So lug da du Gigu:
Zum Thema ETF chasch di uf dere Site super informiere!
http://www.justetf.com" onclick="window.open(this.href);return false;
Und uf de gliche Site chasch dir hie iefach mal chli Grundalgewüsse aeigne.
https://www.justetf.com/ch/academy/was-sind-etfs.html" onclick="window.open(this.href);return false;
Was ich han :
1.
iShares Core MSCI World UCITS ETF USD (Acc)
ISIN IE00B4L5Y983, Valorennummer 10608388
2.
iShares MSCI EM UCITS ETF (Acc)
ISIN IE00B4L5YC18, Valorennummer 10608402
3.
Lyxor Core STOXX Europe 600 (DR) UCITS ETF Acc
ISIN LU0908500753, Valorennummer 21182580
Die erste beide sind vo Blackrock (ich weiss: sehr sympathisch). D ETF Marke vo Blackrock isch iShares. De dritti isch vo Lyxor.
Wenn mer biz Ahnig hed, chan mer allei vom Titel vo so Wärtpapier einiges useläse.
Es gäbt en ETF wo die ganz Wält abbilded. Das wär eine wo im Titel sowas wie WOLRD ACWI oder so stah hed. Aber ich han s lieber unterteil i drü.
Churz und knakig:
1. Bilded d Industrieländer ab und isch sehr stark US laschtig. (Schwede, Schwiz, Australie, Norwege, etc… erst Wält halt)
2. Bilded d Schwälleländer ab wo am cho sind. (China, Brasilie, Russland etc…)
3. Da sind die gröschte Unternähme us Europa debi.
Warum hani nid eifach ein einzige ETF wo die ganz Wält abbilded?
Well ich lieber sälber gwichte. Ich entscheide anhand vo wie viel Gäld ich in de jewiligi ETF ine stecke, was ich wie Gwichte. Viel möched z.B. sone Standard wie: 80% Industriestate (World) und 20% Schwelleländer (Emerging markets EM).
Da ich aber dänke, dass de Schwelleländer immer wichtiger wärded, hani dete chli meh dinne als nur 20%.
Und de hani nochli welle Europa übergwichte, eifach us em Grund, well ich uf dem Kontinent läbe.
Lug da es Bildli zur Uflockerig
Ich weiss nid öb mers guet gseht. Aber die dunklere orange Partie wäred d World und die hellere fast gälbe Partie wäred d Emerging Markets.
Ganz Grundlegend no zu de Uswahl:
Nim eine wos: A scho lang gid und B scho viel Kapital dinne isch. Das bring stabilität und Macht!
Ez luegemer mal de ersti bizli genauer a. Für das gasch uf die
http://www.justetf.com" onclick="window.open(this.href);return false; Site und rüefsch ne uf. Ich sueche gärn mit de ISIN. Und denn musch der s FactSheet aluge. Im FactSheet stönd d Spezfikatione zu somene Teil… Land, Usschüttigsart, Pris etc.
Was hed mer überhaupf für Firme dinne.
Sorry für die wüescht Darstellig:
GRÖSSTE POSITION (%)
APPLE INC 4.39 MICROSOFT CORP 3.10 AMAZON COM INC 2.68 FACEBOOK CLASS A INC 1.27 ALPHABET INC CLASS C 1.02 ALPHABET INC CLASS A 1.02 TESLA INC 1.02 JOHNSON & JOHNSON 0.80 JPMORGAN CHASE & CO 0.76 VISA INC CLASS A 0.72 16.78
Und so chli üsi Schwiizer Fründe wie Novartis und Nestle sind da au debi…
Hie paar Eckdate zum iShares Core MSCI World UCITS ETF USD (Acc)
Anlageklasse: Aktien – Alli Titel i dem Fond sind Aktie. Also kei Staatsanhleihe, oder Gold oder sust was.
Basiswärhung: USD – De isch in Dollar ufgleit. Isch mir eigentlich glich…
Auflagedatum des Fonds: Sept. 2009 – De gitts scho verhältnismässig lang. Finid guete!
Vergleichsindex: MSCWI Word Index (SM) – Es isch en Indexfonds. De Index wird erstellt vo de
http://www.msci.com" onclick="window.open(this.href);return false;. De gits z.B. no de FTSE womer Futzi uspricht, was mich immer wieder amüsiert.
