The(G)Forum

Aso ich mues säge Du tuesch am Jones es bitzeli unrächt. Ich ha jetzt grad dr Zahnrieme an mim G60 gwächslet und wie er so Arbeite ohni Handbuech cha mache isch scho idrücklich.

Usenand gno isch das Zügs jo schnäll aber bim istelle vom OT und ZZP und vor allem bi dr Azugsmomänt hetti ohni Aleitig scho es chlises Problem gha. Also Respekt, so (Ex-)Polizischte schined ziemlich gfitzt si ...

Für alli wo nid eso bewanderet sind uf däm Gebiet. Nötigs Material:

- Zahnriemekit mit Spannrolle. Ha extra s'türere Set mit Zahnrieme vo Continental und Spannrolle vo INA gno: 25.88 Euro mit Versand.
- Und als Bonus no en Rieme für d'Servo für 8.10 Euro inkl. Versand.
Benötigts Wärkzüg (näbere enere Standardwärkzügchischte):

Zwei Drehmomäntschlüssel, en Stiftschlüssel für d'Spannrolle und es Blockierwärkzüg für s'Wasserpumpepully:

Denn wyter:

- Fahrzüg ufbocke und sichere, Batterie abhänke
- Rad rächts entferne
- oberi Zahnriemeabdeckig und Abdeckig über dr Servopumpi entferne
- Spannvorrichtig vom G-Lader löse und Zündcherze useschrube
- Servopumperieme entspanne, Servo- und Wasserpumpiriemeschibe löse und entferne
- Kurbelwällekeilriemeschiebe und Schwingigsdämpfer löse und entferne
- unteri Zahnriemeabdeckig entferne
- Mocke uf OT stelle und bim Schwungrad kontrolliere:
- Spannrolle löse und alte Zahnrieme entferne
- neue Spannrollestehbolze montiere. Achtung Alu:
Neue Zahnrieme mit Spannrolle montiere. OT vo dr Zwüschewälle für d'Zündig beachte. Mocke zwei oder drei Mol duredreie und alli OT-Markierige nomol kontrolliere. OT vom Zündverteiler checke:

Denn grob gseit alles wieder umgekehrt montiere.

Azugsmomänt findet mer im Wärkstatthandbuech. Oder mer machts ohni Handbuech - denn isches aber es Gebaschtel.

Chöschte knapp über 30.-- Euro und ca. 2 Stund Lebenszyt. Spass drby: Unbezahlbar ...

Was mi au es bitzeli wunderet. Ich ha jetzt denn bald 200'000 km:
Immer no dr 1. G-Lader und volle Ladedruck.

Inveschtiert bislang:

- 3xZahnrieme für d'Näbewälle à 8.99 Euro zzgl. je 1.79 Euro Versand
- 1xSintimid-Dichtleischtesatz für 99.95 Euro zzgl. 7.49 Euro Versand

Sonen G söll doch lut am Depri-Hans-Peter so afällig si?

Tönt interessant und eigentlech eifach. Ig wette aber dass es aber für nen neuling sicher die eint oder anderi hürde stelle wird trotz aleitige zb. Choi vili äuä nid viel mit dem hint "achtung alu" afa wenn sie bisher nur theoretischi kontrolleur sind.

Die alt armatur panel vom golf, lang isches her.....nur das wichtigschte druff.
Bi mir het ab ca. 150k immer das motore lämpli ufblinket.

Komisch dass mi crx nid verrostet isch obwohl die doch gemäss am internet rennfahrer alli weg grostet si...

Zudem:

Volkswagen baut heute keine G-Lader mehr ein, was auf die mechanischen Mängel des Funktionsprinzipes zurückzuführen ist. Dies resultierte in hohen Betriebskosten.

Du als mech bisch also e super g lader fahrer wiu denn die ständigi wartig nid muesch zahle... I de richtige händ mit dr entsprechende wartig also kes problem... Füre normalchund siehe quote obe...

