The(G)Forum

Web bassiert gits jo au scho s eint oder ander.


Han jetzt mol no BeyondPod echli meh usprobiert. Gfalltmer vo de Oberflächi her besser als de Podcast Addicct, isch chli simpler, übersichtlicher und direkter. Wasi no vermiss isch irgend e Uflischtig wo diä neuschtä erhaltbarä Folgä azeigt werded.

En intelligenti benammsig hed de au nid. Isch villicht eifach z vil verlangt, andersits söt das jo eigentlich öpis simpels sii, will im feed zeigts eim das jo au a. Wieso nid grad d datei denach benännä.

Wiä machsch denn du das wenns uf din media server schiebsch? Hesch jo wahrschindlich au gern wenns denn e aschtändigi Bezeichnig hed, damit weisch was drin isch, nimmi a.



Wasi bi derä Glägäheit aber erlikt han isch dassmer i denä beidä genau so chan rss feeds aboniere. Und dassmer au villi Sitene chan aboniere, wo offiziell keinä agänd. Und Sitäbereich... Jetzt weisi z.b immer wenn uf de stream Sitä neui UFC Streams druf sind, und mues nid immer go sueche. Chamer au Twitter als rss aboniere, das wär no de Hit?

Bi mir het eifach jedi Sendig en Ordner und det drin sortieris denn nach Datum. Au nid grad ideal aber was bessers hani bislang nonig gfunde...
Uf minere Site hani denn Twitter Feeds drin...Youtube ebefalls...set also theoretisch au inere App möglich si.

Also du weisch denn au nid, weles Thema, wele Titel, oder wele Gascht dasses isch?

Bi mir betitlets z.B. diä neusch jre woni abägladä han mit "p606". Das isch d Episodänummere und wohl de Namä wo d Datei im feed hed. Es sind au nid alli ganz so reduziert. Aber gwüssi defür no weniger ussagechräftig, do hedmer wenigschtens e numerierig.

Allerdings isches jo für d App möglich witeri Informationä abzholä (chömed diä vom feed oder sind diä i de Datei ibettet?), so dasses i d App de Titel chan so schriebä: "#606 - Randall Carlson" (und natürlich no diä ganzä zuesätzlichä Informationä, Beschrieb und so.)

Und Dateiä umbenännä chönd d Apps jo au automatisch (zumindescht im beyondpod gits e Option "eindeutige Dateinamen erzwingen" wo standarrmässig aghöglet isch, unds no viel schlimmer macht). I miner Wahrnehmig sötts unter denä Vorussetzigä doch eigentlich eifach sii, en Option zha dass d App de Titel nimmt wos brucht zums i de App z benamsä, und diä dezueghörig Datei so znännä.

Aber villicht gits glich irgendwo es Problem, chamer fascht nid vorstellä wieso das suscht nid gmacht wird.

De Xiaomi Event lauft grad...Techcrunch bloggt live: http://techcrunch.com/2015/02/12/livebl ... on-valley/" onclick="window.open(this.href);return false;

Süess. Apple-like, aber im chliine Kreis.

Kenne miui ja scho sit paar jahr als custom rom und itz sit paar wuche hani es mi3 u bi enorm zfriede. Ar fründin hani grad es redmi2 bstellt und ihre geits glich.. Pris/leistig isch eifach scho dr hammer bi dene grät!

Xiaomi söu itz eifach ändlech die verdammte kernel source offelege!! Meh muess apple ja nid ALLES nachemache... ololol

Google Handschrifteingabe funzt Uhüere guet. musch mal probiere. Dänke mitleme stift würds sogar no besser gah. mittem finger ufeme händi sehr wahrscheinli unmöglich.

und jetzt d'messageease tastatur.. gaht scho chli schneller, wenn sie chli im griff häsch.

Microsoft will bundle its apps on Cyanogen’s Android OS
http://www.theverge.com/2015/4/16/84273 ... ces-bundle" onclick="window.open(this.href);return false;

Ich gange mal devo us, dases nur s Cyanogen OS und nid de Mod betrifft. Also nur die Version wo bi manche Smartphones vorinstalliert chunt.

ja hani o so gläse und verstande. nur z'OS...
ob das jedoch viu besser als google isch, wagi z'bezwiefle... lol

Fanboys Stab Each Other Over Android vs Apple

The ever-heated battle over mobile ecosystems left two wounded fanboys today: In Tulsa, Oklahoma, two roommates were hospitalized after a drunken fight about the relative benefits of Android and Apple phones.

http://gizmodo.com/fanboys-stab-each-ot ... 1698478931

:typej:

omfg

Het das mal öpert usprobiert? http://paranoidandroid.co/" onclick="window.open(this.href);return false;

Xinobrax2 hat geschrieben:Het das mal öpert usprobiert? http://paranoidandroid.co/" onclick="window.open(this.href);return false;

ja hani o mau installiert gha. bi aber nüme sicher ob ufem nexus s oder nexus 4...
isch scho es momäntli här...

