The(G)Forum

Spaghetti hat geschrieben:das Spieli isch so unvorstellbar guet. Sit Johrä bin i nöd me so süchtig nach einem Spiel gsi.....

mini wort

diebesbandi schlich part mit mini boss, t sequänze mit de kollegas zum de elephant zöffne, au scho dr beschwerlich wäg zu de zoras oder ufe todesbärg uffe. so parts meini. chlö öfter öpis "erreiche" müesse statt nur öpis "finde".
isch mötzle uf allerhöchstem niveau, aber genau s glich in himmelblau wo dr focus wider so stark ufd wält und ufs entdecke usgleggt isch bruchts nach somne mamuth ja nit nomol in 3 johr oder? die gaz engine vom spiel neh und öpis chli anders aber gliich guets drmit amche. ebbe dr oot/MM twist.

ah jä so. ok.

ich frög mich eh was ab jetz no wänd mache mit dere serie. wieder open world, also nomal s'gliich? oder wieder nüme open world, aso wie früehner? schiint mer chli es dilemma zwärde.

Open Wörld Metroid Prime omgomg

wobii... sind ja immer scho en art gsi. aber eifach es MP mit däm polish und dere spannwiiti. dänn isch de switch kauft. wäg EIM spili.

zwirrlibatz hat geschrieben:ah jä so. ok.

ich frög mich eh was ab jetz no wänd mache mit dere serie. wieder open world, also nomal s'gliich? oder wieder nüme open world, aso wie früehner? schiint mer chli es dilemma zwärde.

Wemmer bedänkt dass BOTW im Ursprung für WiiU entwickelt worde isch chönnt mer mit eme technisch usgriftere Zelda rächne. Chönnt bedüte dass d Schpilwält detaillierter, grösser würd wärde. Nachem Erfolg von BOTW wärdeds wohl d open world Schiene nid verloh.

Spaghetti hat geschrieben:das Spieli isch so unvorstellbar guet. Sit Johrä bin i nöd me so süchtig nach einem Spiel gsi.....

Isch halt Nintendo

Us technischer Sicht wär's realistischer, dass sie mittelfrischtig namal es Open World-Zelda usehaued. Die händ die Engine ufbaut (eidüütig mit entscheidender Hilf vo Monolith; die beide Xenoblades sind bim Wältdesign ganz klar Pate gstande), wo grad mit de ganze Reaktivität (Physiksystem, Interaktion vo Füür, Wind, Räge, usw.) erstens beiidruckend isch, zweitens wiiterhin grosses Potential hätt und drittens sicher au nöd ganz billig gsi isch. Die ganzi Basis nach eim einzige Spieli scho wieder zum alte Ise z'legge wär fast chli schad.

Anderersiits wär's rächt untypisch für Nintendo - grad bi de Mainline-Zeldas - wänn sie da im Sequel namal öppe s'Gliiche mached. Ubisoft-mässigi Sequelitis wirds bi Nintendo bi de grosse Prestigetitel (Zelda, Mario, Metroid, etc.) nie gäh, für das sind sie z'stolz und z'gschiid.

Chönnt mer vorstelle, dass es letschtlich devo abhanget, öb sie für es zweits Zelda i dem Stil no gnueg frischi Ideeä händ oder nöd. Wänn ja chönnted's usnahmswiis eine uf Mario Galaxy 2 oder Metroid Prime 2/3 mache. Wänn nei, dänn mached's im nörchschte Mainline-Zelda wieder öppis ganz anders und mir warted halt wieder 5-6 Jahr, bis das chunnt.

evo hat geschrieben:ich ha immer noni usegfnde wie items in de shops respawne. was mich au wundernimmt isch was passiert wemmer en shrine entdeckt bevor mer s (blaue) quest dafür becho het, het me dr quest itrag gliich im log?
und was bringt tarnung? uf em lüüchtset usem gerudo geheim club, nachdem mer lvl 2 upgrade gmacht het drfür

shrines hani jez 95, langsam wirds eklig zum witeri zfinde.

respawne hani ounonid usegfunge.. aber ig teleportiere eifach vo shop zu shop u finge wasi bruche..

squest muesch nid ha für zb e shrine wo nume dürnes quest fingsch ds ha. wird automatisch aktiviert u abgschlosse..

ich hätt iets gseit items i Shops respawned bim bloodmoon

nope, i ha scho öppe 6432 bloodmoons gha sit ich s erstemal in kakariko gsi bi und t holzpfiile woni damals kauft ha sin immer no nit dert. bimne terri händler hani mol r ganz shop leer kauft, den sin nach eme zitli wider paar tier din gsi, aber pfile ebefals nid. mol luege was passiert weni sone dorf shop leer chauf.