Schöns weekend!

Jones hat geschrieben: ↑26 Mai 2022 14:32 Komisch dass mi crx nid verrostet isch obwohl die doch gemäss am internet rennfahrer alli weg grostet si...

Gohts der wieder besser? Ich ha mir scho Sorge um Dich gmacht ...

Zu Dinere Frog: Villicht will das Rasemäher-Derivat immer inere Garage gstande isch und nie Salzwasser gse het?

Chasch jo emol goge google was es brucht damit Korrosion entstoht. Schlächti Blächqualität isch ämel sicher ei Komponente vo somene Schnellroschter-CRX ...

Jones hat geschrieben: ↑26 Mai 2022 14:32 Zudem:

Volkswagen baut heute keine G-Lader mehr ein, was auf die mechanischen Mängel des Funktionsprinzipes zurückzuführen ist. Dies resultierte in hohen Betriebskosten.

Dä Text isch jo vo de Logik her scho völlig falsch. :typej:

VW interessiered hohi Betriebschoschte sicher relativ wenig will die jo dr Chäuffer mues zahle und nid dr Hersteller ...

Jones hat geschrieben: ↑26 Mai 2022 14:32 Du als mech bisch also e super g lader fahrer wiu denn die ständigi wartig nid muesch zahle... I de richtige händ mit dr entsprechende wartig also kes problem... Füre normalchund siehe quote obe...

Also unter "ständigi Wartig" verstand ich öppis anders als dreimol es Zahnriemli und eimol Dichtleischte wächsle uf fascht 200'000 km ...

Jones hat geschrieben: ↑26 Mai 2022 14:32 Schöns weekend!

Dir au - und erhol Di guet.

Und nie vergässe: Anderi Lüt händ au Stress und Sorge und verhaltet sich trotzdem nid wie e Pussy ...

siralos hat geschrieben: ↑26 Mai 2022 14:00 Choi vili äuä nid viel mit dem hint "achtung alu" afa wenn sie bisher nur theoretischi kontrolleur sind.

Mer mues au nid alles wüsse aber normalerwys haltet mer in somene Fall denn eifach d'Schnorre.

Vor allem wenn mer nume en lausige Kontrolleur ohni jeglichi praktischi Ahnig isch ...

siralos hat geschrieben: ↑26 Mai 2022 14:00 Bi mir het ab ca. 150k immer das motore lämpli ufblinket.

Das isch es bekannts Problem. Meischtens nume en defekte Sensor oder eifach en schlächte Massekontakt ...

vectrex hat geschrieben: ↑26 Mai 2022 16:49 Vor allem wenn mer nume en lausige Kontrolleur ohni jeglichi praktischi Ahnig isch ...

Säg das nid'z luut, süsch wird eine widr agro und ziieht de über dini bmw und gölfli ab.

Das isch es bekannts Problem. Meischtens nume en defekte Sensor oder eifach en schlächte Massekontakt ...

Naja bi damals o dumm gfahret. ha dann de charre wiiter gäh a'd schwöschter und denn a a3 chouft...isch nid viel besser gloffet.

siralos hat geschrieben: ↑26 Mai 2022 17:41 Säg das nid'z luut, süsch wird eine widr agro und ziieht de über dini bmw und gölfli ab.

Und läschteret denn wieder über s'Image vo BMW-Fahrer. Und was gfindsch wenn 2 Minute nach emene CRX uf Autoscout suechsch:
Nimmt mi nume Wunder was für es Image dr Fahrer vo somene Honda het?

Naja, wenigschtens isch er richtig agschribe ...

Und das do isch die berüehmti Honda-Qualität:
Schrott ab Wärk ...

Und so chunnts use wenn wäg em unvermeidliche Roscht die hinteri Sitewand muesch neu lackiere und denn jedes Teil es anders rot het:
Denn doch lieber all 100'000 km dr G-Lader revidiere für 479.-- Euro (wenn mers nid sälber cha mache ...)

