The(G)Forum

derinderinderinderin hat geschrieben:Ig muess öppis loswerde: wie chame prestige nid super finde? Verstöht dir der Film nid, inkl alles was es impliziert? zb: der Angier isch bereit AUES für de Prestige z'gäh, inkl sis Lebe. Er weiss nämlech nid ob er stirbt oder sin Klon, wenn er d'maschine brucht. Sprich: bi jedere Uffüehrig stirbt er oder sin klon. Ig weiss nid wie dir das gseht, aber ig finde das hardcore.

ich finds zu dudebroig und zschlecht inszeniert, und de Film erklärt sich sälber vil zvil. Ha meh als einisch s Gfühl gha er sig so "konschtruiert", dass de hinderscht und letscht d Message verschtod.
Isch mini Meinig, trotzdem findi das mer ne sett gseh ha.

Minions (6.5/10)
Teilwis super Jokes, aber als gsamts irgendwie nid so richtig guet und über witi Strecke eher langwilig

The Gift [2015] (7.5/10)
Intressanti Variante vom alte Thema: Fremde versuecht s'Läbe vo dir und dinere Familie mit Psychotrickly zur Sau zmache. In de 80er und 90er wos einigi vo dene Film gä het, hets am Schluss immer en Mega Showdown gä wo der Bösi denn abem Balkon ufe Spitze vom Gartehag gfalle und ufgspiesst worde isch. So oder so öppis ähnlichs isch eigentlich immer passiert.
Bi "The Gift" hätti zerscht es ähnlichs Klischee erwartet, aber isch denn doch andersch usecho. Hetmer no gfalle.

SPL 2
Ganz gueti hong kong / thai action

Last Knights 7/10

guete Mittelalterfilm find i

Herr Rossi hat geschrieben:d Message verschtod.

Vrzell.

Und yep, de Angier isch hc. Siehe Chines mit Glaschugle. Ei Ingrediänz meh vo däm Füum.

inside out



9/10. eifach super

final schnitt blade renner 8/10
sch'na guet. jahre lang drüber nahdänke wärd i aber glaub nöd.

Mueschen ebä scho genau 2x luege.

naja, das ischs zweite mal gsi.. oder muessi grad nachenand?

guet, ehrlichgseid ischs mer zb. au scheiss egal ob dä doppldecker jetz en mensch isch oder nöd.
aber wenn mer will cha mer lang über villes hirne, dasch scho so.

@Zwirrli
De Film hed am Afang und am Schluss chli Schpannig. Da mer weiss dass mer e Nolan Film luegt weiss mer relativ glii mol um was es god. Dases denn de Brüeder isch isch naheliegend, aber für mich wenig überraschend. Nolanlike isch de Film unnötig lang und dür das für mich weniger guet. Isch mini Meinig, voll easy.

ja und was is d'message?

Herr Rossi hat geschrieben: ich finds zu dudebroig und zschlecht inszeniert

läck du mir, das forum.

Herr Rossi hat geschrieben: Dases denn de Brüeder isch isch naheliegend, aber für mich wenig überraschend.

Wie soll es den naheliegend sein, haette ja auch ein klon sein koennen, genau wie der von angier?

Ja gopf ich ha de Film eifach nach ere halb Schtund durchschaut, und Magier findi grundsätzlich lahm. Isch de öpe guet? Er hed kei Message für mich, warum au...

siralos hat geschrieben:

Herr Rossi hat geschrieben: Dases denn de Brüeder isch isch naheliegend, aber für mich wenig überraschend.

Wie soll es den naheliegend sein, haette ja auch ein klon sein koennen, genau wie der von angier?

!!!!!!!!!!!!!!!!!!!!!!!!!!!

dass me so überzüügt isch dass de Fallon und sin kolleg Brüeder sind, seit dass me de film ebe nöd durschaut hett. nachnere halb stund gitts scho mal gar nüt zwüsse. das isch s'eine. s'andere isch dass es nöd nur drum gaht d'gschicht vom film zdurschaue (die isch nöd sooooooooo speziell) sondern kapiert dass es um tüüschig und tricks und verarschig und verzerrti wahrnehmig gaht. wemme das gschnallt hett, hett me meh gschnallt (nämli d'absicht vom film überhaupt) als wemme d'story gschnallt hett. drum ebe 2x luege. so simpelpimpel.