Wie ist das so mit den antiviren Programmen auf Androif?

Nachdem ich han müese feststellä dass es sony z3 nüm unbedingt so Wasserdicht isch, wens eim scho seint oder ander mol abägheit isch, hani jetzt es Huawei p8.

Gsed eigentlich so wit ganz guet us, allerdings hani jetz müese feststellä dassi öpädiä Problem han über de WLAN Hotspot vom Natel miteme ander Grät z streamä. Geschter mitem Computer und emene IPad ufgfallä, mitem Z3 isch das keis Problem gsi. Han gmeint am Afang sigs gangä, chanmi aber au tüschä.

Uf jedäfall hani mol en Speed Tescht gmacht, miteme IPad über s Natel isch nur 5mbps usächo, währendi mitem Natel sälber unmittelbar danach bi de glichä Tescht Sitä 32mbps gha han. Chamer do was machä oder lieht das am Grät? Wär jo übel.

Ich han kei Ahnig was s Problem isch aber ich chander mal es paar Hints ge wasd chentsch überprüefe. Lueg mal, wele Wi-Fi Standard für s Tethering aktiviert isch. Möglicherwis het s Z3 standardmässig ufere andere Frequenz kommuniziert. Theoretisch müessted eigentlich alli Standards problemlos 32Mbit/s schaffe, aber s schadet sicher nid di bescht Option z aktiviere. 802.11ac wär prima falls all dini Grät das unterstützed. Denn chentsch na luege, ob s Grät us irgend emene Grund imene blöde Channel kommuniziert. E praktischi App für das isch z.B. de WiFi Network Anaylizer. Dis eigne Tethering Netz chasch demit wahrschinlich nid analysiere, aber du chentsch mal luege weli Channels i dinere Gegend so beleit sind. Fallsd s Z3 au no hesch chentsch natürlich au s Nethering Netz mal analysiere...Für dis Tethering wotsch denn falls möglich en Channel wo susch niemert verwendet.

So chentsch zumindescht mal das wasder zur Verfüegig stat optimiere. Wahrschinlich lit s Hauptproblem allerdings bi de Hardware...

Also t standards chani nid umstellä, d channel scho. Mit de Standard wirdi eh nid uf aktuellschtem Stand sii, s eintä Grät ischen I-Mac vo 2009, s ander immerhin vorherigä IPad Air. Das mit de channel isch scho chli es Züg bi üs, da huere vil Betrieber, und einigi glaub au rächt Starch...hani mitem Swisscom Modem au scho Müäh gha Zitäwiis (mitem Z3 hani allerdings au vo Ruum zu Ruum keinerlei Problem gha, ohni Channel manuel z weelä und nüt). Dank de App nun au amigs am Optimum. Leider ohni spüürbarä Erfolg.

Z3 hani no, allerdings wiä gseit ironischerwiis mit Wasserschadä, total Usfall. Huere Japaner mached eim es Handy wo dank de Oberflächi wos hed überall Abärutscht wenns heräleisch, und denn isches schiins nid Stabil gnueg zum de Wasserschutz au Dicht z bhaltä. Villicht mol für de Compi es Programm sueche, denn chönti villicht gseh wiä Schwach dasses vom Huawei deher chund.

S Komischä isch doch irgendwiä au, sälbscht wenn s Thetering Netz so verglichswiis Schwach deher chund, sötmer doch eigentlich streamä chönä, eifach halt nur entsprechend langsamer oder schlechteri Quali.
Allerdings chani gar nid Streamä, kei youtube, kei Videos vo Fernsehsender Sitä, kei Netflix oder Southpark, öb im Browser oder i de App. No nid mol en reinä Audio-Podcast isch vorher gangä, i de Podcast App.

Glaub also das lieht irgendwiä nid nur a de reinä Gschwindigkeit, will so langsam ischs jo denn au wieder nid.

