Re: Welchen Film oder welche Serie hast du gerade gesehen?
Verfasst: 05 Aug 2015 22:19
von turntablism
Fast and furious 7 wer no guet wenn zwei schauspiler weniger würed mitspile.
Oh nei...babyface schwiin diesel :typej: ch chan die schweinebacke ned ahluege. Und de samoaner findi au ned so de guet
Re: Welchen Film oder welche Serie hast du gerade gesehen?
Verfasst: 06 Aug 2015 16:53
von resuscitation
Kingsman - 8 / 10
Find ich no än adrette Agentefilm.. viel Gadgets, viel Action, Standard-Dialog, nette Cast und än Samual L. Jackson wo lisplet
Re: Welchen Film oder welche Serie hast du gerade gesehen?
Verfasst: 06 Aug 2015 18:37
von OlDirty
The Raid 8/10
The Raid 2 9/10
Wer uf Martial arts Film stoht kennt die sicher und susch unbedingt luege.E ziemlich kernigi Sach,ohne Witz und Humor defür würkli knall hart. Besseri Fightszene hani au no nie gseh!
Re: Welchen Film oder welche Serie hast du gerade gesehen?
Verfasst: 06 Aug 2015 18:44
von turntablism
di bescht fighting Szene findi vom film Tom yum goong / warrior king
und zwar diädadaa
Re: Welchen Film oder welche Serie hast du gerade gesehen?
Verfasst: 06 Aug 2015 18:56
von OlDirty
Mues i mir demfall moll geh de Film.Merci für de Tip.
Re: Welchen Film oder welche Serie hast du gerade gesehen?
Verfasst: 06 Aug 2015 20:04
von Acid
Im Universal Soldier Day of Reckoning gits au en ordentlichi Szenä ohni Schnitt (oder zumindescht so tua als ob, au wenns villi hed mit klassischä tricks inäbschissä). Isch au einä vo de neuä Actionfilm woni super find, was nid grad viel gid (guet, ich lueg diä meischtä au gar nid).
The Raid isch doch für de Chübel... zerscht isches nochli faszinierend, aber nocher isches doch immer numä s glich, und eigentlich gits jo nur 1 richtigi Kampfszenä, und diä isch völlig Scheisse, während de Rescht vom Film nid schlächt Choreographiert isch.
Aber ja, entweder hättets müese en richtigä Film machä, und suscht eifach öpä 1.5h chürzer, dass wär öpä diä richtig längi für alles z gseh was z bütä händ. Eis vo de gröschtä Problem vo denä Film... sit Ong Bak mached alli s glich und reihed eifach meh oder weniger spektakuläri Sachä anenand. Bim Raid sinds ehnder weniger Spektakulär, verglichä mit de Sachä us Thailand, aber au diä hedmer schnäll mol gse.
S 2 hani aber nonig gseh.
Irgendwiä sind Actionfilm eifach niämeh a d Blüetezit us de 80er, 90er und no frühä 2000er herä cho, bis uf usnahmä. Au wemer villes us derä Zit natürlich chum meh chan luege, ich mein z.B. Bloodsport isch hüt komplett langwiligä Quatsch, aber d Jackie Chan Film us de 90er und de eint oder ander 2000er möged sich no locker hebä.
Re: Welchen Film oder welche Serie hast du gerade gesehen?
Verfasst: 06 Aug 2015 20:47
von siralos
ohne schnitt is ja schoen und gut, wenn die gegner aber jedesmal nen lag haben um den schlag abzuwarten isses doch etwas billig....
Re: Welchen Film oder welche Serie hast du gerade gesehen?
Verfasst: 07 Aug 2015 06:51
von Mastler(P)
Acid hat geschrieben:Au wemer villes us derä Zit natürlich chum meh chan luege, ich mein z.B. Bloodsport isch hüt komplett langwiligä Quatsch, aber d Jackie Chan Film us de 90er und de eint oder ander 2000er möged sich no locker hebä.
bluetsport chani mit chli nostalgie gfühl immerno easy luege. am interessantischte isch aber scho vorallem dä schluss, näbscht di mak und ok usa.
und jackie chan hät ganz klar s beschte züg ih dä 80er produziert.
ih dä 90er hät er ja leider chönne fuess fasse in hollywood und nur no meh oder minder weichs züg produziert. dafür wenigstens no kreativi kämpf zeigt.
Re: Welchen Film oder welche Serie hast du gerade gesehen?
Verfasst: 07 Aug 2015 09:45
von Acid
Mastler(P) hat geschrieben:
Acid hat geschrieben:Au wemer villes us derä Zit natürlich chum meh chan luege, ich mein z.B. Bloodsport isch hüt komplett langwiligä Quatsch, aber d Jackie Chan Film us de 90er und de eint oder ander 2000er möged sich no locker hebä.
bluetsport chani mit chli nostalgie gfühl immerno easy luege. am interessantischte isch aber scho vorallem dä schluss, näbscht di mak und ok usa.
Ich hanen also vor es paar Johr mol wider gluegt, und es isch e rächt schmerzvolli Erfahrig gsi. Im Grund gno lahmarschig vo A-Z inkl. de Kampfszenä, wo eigentlich fascht scho peinlich sind.
Do isch sälbscht manch andere schmalbrüschtig weschtlich Martial Arts Film no chräftiger, wiä z.B d Kickboxer oder so.
Mastler(P) hat geschrieben:und jackie chan hät ganz klar s beschte züg ih dä 80er produziert.
ih dä 90er hät er ja leider chönne fuess fasse in hollywood und nur no meh oder minder weichs züg produziert. dafür wenigstens no kreativi kämpf zeigt.