Gesamkostenquote (TER): 0.20%: Das isch guet. Bi some passive Fonds wo sich am Index orientert, wettsch nid höheri chöchste. Dänke so 0.60% wär die oberi Schmärzgrenze.
Ausschüttungshäufigeit: Keine – Autsch! Was kei Ausschüsstung? Will doch Chole? Lueg wieter unne.
Domizil: Irland – Irland und Luxembourg sind beliebt, wäge stürgünstig und so. Aber völlig unproblematisch. Die hend es Stürabkomme mit de Schwiiz, also alles easy.
Methodik: Optimierung – jaja who cares
Produkstruktur: Physisch – jaja nice to know aber scho guet.
UCITS: Ja – Halted irgendwelchi Regle und Gsetz i. Sicher immer guet, wenns legal isch.
Gewinnverwendung: thesaurierend – das isch de Grund, warums keini Usschüttige gitt. Alli «Gwünn» blibed im Fonds und de Fonds chauft demit no meh Aktie nache. Wird allso grösser, mächtiger und fetter. Wenn du aber gärn amigs chli Stutz wettsch gseh, denn musch ein «Ausschütter» näh.
Warum wählt mers eint oder andere? Kursgwünn musch nid verstüre. Zinse wo bechunnsch aber scho. Oder nid? Bini nid sicher. Z.B. in Dütschland musch glaubs. Und wenn eine seid er will 10+ Jahr spare, will er nid immer Stüre zahle und nimmt darum en thesaurierer.
Warum han ich en thesaurierer? Well ich alle Stutz eh will dinen lah und ich ful bin. Wenn ich jetzt da immer Gäld bechum, de muss ich das kontrolliere und nah wieder überwiese und izahle was wieder Transaktionschöste uslöst… und ich min ful Arsch halt muss bewege…
Was au geil isch und wenn du nid sicher bisch:
Uf de justetf page chasch di gratis registriere und 1 Musterportfolio ufmache. Leider nume eis einzigs. Aber de chasch der dete mal die Titel zämestelle und zum hütige Pris «chauf». Und de chasch luege, wie sich die entwickled. De chasch der ja mal was zämebaschtle und luege wo i drü Mönet würsch stah…
Musterportfolios chan mer no a vielne Orte erstelle… findsch scho was.
Wenn dich um gar nix willsch kümmere: Chauf en ACWI wo ALLE abbilded und lueg dete erst 10 Jahr wieder ine…
Es gäbt no jenstes meh zum verzehle. Gang mal uf Youtube und los am Gerd Kommer chli zue. De isch de ETF Guru aber vertritt en passive Asatz. Also ETF chaufe und vergässe. Einzelaktie und so interessiered nid.
Am beste überall chli informiere und us beide Wälte s beste mitnäh!
Aber für das bruchsch en Strategie. De Hauptgrund für n Strategie isch nid geil schnell rich wärde. Au wichtig! Aber de Hauptgrund isch: Wenn du en Strategie hesch wo du vertrauscht und bibhaltisch, hiflt dir das dur holprigi Zyte. Es wird mal Phase gäh, wo d Börse abegaht und jede Mongo verchauft. Well du aber dini Strategie kennsch und bibhaltisch, chaufsch sogar no zue und chunnsch als Sieger use.
Gwüssi ETF Heinis lueged all paar Mönet mal ine. Wenn denn en en flaute isch zwüsched inne, chömmed die das gar nid mit über… weisch wie schlafsch ruhig! Stell der de Aug vor! Bi jedem uf und ab a de Börse schüsst dem andersch Adrenalin i!
Was isch mini Strategie? Has scho mehrmals gschriebe, aber ich ghör mich gärn sälber rede… lies mich gärn sälber schriebe… WTF?!?
Für mini Stragegie hend wahri Conesseure vo de Branche sogar en Begriff entwickled: Core Satellite Strategy.
Mini Core sind d ETF. 75% vom Gäld sind dete inne und das laht mir ruhig schlafe.
De Reste isch i Firme won ich als relativ sicher erachte… aber halt nur relativ.
Und e chline Teil isch zum zöckerle. Aber Teil schribi mental ab und wenn denn glich was useluegt debi… au geil!
Ich hoffe das hilf dir bizzli und bi allne andere: Fett sorry für die ribiteske Textwand.
bin au na ine mit 15 stuk bi 12 euro