NERV hat geschrieben:
Han hütt abe jetzt mal statt gwärmte Härdöpfelstück mit Gulasch eifach Ris mit Ei und Pilze gmacht und komischerwis kei Darmbeschwärde. Ev. ligts wükli am Fleisch und ich muess no Vegetarier wärde.
Wiä schomol gseit, nid grad s Chind mitem Bad usschüttä... issisch mol es zitli so dass kei Beschwerdä hesch, und wenn denn es Zitli Beschwerdefrei bisch, chaschder denn au mol wieder Herdöpfl mit Gulasch inähauä, oder Milch etc. Aber ebä eifach au denn nid wider numä das.
Chan guet sie dass binere vielsitigä Ernährig au wieder all das Züg i enere usgwognä Ernährig agmässänä Mängi chasch fuetere, wills denn vilicht doch nid so isch dasses absolut nid vertreisch.
Natürlich chas au si dases überhaupt nid vertreisch (au wenn das echli komisch schint so vo hüt uf morn), aber das würsch jo denn merkä.
Und wenn denn d Symptom sofort wider chömed, und glich nid ohni all das Züg wilsch läbä, muesch denn halt glich zum Dokter. Evtl. findet mehr denn exakt usä, was für Stoff Problem mached. Chan au sie dasses nur gwüssi Bestandteil sind (passt zwar nid zu dim Fall, aber einä wo en Weizä Allergie hed, mues weg dem jo nid uf Teigwarä, Brot etc. verzichtä, sondern mues eifach bi all dem Züg uf Sachä zruggrifä wo ebä nid mit Weizämähl gmacht wordä isch sondern mit anderä Getreide).