Bloodmoon... Öpis vom närvigste i däm game. Nid dr zuestand an sich sondern das dumme 'intro' jedes mau wo nid chasch abchürze bzw ersch wenns eh scho fasch fertig isch...

zersch B trugge denn +, denn sot mer doch alles skippe könne.

evo hat geschrieben:zersch B trugge denn +, denn sot mer doch alles skippe könne.

genau so skippsch d bloodmoon Sequenz

geschter s erschte mol uf de kilton troffe, de huere anarchischt

Grad vo afang a? Normalerwiis zeigts doch a, ab wenn chasch skippe? Muessi grad teste...

Jones hat geschrieben:Grad vo afang a? Normalerwiis zeigts doch a, ab wenn chasch skippe? Muessi grad teste...

jo so 1 sekonde dri chasch grad

D'Bloodmoon Cutscene isch ziemlich sicher dezue da, die mit em World State Reset verbundene Ladeziite z'verstecke Wänn me sie skippt häsch defür ja eifach en Ladescreen wo öppe glich lang gaht.

Das Spiel hätt usserdem en komische Bloodmoon-Glitch. Wänn me s'Spieli z'lang offe hätt (was bi mir bi de Switch-Version de Fall gsi isch; er gaht ja standardmässig nume in Sleep-Modus und s'Spieli bliibt offe), chunnt me plötzlich us em nüüt Bloodmoons über - ohni Vorwarnig und mängsmal z'mitzt am Tag Spieli beände und neu starte behebt allerdings s'Problem.

i möcht au e kleini kritik an dr usrüschtig üebe.e chli besseri verteilig vo für und schnee landschafte wär nice gsi, orni gwand hesch immer wider ah, weils viel hohi schneeberge git, füür region hani erst bi de gorone gseh. und au mit dr donner resistenz häns biz zu guet gmeint, 3er boni vom orni set, e ganzes isolierset und dr gerudo donnerhelm... 3-4 mol trifft mer scho müehami passage mit elektrizität ah aber das wärs den scho. und dr gerudoschmuck findi total nutzlos. mega tür und het mir jez also genau gar nix brocht??usser das füre ganz kurzi zit mol sone schmuckhelm mehr defense gha het weil mer t mats gfählt hän fürs upgrade vom set helm.

armor bringt zu 90% eh nüt schlaus... btw pro tip: fürschwärt bruche = wermi im schnee u Ischschwärt bruche wes heiss isch, de bruchsch fasch ke usrüstig me

bin nach 120 stund dure und ich hans absolut phänomenal gfunde

ich han das mehrmals 10+ stund am stuck gspielt und allgemin wenig gschlafe und ich glaube ned, dass mir das je passiert isch, au als chind ide ferie ned mitneme game
das spiel het eifach en extrem starchi immersion wo eim immer motiviered na meh zmache.
das lit einersits dra, dassmer d'welt selber erkunde muess, ohni vorgebni points of interests abzarbeit, wo de effekt entstaht, dassmer immer was neus entdeckt und abglenkt wird, und all die sache mached spass und werded belohn. hauptsächlich sind das kämpf, exploration und shrine puzzles, aber au viel viel nebesache wie ernte, stei zerhacke, rösser zähme, koroks, choche und vieles meh, das macht alles zäme au irgendwie sinn.
anderersits entstaht die immersion au dur die extrem interaktivi welt, die isch eifach ufnehme niveau womer bisher na nie gseh het und ladet so viel zum entdecke und usprobiere i. was ebe relativ wischtig isch da, isch de waffeverschleiss wo motiviert ebe ned nur eifach alles abezhacke. aber au suscht i allem interagiertmer mit de welt und d'welt interagiert mitem spieler, und isch ebe ned nur kulisse wie i de allermeischte anderne open world RPGS, es isch en lebendi welt und das find ich au drum beidruckend will die welt ja zwar sehr hübsch isch, aber au sehr comichaft und irgendwie arcadig, im verglich zB du witcher 3, GTAV oder horizon zero dawn. aber velicht ladet au das grad ne me zum interagiere i, will objekt dur das eifach als interaktiv z'kennzeichne sind.

ich han vo dem spiel ned vill erwartet, ich han ehrlich gseit d'trialers bitz langwilig gfunde und gmeint es lebt usschliesslich vonere dynamische, interaktive welt. die isch natürlich da, aber es bütet au suscht extrem viel.
BOTW het viel element vode zelda franchise womer so guet na nie gseh het. ich denke da ad gerudo desert + torn, death mountain + goron town, zora domain, lost woods, schloss hyrule. das alles isch na nie so guet imene zelda darstellt wurde.

