Welchen Film oder welche Serie hast du gerade gesehen?

[Acid]

Making a Murderer -> Natürlich muesmer so Sachä immer mit Vorsicht gnüssä, und i dem Fall wird au gar nid erscht probiert irgendwiä so ztuä als wärs e usgwogni Brichterstattig. Allerdings isch vieles vo dem wo präsentiert wird so haarsträubend dassmer sich fascht nid chan vorstellä dass das imene andere Liecht chönt dargstellt werdä, au wenn do villicht Sachä weggloh wordä oder dezuä gno wordä sind.

Es isch no uf viel anderne Ebene Idrücklich und schockierend, wiä eifach nur bezüglich de Frog vo Schuld und Unschuld, es sind quasi zwei Strofverteidiger wo zu de wenigä beteiligtä ghöred wo nid e absolut Haarsträubende Idruck hinterlöhnd, wo sich versueched dur es unglaublichs Schlamassel a Dummheit (würklich im Sinn vo massiver Absenz vo intellektueller Fähigkeit, und im Sinn vo emotionale Defizit) und Egozentrik zwüählä. Sigs bi ihrnä Kontrahäntä, bi de Verbündete, oder bi eigentlich unparteiischä.
Diä meischtä Figurä hättmer au mit Schauspieler chum chönä besser bsetzä und darstellä. De DA chund eim z.B. vom erschtä mol womeren redä ghört als kompletti Schlangä inä, oder de eint Verteidiger vom Neffe sofort als Muus vomene Maa.

Nid grad es Feelgood Thing, es isch so verheerend, und es zeigt ebä wiä wichtig ordentlichi Strofverfolgig chan sii, solangmer vomene Rechtsstaat will redä. Und zwar unabhängig devo wer nun würklich was,gmacht hed oder nid.

Würklich druf igoh muemer nid, wär nur Schad, gid natürlich viel womer chönt erwähnä.



Rein jetzt uf d Serie sälber bezogä (abgseh vom Inhaltlichä), so isches e riifi Leischtig, aber ich chan d'Begeisterig nur Teilwies unterschriebä. Es isch eifach dütlich zlang, und ich glaub mer wär de Story grad so guet grächt wordä wemmer das Ganzä no es bitz verdichtet hätti. So fangtmer ab de Hälfti irgenwenn würklich nur no a luege willmer d Information will mitübercho, und alles was nid usschliesslich Informativ isch fangt denn plötzlich afoh störä und au das wo Informativ isch verlüürt a Chraft und mer sehnt sich sÄndi herbie.

[The Sheep]

Homeland Staffle 1-3 (7.8/10)
Krasse Spiegel vor hütige Wägwärfgsellschaft. Han no nie en Serie gseh wo so vieli Handys wäggworfe worde sind

[resuscitation]

The Martian - 7 /10

Im Grund gnah ä sehr interessanti Story.. leider chunt i dä letschte 40 Minute nur no Hollywood zum Zug.. Wieso hät mr nöd dä Muet, mal ihn eifach sterbe z'lah?!

[turntablism]

Romancing the stone / auf der jagd nach dem grünen diamanten (6,5/10)
Han en bitz besser in erinerig gha aber ganz ok.

Mysterious island 1961 (7/10) special effects findi eifach de hammer

west world (8/10) immer wider en guck wert genau wie future world

Flucht von alcatraz (9/10)

[siralos]

Flucht von alcatraz (9/10)

Supr film mit nem supr eastwood!

In meinem himmel 7/10

Fand den im kino etwas besser als im tv, supr acting und tolle bilder.

[Mastler(P)]

west >>>>> futureworld

übrigens: http://www.imdb.com/title/tt0475784/" onclick="window.open(this.href);return false;
bin gspannt wie das usse chunt.

[siralos]

west >>>>> futureworld

übrigens: http://www.imdb.com/title/tt0475784/" onclick="window.open(this.href);return false;
bin gspannt wie das usse chunt.

Das remake Wird eh nix, hatte dazumals ne heidenangst vor dem yul gehabt.......

[Jones]

totes schwimmbecken

gueti jokes zum teil aber alles in allem nid würklech überragend gsi... 6/10 max

[Skeletor]

The Martian - 7 /10

Im Grund gnah ä sehr interessanti Story.. leider chunt i dä letschte 40 Minute nur no Hollywood zum Zug.. Wieso hät mr nöd dä Muet, mal ihn eifach sterbe z'lah?!

Dumme spoilerwixer

[zwirrlibatz]

The Revenant, ääähm naja.... Die zweiehalb stund hätti gärn zrugg. Und wieso störts da niemert dass es es Remake isch?