BrainBug hat geschrieben:ja und was is d'message?

BrainBug hat geschrieben:

Herr Rossi hat geschrieben: ich finds zu dudebroig und zschlecht inszeniert

läck du mir, das forum.

zwirrlibatz hat geschrieben:are you watching closely?

ei can not watsch so clously

turntablism hat geschrieben:

zwirrlibatz hat geschrieben:are you watching closely?

ei can not watsch so clously

wasch dini muetter

schweine fisch

Was aber wemer scho s erscht mol kapiert dass es um tüüschig und tricks und verarschig god?
Ich verstand eifach nid wiäs so schwierig z verschtoh isch, dass das nid so schwierig z verstoh isch.

Am Afang rächnetmer nid so demit, und drum funktioniert de Trick. Und es funktioniert dassmer dänkt, verdammt, er hetsmer jo no gseit etc. Aber es isch s einzig a dem Film wo funktioniert. Und wiä gseit, ich find d Prämissä jo au guet, mitem Zaubere, und de Tricks, und denn isch de ganz Film eh Trick und wasmer zerscht gmeint hed z gseh isch denn doch nid so und so witer. Trotzdem findi de Film nid guet, will e gueti Prämissä langed ebä fascht niä für en guete Film. Das isch wiä mit Actionfilm, ich lueg guet gmachti Action gern, aber hützutags meined diä meischtä es paar super super CGI Effekt langed zum en Film zmachä. In Tat und Wahrheit sinds denn aber ebä nur es paar super duper CGI Effekt, und de Film i dem diä eigentlich söttet ibettet si fehlt. Drum isch z.B. au Terminator 1 geil und Terminator 2 scheisse.


Wenn jetzt das ganzä Züg wo Prestige hed no mitem eint oder andere bruchbara Charakter agricheret wordä wär, oder do und det no öpis vorcho wür wo eim nid eifach nur scheiss egal wär, wür das für mich denn vilicht au schnäll mol andersch usgseh. S glichä Problem hani au bim Interception. All das Züg, und Panik und Action und Prozess und Ebene und Schnee...aber spötischtens ab de Hälfti vom Film isch für mich s allergröschtä Rätsel wieso ich dem Humbug überhaupt no zuälueg, willmer im Grundgno alles wasmer zeigt wird so öpis vo am Arsch verbie god, willmer eigentlich gar nid würklich öpis zeigt wird.

terminolder sind beid super, au wennd story vom 1 ah sich besser isch.

De Acid bringts genau uf de Punkt, merci.
Zwirrli, ich finds voll Okay wenn du dem Film meh abgwünnsch wie ich, nur bitte verschohn mich mit dim missionarisch amuetende Hurra.

Prestige find ich supr, inception aber etwas uebertrieben......

Ich find der ganzer aufbau von prestige genial, es sind ja nicht nur zaubertricks, sondern auch etwas sci fi. Angier steht ja anfangs als grosser zauberer da, verfaellt aber nach und nach dem hass und vergrault somit all seine freunde die ihm nahe stehen und am schluss haben quasi alle verloren.

Herr Rossi hat geschrieben:De Acid bringts genau uf de Punkt, merci.
Zwirrli, ich finds voll Okay wenn du dem Film meh abgwünnsch wie ich, nur bitte verschohn mich mit dim missionarisch amuetende Hurra.

ich missionier gar nüt. ich han eifach wie immer rächt.

Acid hat geschrieben:und denn isch de ganz Film eh Trick und wasmer zerscht gmeint hed z gseh isch denn doch nid so und so witer.

genau.

Trotzdem findi de Film nid guet, will e gueti Prämissä langed ebä fascht niä für en guete Film.

ja eh. die prämisse oder form oder wasimmer macht kän guete film. alles wo ich vrzapf isch dass de film wie en zaubertrick gmacht isch und funktioniert und me ne 2x muess luege zum verstah. formal voll kreisi (für en big bütsché film ömel) und für mich respektierendswert wäg dere radikalität. öb me ne guet finde söll muess dörf oder nöd und wiesoweshalbwarum isch öppis ganz anders und vo dem red zumindescht ich eh nöd.


Inception übrigens gitt mir nüt. isch en okaye gugg aber nöd meh.