Legend of Zelda: Breath of the Wild

[evo]

Und sit em BOTW schpilis nümm.

s zelden hetem scho biz t show gstohle

[zwirrlibatz]

DLC = links obe, Nordweste. Hett nämli au en Schrein. Bin det grad im üsserschte Zipfel bi schönschtem Wätter ufen Schneeberg cho. Fantastischi Stimmig det.

[evo]

whuut? en schrein quasi usserhalb vo dr map?

[zwirrlibatz]

nei scho nöd, liit aber genau uf däm egge vo de map wo me jensiits änet em grabe no meh gmappts land gseht. mit relief.


edit: deutsch schwer.

[sidusson]

Ich bin gester au färtig worde (mit öppe 38% completion rate, obwohl ich alli Shrines gholt han ) und chan s'Urteil vom Moff so underschriebe.

Was mich immer wieder verblüfft hätt, isch wie Un-Nintendo-mässig das Spieli dethär chunnt. S'Nintendo-Prinzip isch ja normalerwiis das, dass de Spieler in es Korsett vo ziemlich äng gfasste und sträng gskriptete Gameplay-Regle gsteckt wird, wo dänn aber bis is letschte Detail duredänkt und mit absolutem Perfetionismus implementiert sind. S'Zelda macht s'Gägeteil, laht de Spieler komplett vo de Leine und generiert s'Gameplay, statt dass sie's konsequent dureskripted, mehrheitlich über prozedurali Regle (Physik, Wätter, KI und de ganzi Kram). Und trotzdem funktioniert s'Gameplay eso wie me sich's vo Nintendo gwohnt isch, sprich: es isch duredänkt und poliert wie susch keis mir bekannts Spiel i dem Genre. Findi no krass. Wänn me mir vor zwei Jahr gseit hett: "Du, Nintendo mached im Fall es Open World-Spieli, wo würklich konsequent Open World isch, und sie wärded mit dem praktisch us em Nüüt de ganze Industrie zeige, was bisherigi Open World-Spieli tendenziell falsch oder nöd so guet gmacht händ", dänn hett ich druf nume gseit: "Lol, träum wiiter..."

Übrigens: Hyrule Castle Anderi Entwickler würded us dem ellei use es ganzes Spiel entwickle, Nintendo haut eifach nonchalant am Schluss no öppis use, wo sich spielerisch doch erheblich anders afühlt als die 100+ Stund zuvor (au wänn's natürlich effektiv nöd gross anders isch, es fühlt sich aber eifach so ah). Hätt mich am Schluss also grad namal umghaue, obwohl (oder grad will) ich s'Gfühl gha han, dass ich's langsam gseh han.

ig gloub äbe es isch o vomene neue, junge, kreative team gmacht worde u eher weniger vor "aute" garde... fasch chli so wie splatoon.. isch ja ou ganz usergwöhnlech gsi für Nintendo verhäutnis..

[Jones]

Nach 60h dr vogu killt... Soooowas vo easy gsi...

[Herr Rossi]

Mini Tochter hed vorher vo Afang a gschpilt und vor em esse gschpeicheret.... Und mine Schpilschtstand isch fucking nümm ume!!! Nume 5 Autosaves vo de Tochter. Verfluechte Kack

Enterbe!!!

[Gurgelhals]

Mini Tochter hed vorher vo Afang a gschpilt und vor em esse gschpeicheret.... Und mine Schpilschtstand isch fucking nümm ume!!! Nume 5 Autosaves vo de Tochter. Verfluechte Kack

Das isch ziemlich sicher Worst Case Switch-Speicherdate sind soviel ich weiss an Benutzeraccount kopplet (wahrschinlich im Hinblick uf s'Cloud Saving-Feature, will me en Benutzeraccount ja au mit eme "globale" Nintendo-Account verchnüpfe chan. Muesch uf de Konsole pro Person en separate Benutzeraccount mache und dänn s'Spiel mit em jewilige Account starte.

Enterbe!!!

Mindestens

[Jones]

Oh fuck i würd düredräie...
I ha grad eismau dänkt, wenn das ding kaputt geit oder gstohle wird, wär das, wo mir am meiste würd weh tue, dr spicherstand...

[Herr Rossi]

Es isch de Hass, aber ich fröi mi itz glich uf d Widergeburt =) ich glaub wenni scho d Helfti gmacht hätt wäri länger als 10 Minute hässig gsii

[Jones]

Also wie lang hesch de scho gspiut gha? NUR autosaves gmacht oder mau e manuelle?

[Moff]

das isch bitter, da isch das account system ebe scho ned optimal

[Herr Rossi]

Also wie lang hesch de scho gspiut gha? NUR autosaves gmacht oder mau e manuelle?

Ca 40 Stund, immer wider manuell gschpeicheret wenn i abgschalte ha.

Ja s Account Syschtem sux, aber ich bi selber schuld. Janu

[Mr. Heli]

so hauptmission dure, git aber no viel z mache. het scho öper d extension packs kauft? chunt ja zwar erst im summer/winter, aber evt. wirds ja no tüürer...

[sidusson]

Also wie lang hesch de scho gspiut gha? NUR autosaves gmacht oder mau e manuelle?

Ca 40 Stund, immer wider manuell gschpeicheret wenn i abgschalte ha.

Ja s Account Syschtem sux, aber ich bi selber schuld. Janu

ja we öpper uf dim account neu afaht alles weg

[Herr Rossi]

Bi wider glich wit Shrinemässig, imne Drittel vo de Ziit... Jetz wider exploring und 2 eigeti User gmacht für d Chind =)

[Master(G)]

[Master(G)]

[zwirrlibatz]

De (g) chan mir das offesichtlich erkläre: woher chöme eigetli d'Gerudochind?

[evo]

usem ganondorf sim schwänzn. er isch ja dr männlich gerudo

[Moff]

es wird ja 1 ma gebore all hundert jahr, de muess denn eifach alli andere schwängere, easy
im BOTW gits ja aber keine, ich nimme a will de ganondorf i dem sinn im schloss "gfange" isch, drum trifftmer ja einige a wo im usland nach manne sueched

[Moff]

in gerudo town hets sogar en flirt schuel

[Master(G)]

ha no dänkt die gsehnd all gliich us

[zwirrlibatz]

ah wie bi de schlümpf und de schlumpfine.

[grappagott]

üpdate 1.11 out now/soon