The(G)Forum

Quelle

http://www.gegenfrage.com/made-for-war- ... n-staaten/" onclick="window.open(this.href);return false;


Hmm, hani mou ufgschnappet. Vielech interessierts öper...

sie sötte d'finger still halte findi. no isch überhoupt nid klar, wär die waffe würklech igsetzt het.
am assad würd's wohl weniger bringe als de gegner...
aber wenn meh halt grossspurigi rede schwingt vo wäge roter linie überschriite, chame schlächt rückwärts wieder drus use...

fucking WAR!!

hunderti mänsche werded dur granate und heckeschütze und schlagmichtot umbracht: who fucking cares...
dänn wird giftgas igsetzt: ui, da gaht dänn nöd, da müemmer etz au paar bombe abelah.

was isch da genau dä tüüfer sinn, usser 'prestige' und dä lüüt (sehr wahrschinli amis), wo det ihri gschäft laufe händ, ebe diesi z'rette ?

feeshlee hat geschrieben:dänn wird giftgas igsetzt: ui, da gaht dänn nöd, da müemmer etz au paar bombe abelah.

"vorwand"

Genau. Im irak gloubi sige 1000 lüt bi aschläg gstorbe i eim monet... Whofuckingcares...

False Flag analog Irak, Vietnam, Manhattan, Afghanistan, Libyen etc. Jede Chrieg basiert uf Lüge. Höred uf tv luege und Blick, 20 Minute lese. Alles tummi Arschlöcher det

Mol ganz abgseh devo öbs do jetzt wider en politischä Vorwand isch, zum Chrieg z füehre, isches halt eh en zimlich Absurdi Problemstellig.

"Verstoss gägä Internationals Rächt", "Chriegsverbrächer" und so Sachä.

Es isch halt eifach sehr schwierig, wenn Chrieg eigentlich als öpis völlig rationals, nach klarä Reglä verlaufends und völlig abstrakts agluegt wird, e Hand voll klari Parteiä, Gwünner und Verlürer. Irgendwiä spillt mer das Spiel, fascht als wärs e Partie Risiko am Familiätisch amene Sunntig Nomitag (de erscht Wältchrieg isch jo eigentlich sogar a somene Familiätisch ustreit wordä). Drum werded Lüt nid ermorded, sondern si "falled".

In Würklichkeit isch doch aber jedä Chrieg e absolut gigantischs Fiasko. Lüt knalled anderi ab, Sprängedsi im Züg umänand, terorisiered sich gägäsitig physisch und psychisch. Ganzi Land Strich mit allem was läbt oder nid läbt werded churzerhand in Schutt und Asche gleit. E absolutä Wahnsinn. Und i dem Schlamassel wo für de Usästehend schiinbar alles erlaubt isch, es got schliesslich um nüt gringers als Läbä und Tod (chöntmer zumindescht meinä), gits doch no irgendwo vergrabä moralischi Gränzä, wo irgendöper irgendwenn mol Zogä hed. Wenn diä öper überschrittet, isches plötzlich nüm eifach nur Chrieg, plötzlich ischs Mordä wo Rächtens gsi isch, nüm richtig. Unschuldigi wo sterbed werded denn ebä plötzlich ermorded, und sind nüm Kollateralschadä.

Und wichtig isch natürlich au uf welerä Sitä dassmer isch, will wenns was isch definiert ebä de wo Macht usüebe chan.

Chrieg, Politik, Grichtsverhandligä. Alles nur Spiel. Fuessbal hingägä isch bittere Ernscht. Zumindescht solang bismer frögt werum au det diä gröschtä Arschlöcher wo sich vor allnä Augä absolut unfair verhaltend, bewunderet werded.

Acid hat geschrieben: In Würklichkeit isch doch aber jedä Chrieg e absolut gigantischs Fiasko. Lüt knalled anderi ab, Sprängedsi im Züg umänand, terorisiered sich gägäsitig physisch und psychisch. Ganzi Land Strich mit allem was läbt oder nid läbt werded churzerhand in Schutt und Asche gleit. E absolutä Wahnsinn. Und i dem Schlamassel wo für de Usästehend schiinbar alles erlaubt isch, es got schliesslich um nüt gringers als Läbä und Tod (chöntmer zumindescht meinä), gits doch no irgendwo vergrabä moralischi Gränzä, wo irgendöper irgendwenn mol Zogä hed. Wenn diä öper überschrittet, isches plötzlich nüm eifach nur Chrieg, plötzlich ischs Mordä wo Rächtens gsi isch, nüm richtig. Unschuldigi wo sterbed werded denn ebä plötzlich ermorded, und sind nüm Kollateralschadä.

