?

Also ich lons mr sicher denn in Euro zrugg zahle sofern de Kurs bis denn immer noch 1:1 zum CHF isch.

Erschti Konsequenz isch jetzt mol 4 Tag Barcelona endi Jan. =D Chli go Shoppe und Fuessball Spiel go luege....de drecks EUR wodi nümm uf mir ha...

Le fail

Bi 135€ tuets scho chli weh.

han hüt dä reesümee-artikel über colorado gläse, da hanimer dänkt, dass wänn dschwiiz dä cannabis legalisiere würd, hettet sie öppis, wo dä tourismus wieder echli ahkurble würd. sie chönted horrendi priise defür verlange und das ganze als exklusives luxus-produkt vermarkte, ja grad es lifestyle-produkt. am beschte grad nur in sehr gepflägte rümlichkeite ahbüüte und s'ganze so ufzie, wie das dä jobs mittem iCrap gmach hät: swissGüff! einzigartig,nur die bescht qualität und das im nabel vo europa. wie geil wär das dänn

dänn grad no s'ganze sozial mache: jede därf diheime versueche s'bescht z'zieh und es dänn ahbüüte und die, wos probiered chöntets dänn bewerte. und dänn heissts bald: unterstammer swissGüff vom heiri: fummf stern, schwöre mann!!

und es haglet billigi euros

0.98 loloololol
s grosse jammere bi ois intern haet scho agfange, mitarbeiteraläss gstriche worde, lieferante kei meh us de schwiiz (als schwiizer unternehmig), kei neuinvestitione meh, projekt werdet gstriche und kei neui stelle meh usgschribe.

aber sich eventuell vorgängig uf die Situation istelle haetme ja nöd chöne

wie? i däm meh z.b. di entlah hätt?

stelleabbau passiert früeh gnueg kei angst, isch nach den Mitarbeiter goodies grad s nöchst.

das isch klar... houptsach dr chef bhaltet si bonus! ololol

haet sich grad en noi hütte am züriberg baue lah und sini 2 rotweiler haend au sehr vill z fresse.

mached eu doch selbständig.

0,98 isch no nüt. De wird sich bi 0,85 ipendle.

Zum Glück schaff ich inere Branche wo dür das uf und ab Null beiflusst wird. Und mi Chef chund mit em Velo cho schaffe, mit eme alte Chlapf. Ah ja, de Bonus chumi au glii über. Tschüss Euro!

Krass. In den Neunzigern war der Franken noch ungefähr so viel wert wie die Deutsche Währung. Jetzt ungefähr das doppelte.

Weiß ich noch von den Videospielzeitschriften damals.

Okay, für Export und Tourismus ist das schlecht, aber für Konsumenten doch super. Ihr könnt jetzt Spiele zum halben Preis kaufen!

Herr Rossi hat geschrieben:0,98 isch no nüt. De wird sich bi 0,85 ipendle.

Zum Glück schaff ich inere Branche wo dür das uf und ab Null beiflusst wird.

ja ich au, und all andere?
ich verstah scho ned ganz wie ihr das all uf die liecht schultere nämed

"Alli" mache das sicher nid do inne. Si halt eifach extremi Uswüchs im Moment was da abgeit.

bi üs isch das en tropfe ufem heisse stei. sit ich da schaffe, wird jedes jahr meh iigspart. abbaurundene gits 3 all zwei jahr. jetzt sinds dra eus dä pc wägneh 'bring you own device', und ine paar jahr schaffemer nuno vo diheime, will all gebäude verkauft wärded. mi wärded i jedem sinn vom wort billiger und d'löhn und boni vom mgmt meh. irgendwänn klöpfts mal wieder und dänn gönd die, wo jetz scho nüm müesstet schaffe eifach woandersch und dä rescht isch agschmiert. und trotzdem mach au ich kei ahstalte, mich uf dä ziitpunkt vorzbereite oder was degäge mache

Moff hat geschrieben:

Herr Rossi hat geschrieben:0,98 isch no nüt. De wird sich bi 0,85 ipendle.

Zum Glück schaff ich inere Branche wo dür das uf und ab Null beiflusst wird.

ja ich au, und all andere?
ich verstah scho ned ganz wie ihr das all uf die liecht schultere nämed

Galgehumor