für mich ganz klar s'neue definitive zelda, wo sich alli witere werded dra messe müesse, und nümme a OoT. usserdem glaub ich au, dass das spiel wie OoT wird en spürbare ifluss uf anderi open world games ide zuekunft wird hinterlah was welt interaktivität agaht. de effekt wo das uf michg ha het isch würklich was ganz speziells gsi.

bescht moment im game übrigens, de final song vom kass, nur dasses na erwähnt gsi isch

Moff hat geschrieben:die welt ja zwar sehr hübsch isch, aber au sehr comichaft und irgendwie arcadig, im verglich zB du witcher 3, GTAV oder horizon zero dawn. aber velicht ladet au das grad ne me zum interagiere i, will objekt dur das eifach als interaktiv z'kennzeichne sind.

jetz wo's seisch. stimmt. das hamer so gar nie überleit. interaktivi items markiere oder blinke lah würkt so viel weniger - wenn überhaupt - deplatziert als imne "realgrafik" setting. die händ würkli jede no so chlii aspekt inere sichtwiis duredänkt wie niemer vorher.

Ich bin gester au färtig worde (mit öppe 38% completion rate, obwohl ich alli Shrines gholt han ) und chan s'Urteil vom Moff so underschriebe.

Was mich immer wieder verblüfft hätt, isch wie Un-Nintendo-mässig das Spieli dethär chunnt. S'Nintendo-Prinzip isch ja normalerwiis das, dass de Spieler in es Korsett vo ziemlich äng gfasste und sträng gskriptete Gameplay-Regle gsteckt wird, wo dänn aber bis is letschte Detail duredänkt und mit absolutem Perfetionismus implementiert sind. S'Zelda macht s'Gägeteil, laht de Spieler komplett vo de Leine und generiert s'Gameplay, statt dass sie's konsequent dureskripted, mehrheitlich über prozedurali Regle (Physik, Wätter, KI und de ganzi Kram). Und trotzdem funktioniert s'Gameplay eso wie me sich's vo Nintendo gwohnt isch, sprich: es isch duredänkt und poliert wie susch keis mir bekannts Spiel i dem Genre. Findi no krass. Wänn me mir vor zwei Jahr gseit hett: "Du, Nintendo mached im Fall es Open World-Spieli, wo würklich konsequent Open World isch, und sie wärded mit dem praktisch us em Nüüt de ganze Industrie zeige, was bisherigi Open World-Spieli tendenziell falsch oder nöd so guet gmacht händ", dänn hett ich druf nume gseit: "Lol, träum wiiter..."

Übrigens: Hyrule Castle Anderi Entwickler würded us dem ellei use es ganzes Spiel entwickle, Nintendo haut eifach nonchalant am Schluss no öppis use, wo sich spielerisch doch erheblich anders afühlt als die 100+ Stund zuvor (au wänn's natürlich effektiv nöd gross anders isch, es fühlt sich aber eifach so ah). Hätt mich am Schluss also grad namal umghaue, obwohl (oder grad will) ich s'Gfühl gha han, dass ich's langsam gseh han.

i han grad es 92er 1hand chimäreschwert gfunde

Ich bi immer me verliebt i das Schpil, is ganze Team wo das Schpil so wiit entwicklet het wies isch. Das Gfühl wenn s erscht mol bim ne ufziehende Gwitter e Bärggipfel erreicht hesch und s Panorama mit all sine Details dich sprachlos macht. Wenn e Horde vo Gägner uf e unkonventionelli Art (wo zerscht dänksch es klappt so eh nid) i Tod schicksch. Wenn sich e Dialog miteme NPC völlig ine anderi Richtig entwicklet als du Nintendo zuetraut hätsch. Wenn bim ne vermeintlich clevere Move vom Gägner völlig überrascht wirsch und de Game Over Schriftzug gsesch. Das Schpil überrascht mich all Paar Minute, öpis bessers cha der gar nid passiere!

Herr Rossi hat geschrieben: und s Panorama mit all sine Details dich sprachlos macht.

de moment, wenn Horizon Zero Dawn no ned gspielt hesch und no mit wenig grafik zfriede bisch


nei, lol, sorry, hett müesse si

Ich schpile beides, aber bim Horizon fühlt sichs andersch ah
Und sit em BOTW schpilis nümm. Chund de scho wider