Das isch in der Tat sehr öppis seltsams. Chrieg mit Regle wie z.B. Genfer Konventione.
Napalm ok, Senfgas nid. Uranghärteti Granate ok, Tretmine nid. etc.

De Edith seit:

Da Napalm extrem schlecht verheilende Brandwunden und große Schmerzen verursacht, fällt es nach einigen neueren Interpretationen unter die übermäßiges Leid verursachenden geächteten Waffen des Artikels 23 der Haager Landkriegsordnung,[17] obwohl Brandwaffen mit gleicher Wirkungsweise wie zum Beispiel Flammenwerfer routinemäßig seit dem Ersten Weltkrieg eingesetzt wurden. Der Gebrauch von Brandwaffen gegen die Zivilbevölkerung wurde durch Protokoll III der Konvention der Vereinten Nationen zur Ächtung unmenschlicher Waffen im Jahre 1980 verboten.[18]

Die USA haben nach eigenen Angaben ihre Bestände an Napalm im Jahr 2001 zerstört. Dies wurde bezweifelt, als die USA während des Irakkrieges 2003 die Brandbombe Mk-77 gegen die Republikanische Garde einsetzten.[19] Laut Pentagon enthält die Mk-77 ein Gemisch mit Kerosin und sei nicht als Napalm zu klassifizieren. Die verwendeten Substanzen seien zwar bemerkenswert ähnlich, jedoch verursache die auf Kerosin basierende Substanz weniger „Umweltschäden“. Ähnliche Brandbomben basieren auch auf Phosphor-Brandsätzen, die ebenfalls im Irak getestet wurden.[20]

Am 21. Januar 2009 ratifizierten die USA unter Vorbehalt[21] das Protokoll III.[22]

Geschter uf de Titelsiite online:


Unerwartet und richtig, hoffentlich bewirkts öpis Grosses

Edit:
http://alles-schallundrauch.blogspot.ch ... 8399470855" onclick="window.open(this.href);return false;

Also nid nur Assadahänger wo das mached. Es bewegt sich immer meh

Geopolitik isch hässlich und büütet im Regelfall nume d'Wahl zwüsched schlächte und no schlächtere Optione. Breakling News

Gurgelhals hat geschrieben:Geopolitik isch hässlich und büütet im Regelfall nume d'Wahl zwüsched schlächte und no schlächtere Optione. Breakling News

mir isch das chli zsimple.

Gurgelhals hat geschrieben:Geopolitik isch hässlich und büütet im Regelfall nume d'Wahl zwüsched schlächte und no schlächtere Optione. Breakling News

das isch gar chli simpel, tschüss ich gang widr in stolle en möngel go riicher mache.

http://www.storyleak.com/fox-host-mocke ... a-protest/" onclick="window.open(this.href);return false;

logisch mockeds ne. schtasch mal uuf chömed grad paar möngel wo der de schtuel wend wägnäh

thaeye hat geschrieben:

Gurgelhals hat geschrieben:Geopolitik isch hässlich und büütet im Regelfall nume d'Wahl zwüsched schlächte und no schlächtere Optione. Breakling News

das isch gar chli simpel

Es isch zwar sehr eifach formuliert, d'Konsequenze, wo sich devo ableitet, sind aber im Gägeteil hochkomplex und vor allem sehr unbequem. Ganz im Gägesatz ebe zum Verschwörigsbullshit, wo sich's eso chli wie mit de Religione verhalted: I de Bemüehige, sich irgend e superkohärenti Schutzdichtig gäge's no viel gnadelosere Chaos vo de Realität z'schaffe, sind die Erchlärige jewiils a de falsche Ort z'kompliziert und a anderne falsche Ort wiederum viel z'eifach. Ebe so öppe s'gliiche Prinzip wie bi de Gottesbewiis und ähnlichem Gschmeuss, det verhaltet sich das ganz ähnlich. Händ mer aber alles scho öppe 983745983745 mal gha da ine

Da no de Alan Moore, passt grad no guet:

The main thing that I learned about conspiracy theory is that conspiracy theorists actually believe in a conspiracy because that is more comforting. The truth of the world is that it is chaotic. The truth is, that it is not the Jewish banking conspiracy or the grey aliens or the 12 foot reptiloids from another dimension that are in control. The truth is more frightening, nobody is in control. The world is rudderless.

