World of Warcraft

[ritschi]

isch das guet demfall? ha nur churz de afang gmacht gha. (2-3 quests )

[Moff]

silverpine und hillsbrad sind mit grossem abstand die beschte questgebiet vo dem spiel, gameplay, story, humor stimmt de perfekt. setting und atmosphäre sowieso, UD sind ja eh die geilscht rasse.

goblin findi spielerisch toll, de humor ischmer aber chli z'döfelig

[ritschi]

fair. muesi demfall no schnell spiele bevor z'abo endi monet uslauft

[Asskicker]

Han jetzt würklich nume 601d 23h 44m played uf allne chars, immer no vill z vill

[Guave]

Meine Fresse, bald volli 2 Joor

[evo]

mir machts recht spass momentan. es halt scho sehr noobig worde und voll uf glägeheitsspiler usgleggt (mim pala 24 stund lvl 85 und ha scho 4 epic items ) aber ich find si hän t spiel mechanik recht guet überarbeitet, s spiele an sich isch sehr de fön. grad heale mitem pala findi unfassbar geil momentan

[DeftOne]

Wo bisch denn du aktiv evo?

[evo]

frostmourne EU, sit em erschte tag wo t server online gange sin

[The Sheep]

Ich glaub nid dass i WoW jemals wieder wird reaktiviere. Has definitiv gseh. Zuedäm isch mini langjährigi Gilde / Raidgruppe mit ursprünglich mehr als 200 Accounts sit Cata völlig usenander gfalle.

[Sylvara]

Ich glaub nid dass i WoW jemals wieder wird reaktiviere. Has definitiv gseh. Zuedäm isch mini langjährigi Gilde / Raidgruppe mit ursprünglich mehr als 200 Accounts sit Cata völlig usenander gfalle.

dito

mängisch ischs es gedankespiel, aber scho nach 5minute würds mich aaschisse, wills niemeh ds gliiche sii wird. es isch definitiv over.

[DeftOne]

Ich glaub nid dass i WoW jemals wieder wird reaktiviere. Has definitiv gseh. Zuedäm isch mini langjährigi Gilde / Raidgruppe mit ursprünglich mehr als 200 Accounts sit Cata völlig usenander gfalle.

dito

mängisch ischs es gedankespiel, aber scho nach 5minute würds mich aaschisse, wills niemeh ds gliiche sii wird. es isch definitiv over.

Jup, da isch schlimme a WoW. Au wenn am Afang voll debi gsi bisch be classic, so ab WotLk het eifach 90% vo dinere Fründesliste ufghört, Lüt wo vilicht 2-3 Jahr kennt hesch und ghörsch nix meh vo dene.
Es isch für mi zumindest doch e grossi Freud gsi mit all dene Lüt wo mer so kenne glernt het UBRS/ LBRS etc. so Random zmache. Da hesch no sotigi kenne glernt wo nöd nur uf Epixxxx us gsi sind, sondern eifach mal hesch chönne im Run aschriebe und it Fründesliste haue.
Da isch für mi sit WotLK nüme würkli möglich gsi. BC isch nöd schlechter als Classic, aber nach BC hets eifach zviel verlore, was es mal usgmacht het.

[ritschi]

mir chönnte mal wette abschliesse, wieviel erwiiterige blizzard no usebringt
s'wird uf jedefall mal ziit für es aständigs expansion-rollup, isch süsch zimlech müehsam für neui spieler
oder halt die monatleche chöste um so viel erhöhe, dass sie d'erwiterige gratis chöi mache. aber denn landets halt nüm i de verchaufscharts.

momentan freu mi aber vorallem uf diablo 3. warte ja scho sit 10 jahr druf. also sit lord of destruction.

[DeftOne]

Naja, es wird wohl sicher no 3-4 ge.
Wieso söt Blizzard au mitem erfolgrichste MMORPG aller Zite eifach schluss mache. Wie Titan wird cha ja no keine vo üs Wüsse.

[evo]

uf dere gleakte roadmap isch vo gsammthaft 5 wow addons t red gsi. also jez no 2. tönt realistisch. im 2015 isch t zit vo wow abgloffe sag ich

[Sylvara]

2-3 hends scho aagkündet, ja. und mer mues halt scho gseh, dass WoW no immer und warschinlich no lang astronomisch viel meh subscribers het, als anderi MMOs. also sogar wenn WoW "schlechter" wird, isches immerno viel rentabler als die andere zäme, lol. drum wirds ganz sicher no lang keis endi ghä, solangs geld zmache git dermit. dr merchandise allei und virtual sales sind inzwüsche gwaltig.

ich glaub nid dass sie's eifach so abstelle, o nid wenns irgendwenn es neus MMO usebringet.

[ritschi]

i wird glaub o jedi erwiiterig mitmache
aber immer nur für die neue gebiet / classes und denn hanis nach 1-2 wuche scho wieder gseh.

[Guave]

Bi mir ischs genau glich. DIe neue Gebiet sind super. Ich will nur no erforsche und Queste. DUngeons bini glaub 1-2 mal drin gsi (uff normal) und denn nieme. Ha glaub nid mal alli Dungeons gseh in Cata

[evo]

drbi foht erst denn dr gspass ah

[ritschi]

drbi foht erst denn dr gspass ah

das hani äbe scho i de andere erwiiterige meh als gnueg gseh und o besser gfunge. BC als raid höhepunkt für mi.

[evo]

höhe punkt isch bi mir ganz klar BWL riade gsi.
denn no im TBC neue raid ufbaue und in SSC und TK s feld vo hinte ufrolle und XX gilde im content überhole.
jez im cataclysm bini an so öppe 6 random raids gsi (bwd und bot) ganz gemütlich und casual. aber isch gliich fön 20k dps useztätsche

[Moff]

bwl/aq40, das sind die goldene ziite gsi im wow, au pvp isch zu dere zit am coolschte gsi

[Sylvara]

40mans logisch

und denn TBC öppe no bis zum 'patch of doom', wo sie BT gnerfed hei, attunements usegnoh und all stats boosted rofl...
vo denn aa isches für mich am stürze gsi, in pve wie pvp.

[ritschi]

has äbe mega gfunge, wo jedi class bits öppis mit bracht het, wo mä brucht. hüt si alli ersetzbar.

[ritschi]

so mal mit forsaken wiiter gmacht.
1-10 het mi nid bsundrigs dünkt, aber jetzt ab silverpine wirds interessant.

[Moff]

han ja vo tirisfal nüt gseit