Do bini anderer Meinig. Diä ganzä klassischä HK Flicks sind guet und recht, und au d Police Story Film und so (wasmer chum chan luege sind allerdings diä Komödiä, aber diä sind jo glaub ehnder 70er). Und mit 2000er hanimi vergriffä, ich han glaub gar kei Film vonem gseh wo jünger isch.
Aber z.B. Rumble in the Bronx, First Strike, Who am I... Alles erschtklassigi Actionfilm, mit phantastischer Pace und super Kampfszenä. Unterhaltig Puur. Gergeous chani verstoh wemer de Kitsch und CGI Delphin nid mag, aber er hed eini vo de beschtä Kampfszenä sit immer drin.
Übrigens alles HK Produktionä, International nid unbedingt automatisch = Hollywood.
Und en Who am I isch glaub no kei Sekundä galteret (hanen zwar wiä alli Jackie Chan Film scho ewig nüm gseh..,söt villicht wieder mol), wasmer vo sinä 80er Produktionä nid immer so guet behauptä chan.
Re: Welchen Film oder welche Serie hast du gerade gesehen?
Verfasst: 07 Aug 2015 09:55
von Mastler(P)
klar isch bluetsport chli lasch, aber ich find das immer wieder geil wenn er sich dauge riehbt und id luft schlaht. ebe, dä luegi weniger willd kämpf so geil sind.
dä erscht police story isch es guets bispiel für typische hk action film. härt, roh, und dank ihm au riesigi und kreativi kampfszene.
das luschtige züg wied luckystar film luegi aber immerno gern. und zum schluss häsch ih dä regel au no ei langi und geili kampfszene.
die ältere film vermittlet eher s gfühl vo rohem realismus und das mag ich sehr. die lüht hauet sich ahständig ufd birre und das gseht mer.
Re: Welchen Film oder welche Serie hast du gerade gesehen?
Verfasst: 07 Aug 2015 11:22
von siralos
Mastler(P) hat geschrieben:
die ältere film vermittlet eher s gfühl vo rohem realismus und das mag ich sehr. die lüht hauet sich ahständig ufd birre und das gseht mer.
Mission adler oder once upon a time in china, immer noch ungeschlagen.
Re: Welchen Film oder welche Serie hast du gerade gesehen?
Verfasst: 07 Aug 2015 12:18
von Mastler(P)
zb. für mich sind sehr vill 80er film vom jackie uf ihri art legendär.
aber allgemein gitz au immer susch mal gueti film us hk zu dere ziit wo ähnlich daher chömed.
Re: Welchen Film oder welche Serie hast du gerade gesehen?
Verfasst: 07 Aug 2015 16:49
von abyss
turntablism hat geschrieben:di bescht fighting Szene findi vom film Tom yum goong / warrior king
und zwar diädadaa
Re: Welchen Film oder welche Serie hast du gerade gesehen?
Verfasst: 07 Aug 2015 17:05
von resuscitation
The breakfast club - 9/10
Dä Film isch au jetzt no eine vo mine Favorits... super Soundtrack, coole Cast und gueti Story.. Witzig, fesselnd und gäge dä Schluss au tüüfgründig.
Re: Welchen Film oder welche Serie hast du gerade gesehen?
Verfasst: 09 Aug 2015 10:05
von abyss
Shrek 2
10/10
Re: Welchen Film oder welche Serie hast du gerade gesehen?
Verfasst: 09 Aug 2015 11:20
von Marco_in_motion
Mad Max : Fury Road
kreisi /10
En riese Movie, sälte so öppis Bildgewaltigs gseh und dänn no all diä ville Details
s'einzige woni chli schaad finde isch das de Max chli dööflich/verwirrt und dureknallt würkt anstatt cool und überleit wiä i de früehnerige Movies.
Däfür hätter sone "wild-beast-attitude" wo mer sehr guet gfallt.
Vill Story gits nöd aber d'art und wies wiä das wenige verzellt wird machts für mich mega uus.
Dä Film wirdi sicher no jeensti mal luege.
Re: Welchen Film oder welche Serie hast du gerade gesehen?
Verfasst: 09 Aug 2015 20:18
von PlanetHarrieR
Jupiter Ascending 6,3/10
war okay
Re: Welchen Film oder welche Serie hast du gerade gesehen?
Verfasst: 10 Aug 2015 02:31
von Marco_in_motion
Terminator : Genisys
Mazafakk / 10
ganz müehsams Zuekunfts/vergangeheits-geschwurbel.
Nüt vo alle dem wo die vorhergehende Terminator-movies suprig gmacht händ, isch da mit ine gflosse.
Es mues völlige wahnsinn gsi sii, wo d'tragwiiti vo däre Film gwordne Scheisse ...dem Flickwerk, de Macher bewusst worde isch.
Nur müends übelst volle gsi sii zum sich däzue entscheide das Chasperli-teather würklich publik z'mache. Hert. Tod vonnere wunderbare Filmreihe.
Heb d'Frässi.
Re: Welchen Film oder welche Serie hast du gerade gesehen?
Verfasst: 10 Aug 2015 07:00
von PlanetHarrieR
Was genau stört dich denn?
Re: Welchen Film oder welche Serie hast du gerade gesehen?
Verfasst: 10 Aug 2015 12:53
von Asskicker
Mission Impossible: Rogue Nation - 7/10 sehr unterhaltsam wänn au rächt vorhersebahr, aber de Simon Pegg machts wieder guet
Re: Welchen Film oder welche Serie hast du gerade gesehen?
Verfasst: 12 Aug 2015 17:11
von feeshlee
turks and caicos: 9/10
mad max - fury road: 5/10
fast & furious 6: 7/10