Ah ja, und ich fänds no fründlich, wänn du zmindescht mir gägenüber din billige Zynismus vo wäge Höhö/Schaf/Stolle/Chrampfe chönntisch spare. Es isch ebe würklich nume das: Billigst. Au wänn du dir wahrschinlich vormachsch, dass das es wahnsinnig kritischi, unabhängigi und sälbstbestimmti Perspektive isch. Aber au das händ mer glaubs scho mal gha.

Acid hat geschrieben:Mol ganz abgseh devo öbs do jetzt wider en politischä Vorwand isch, zum Chrieg z füehre, isches halt eh en zimlich Absurdi Problemstellig.

"Verstoss gägä Internationals Rächt", "Chriegsverbrächer" und so Sachä.

Es isch halt eifach sehr schwierig, wenn Chrieg eigentlich als öpis völlig rationals, nach klarä Reglä verlaufends und völlig abstrakts agluegt wird, e Hand voll klari Parteiä, Gwünner und Verlürer. Irgendwiä spillt mer das Spiel, fascht als wärs e Partie Risiko am Familiätisch amene Sunntig Nomitag (de erscht Wältchrieg isch jo eigentlich sogar a somene Familiätisch ustreit wordä). Drum werded Lüt nid ermorded, sondern si "falled".

In Würklichkeit isch doch aber jedä Chrieg e absolut gigantischs Fiasko. Lüt knalled anderi ab, Sprängedsi im Züg umänand, terorisiered sich gägäsitig physisch und psychisch. Ganzi Land Strich mit allem was läbt oder nid läbt werded churzerhand in Schutt und Asche gleit. E absolutä Wahnsinn. Und i dem Schlamassel wo für de Usästehend schiinbar alles erlaubt isch, es got schliesslich um nüt gringers als Läbä und Tod (chöntmer zumindescht meinä), gits doch no irgendwo vergrabä moralischi Gränzä, wo irgendöper irgendwenn mol Zogä hed. Wenn diä öper überschrittet, isches plötzlich nüm eifach nur Chrieg, plötzlich ischs Mordä wo Rächtens gsi isch, nüm richtig. Unschuldigi wo sterbed werded denn ebä plötzlich ermorded, und sind nüm Kollateralschadä.

Und wichtig isch natürlich au uf welerä Sitä dassmer isch, will wenns was isch definiert ebä de wo Macht usüebe chan.

Chrieg, Politik, Grichtsverhandligä. Alles nur Spiel. Fuessbal hingägä isch bittere Ernscht. Zumindescht solang bismer frögt werum au det diä gröschtä Arschlöcher wo sich vor allnä Augä absolut unfair verhaltend, bewunderet werded.

extrem unhueren wahr.. und sehr truurig zugliich

en selbstbestimmte perspektive isch au immer vo obe abe de anderne welle tips geh aber eigentlich gar nie was richtigs ussege. das isch au en kunst. da hani nah lieber d schaf. die fueget sich wenigstens i ihres schicksal. du bisch kritisch aber seisch gar nix uus. soszege isch ja das alles villz komplex füren normalsterbliche. also husch mach wiiiter und steck de chopf in sand.

superkohärenti Schutzdichtig, es isch alles so komplex, am beste luegsch is loch und seisch nix.

geopolitik wird nie mit politische verschwörige betriebe nei, es git kei false flags etc.

aso das s paar mächtigi lüht im hindergrund versueched sache id wäg zleite und eh gwüssi kontrolle und ihfluss uf eus händ, chasch wohl eher bewiese als d'existänz vo gott.