Huere Chinese, muesch jedes Detail beachtä suscht ziends di über de Tisch wiäs grad chönd. Bin natürlich eifach devo usgangä dass en funktionierende Hotspot, i derä Grätekategorie sowieso, grundsätzlich vorhandä isch.
Dummerwiis gfindi aber irgendwiä im Netz eh nüt drüber, au jetzt im Nachhinein nid, weiss also nid öb das normal isch, und hets vorher au nid gwüsst.

Huere Japaner, Chinese... Vo de Koreaner wili sowieso nüt wüssä. Gits eigentlich au Schwizer Smartphones...am liebschte mit usklappbarem Zapfäzieher.

Schiischt scho chli ah, normalerwiis lieht min Neuaschaffigszyklus bimene Natel eher so im 5 Johres Bereich, jetzt isch das nachem November s zweitä, tüürä Grät, nnd es erwiist sich als Chrüpel während das vorher versoffe isch obwohls gseit händ es chöng tauchä.
Ich glaub wenis würklich zueverlässig brüücht müssti in suurä Öpfel bissä.
Villicht mol luege wies miteme eifachä Hotspot usgsehd.


Edith: git schiins au no irgendwiä Thetering über usb...mol luege wases mit dem uf sich hed.

Ich glaube s Blackphone isch us de Schwiz, allerdings wirsch det no me abzockt als bi de Asiate

Was genau verschtasch eigentlich unter "de Stream gat nid"...überhaupt nid oder eifacht viiiil z langsam? Wenns eifach extrem hackt chent au na de Ping im Arsch si. Wenns überhaupt nid gat müesstmer scho fasch devo usgah, dass s Grät manchi Sache gezielt blockiert. Das fändi allerdings zimlich seltsam...ev. isches au nur en Schutzmechanismus demit nid usversehe de Traffic verbruchsch. I dem Fall müesstisches aber irgendwo chöne aktiviere.

Das sind aber alles nur Vermuetige...ich han kein Plan, selber hani no nie sonig Problem gha mitem Natel. USB Tethering uszbrobiere isch sicher mal en guete Asatz. Det hesch e stabili Verbindig und wenn die au nid funktioniert wird definitiv öpis blockiert.

Xinobrax2 hat geschrieben:
Was genau verschtasch eigentlich unter "de Stream gat nid"...überhaupt nid oder eifacht viiiil z langsam? Wenns eifach extrem hackt chent au na de Ping im Arsch si. Wenns überhaupt nid gat müesstmer scho fasch devo usgah, dass s Grät manchi Sache gezielt blockiert.

Ja, ich mein er gohd überhaupt nid, drum findis ebä au grad doppelt eigeartig (und nervig). De Video fangt niä a, und mer gsehd au nid dasses öpis wür ladä, diä meischtä hänked denn irgendwenn uf, bi andere laufts ewig witer.
I de Istelligä hani gluegt, mer chan zwar Datä beschränkä, aber in MB Agabä (und diä sind uf unbeschränkt gstellt), nid öb Stream oder nid. Anders hani zu dem Thema nid gfundä i de Istelligä.


USB isch schiins nur bi Windows und Linux möglich.

Bluetooth Thetering hani no probiert mitem I Pad (weiss zwar nid wiä viel über bluetooth chan), ohni Erfolg.

K, denn bini ratlos. Ich finds aber na super, dass Google manchi Sache im Jahr 2015 immernonig uf d Reihe kriegt und statdesse lieber am UI umebaschtled...Tethering nur uf Linux und Windows lol....chli de Konkurrenz as bei Pisse und di einzige wones Problem demit hend sind letztendlich d Chunde :typej: Allerdings isch Apple i dere Hinsicht au nid besser...

Das s Wi-Fi Tethering nid gat lit i dem Fall aber wohl am Hersteller...

Han en Triber gfundä: http://joshuawise.com/horndis" onclick="window.open(this.href);return false;

Und siehe da, Computer suugt netz über USB vom Telephon, und ich chan streamä.

Vorerscht nur mol e Lösig für de Computer, aber Immerhin.

Also wirds würklich es W-LAN Hotspot Problem zsi.

Tethering isch super wenns funktioniert. Spare so locker öpe 60.- im Monet. Uf mim alte Defy funktionierts aber leider au nie suuber.

Morn Abig started übrigens d Google I/O. Es paar Vorträg werded gstreamt, drunter wie immer au d Keynote. En grosse Teil vo de News betreffed wahrschinlich Android.

https://events.google.com/io2015/" onclick="window.open(this.href);return false;

Inere Minute gats los


Quelle