[Avenger]

7/10

(Krass schlecht was das Lumia 435 für es Bild macht. Aber bi 30 Frengg nid verwunderlich.)

[Avenger]

Spotlight -> 8/10



Michael Keaton
Paul Guilfoyle
Richard Jenkins

[Herr Rossi]

Birdman 9/10 und 5/10
2 mol gseh

Das isch für mich persönlich sone Film wo je nachdem wie ich mich fühle komplett andersch wirkt. Mer chönnt säge dass das uf praktisch jede Film, jedes Buech etc zuetrifft. S Thema vom Birdman jedoch trifft mi persönlich Nerv. Einersits isch Kamerafüerig, de Norton und de Keaton super. Anderersits isches zvil blabla und trümmelischnarch, durchschaubar, überbewertet.
Krass, nach em 4. mal luege find ne immer no super und Scheisse

[resuscitation]

Dumme spoilerwixer

Wirsch es überläbe, Alte.. und dumme Spoilerquoter Aber danke für dä Hiiwiis.. han's jetzt mit spoiler tagged

[turntablism]

A perfect world (1993) (8/10)
Ohni clint und kevin wär de film nur halb so guet.

[TypeJ]

Narcos
8/10

extrem geils 4k Bild
Cast und Locations findi sind au recht super gwählt! underhaltet sehr guet

[turntablism]

geschter de Psychothriller Blue Steel mit de Jamie Lee Curtis afangs 90er (8/10)

[resuscitation]

Carrie (s'Remake) - 8.5/10

Es git nöd viel Remakes, wo as Original anechümed aber dä Film isch würklich glunge.. han z'war s'Original irgendwänn vor 25 Jahr s'letscht Mal gseh..

[Avenger]

Wieder mol Filme nachgeholt wo i no nie ha gseh:

Toy Story 1 -> 7/10 (ds Teppichmuster bim Sid, rolf )
Toy Story 2 -> 7/10 (sali Wheezy )
Toy Story 3 -> 8/10

Lustigi und liebenswerti Charaktere hets i jedem Teil, und er het au d Ehre vom erste computeranimierte Trickfilm. Aber grad bim erste Teil würkt die ganz Umgebig doch sehr steril, d Figure selber weniger. Do gseht me em Film sis Alter dütlich ah. Der zweit Teil gseht chli besser us, au inhaltlich steit er über em Erstling. Teil 3 gseht am beste us.

[siralos]

Crimson peak. 5/10

Naja, die story ist etwas absehbar und kam auch schon in x grusel filmen vor.

[zwirrlibatz]

The Lego Movie:
Frisch, de anti-happyhappy-generik vibe vom afang dörft konsequänter durezoge sii.

Verrückter Max Wütige Strasse:
Rolf, guete popcorn, meh aber au nöd. Und isch ja 90% Charlize und 10% Max. Was wiederum guet isch.

Ex Machina:
Absolut fantastisch!!! Bescht film sit langem! :savages wenn au nur im abspann:

[resuscitation]

The last Witch Hunter - 6.5 / 10

Netts Popcorn Kino ohni grosse Tüüfgang.. mir gfallt halt dä Vin Diesel und dä Michael Kane.

Und Achtung Spoiler: I dem Film werdet Häxe gjagt

[abyss]

Ja super, alles verrate...

[Avenger]

House of Cards, Season 4

Ich hätt jetz also würklich gmeint, dass d Entfüehrig am Underwood (oder am Conway) sini Idee isch gsi. Eifach zum billige Wahlkampf betriibe und der Gegner fertigmache. Het ja alles huere amateurhaft usgseh. Aber das isch offebar nid der Fall gsi.

[siralos]

mockinjay part 2 3/10

unterirdische geschichte die etxrem zusammen geschustert wirkt, die kulisse ist b-movie wuerdig und ebenso auch die schauspieler.


chrouching tiger: sword of destiny 2/10

netflix fortsetzung die nicht haette sein sollen. der ueblicher hk martial arts wirr warr, wobei die kampfszenen nicht mal ueber das mittelmass kommt, schade um michelle yeo und dem jason scott lee(der hat aber maechtig zugelegt!) :typej:


heart of the sea 6/10

paar nette bilder, die schauspieler agieren passable, das wars dann auch schon.


the man from uncle 6/10

schade, der film faengt recht witzig an, verkommt dann leider etwas in langeweile....ist ja bei nem guy ritchie movie ja eher andersrum.
ich haette mir da mehr konkurrenzkampf zwischen den beiden agenten gewuenscht, der schluss verkommt dann leider zu nem langweiligen verfolgungsjagd wie bei nem bond movie.