Vor allem mues mer ignorant sii Zämehäng nid zgseh. Interessant isch au, dass de Begriff Verschwörigstheorie nur vo Lüüt bruucht wird wo schlussendlich gar nüd demit ussäged. Schutzdichtig? Mer chönt em au Realismus säge.

thaeye hat geschrieben:en selbstbestimmte perspektive isch au immer vo obe abe de anderne welle tips geh aber eigentlich gar nie was richtigs ussege. das isch au en kunst.

scho immer so gsi mit ihm & sim grosse brueder

http://www.srf.ch/sendungen/arena/absti ... miengesetz" onclick="window.open(this.href);return false;
ich verstahne nach wie vor nöd was geg s'neue epidemiegsetz spricht. alles was bemänglet wird isch mitem alte scho so
ich gsehn mich durchus als impf skteptiker und bin zu 100% geg en impfzwang, aber wie au ide arena gseit wird, us de sicht vo impfgegner müesst das neue gsetz agnah werde

sehenswerte arena übrigens, die vögel uf de contra site und ihri "argument" sind recht underhaltsam

Es sehr unnötigs Gsetz. I de Beschribig schtot, dass s Risiko für globali Epidemie gschtige isch. Das isch schlichtweg falsch, genau s Gägeteil isch de Fall.

Denn "Schweinegrippe, SARS, Vogelgrippe haben in den letzten Jahren für Angst und Schrecken gesorgt."
Genau, si hend nur für Angscht und Schrecke gsorgt. Uswirkige uf üs hets keini gha, ussert d Pharmainduschtrie riicher gmacht.

Wenn mer natürlich e Schisshaas isch mues sones nöis Gsetz äne. D Prämie sind ja no vil ztüüf.... Ziitverschwändig und Geldverlocherei

bringt zwenig für das wos bringt? ok, findi fair. chamer so gseh.

aber was choschtets denn?
nüt bringe findi chli übertribe.
ich gsehs aber scho au so, wenns nöd agnoh wird hani sicher kei angscht.
wiemers iets hend ischs sicher guet.
mer dörf aber nöd vergesse woher das gsetz chunnt. d'kantön hend bim vorbereite bi de letschte epidemie panike (wo zum glück gar nüt passiert isch) gmerkt, dass die sach viel besser bundeswit greglet wär, statt das jede kanton entscheidet, was halt i sonere situation bedütend schlechter wär. ich weiss ned was das choschtet, aber ich gseh ned i werum mer degäge iets sonen ufwand macht, ich finds en gueti sach.

usserdem gahts ja ned nur um impfe i dem gsetz, es gaht zB au drum infektione i chrankehüser zverhindere indem mer si schwizwit erfasst. d'schwiz isch sletschte land in europa wo woas nanig het, und i andere länder het en derartigi massnahm sehr viel bracht, in dütschland zB en drittel weniger infektione. das isch ned unerheblich bi mehrere zähtusig infektione pro jahr ide schwiz mit sehr viele todesfäll. ich weiss ned wases choschtet, das dörfti s'türschte si a dem neue gsetz, aber für mich machts sinn.

dezue chömed na anderi sinnvolli sache wie en verordneni lehrverastaltig für chind zum erchläre wiemer sich vo chrankheite astecke laht. findi au sehr super, au wenns sicher choschtet.

ich finds argument es choschtet zvill voll fair, chani nahvollzieh.

aber ganz ehrlich, mir sind eis vode richschte länder vode welt, ich chanmer ned vorstelle, dass d'choschte vo dem gestz de grund sind für die gross emotional ablehnig vo dem gsetz i gwüssi chreise.
was ich devo am wenigschte verstane, de "impfzwang", womit das gseht ja hauptsächlich bekämpft wird, isch ja effektiv chliner als bisher. bisher chönd kantön JEDE bürger impfe lah wenns wänd. nachher ischs bundeswit greglet dass nur na gfährdendi persone en obligatorischi impfig bruched. ich gibe de gegner recht, dass das en relativ schwammigi formulierig isch, aber es isch doch uf jede fall besser als dass mer JEDE impfe lah chan, wies bisher isch? eigentlich müesstisch au du als impfgegner/skeptiker das begrüesse, nöd?

drum ebe, was mich interessiert, woher chunnt die massiv ablehnig? ich verstahs ned. d'choschte? das glaubi ned so recht.