Gseht doch schön us, ig weiss ja nid was du hesch.

Bim rote, hei si dr arsch nid ganz schlüssig zäme baschtlet. Zumindescht gseht er halbwegs pflegt us

siralos hat geschrieben: ↑26 Mai 2022 19:11 Gseht doch schön us, ig weiss ja nid was du hesch.

Bim rote, hei si dr arsch nid ganz schlüssig zäme baschtlet. Zumindescht gseht er halbwegs pflegt us

Jo - dr roti het Lenso "BSX"-Felge wills für originali BBS RS nid glängt het. Insofern doch wieder schlüssig ...

Und so gseht denn s'Nachfolgemodell us:
Und das traumhafte Interieur. Jede Grossbappe wär stolz:
Immerhin het er ganzi 6 Nm mehr Drehmomänt gha als dr Vorgänger. Aber leider zirka 100 kg mehr Leergewicht.

Und denn frogt sich dr Johannes ärnschthaft werum ich d'Modällevolution bi Honda bemängle ...

Ha irgendwie s'Gfühl gha, dass dr G60 nach em Zahnriemewächsel nüm ganz eso guet lauft.

Also hüt schnäll die verstaubti Stroboskoplampe und s'CO-Mässgrät usem Estrich gholt und e Grundistellig gmacht:
Und was sölli säge? Unglaublich wie schön dä G-Lader scho vo niedgrigschte Drehzahle s'Drehmomänt bereitstellt und super glichmässig über s'ganze Drehzahlband zieht ...

Aber au do: Ohni Handbuech wäri erscht gar nid in d'Grundistellig inecho.

Und zum Glück hani es Eifamiliehüsli woni schön ufem Vorplatz cha umenandschrube. Bim Vater sinere Eigetumswohnig händs scho blöd gmacht wenn dr Wäschplatz nach dr Benutzig nid piekefein putzt worde isch ... :typej:

Juhu - s'neue Heftli isch am Kiosk:
Schöni Wuchenändlektüre ...

vectrex hat geschrieben: ↑24 Mai 2022 10:19 söttisch halt au sälber es gwüssnigs Niveau halte

Niveau halte? du meinsch öpä so?

DU: "ig klink mi us"

DU: klinksch di doch nid us wie versproche

DU: ei billigi provokation folgt dr nächschte

IG: "tschüss, uf das hani ke bock"

DU: teilsch "pussy" us für dass eine ke bock meh uf di chindergarte het..

wenn du däm pussy seisch, seit das doch einiges... nei falsch, ALLES über di...

aber chasch ja mau uf ZH cho und mir das is gsicht säge!

Hundert mal klink dich us palavere und dann über nivea wölle räde.

Hesch nid kei bock mehr gha?

siralos hat geschrieben: ↑27 Mai 2022 22:48 Hundert mal klink dich us palavere und dann über nivea wölle räde.

was passiert, wenn es post nume echliiiiiiiiiii nievau het, gseht meh ja bestens im RIP topic!

Jones hat geschrieben: ↑27 Mai 2022 22:33 Niveau halte? du meinsch öpä so?

Mit "Niveau halte" isches um Dini "Rächtschrybig" gange wo Du bi andere gärn bemänglisch und um nüt anders ...

Jones hat geschrieben: ↑27 Mai 2022 22:33 aber chasch ja mau uf ZH cho und mir das is gsicht säge!

Aber Gwalt isch doch kei Lösig - hesch das im Polizeikurs für Afänger nid glernt?

siralos hat geschrieben: ↑27 Mai 2022 22:48 Hundert mal klink dich us palavere und dann über nivea wölle räde.

Das isch jo genau s'Problem. Wenn er würd welle s'Niveau halte denn würd er konstruktiv si und z.B. in alle Einzelheite beschriebe wie die damalige Tuningarbeite an sim CRX VTEC gmacht worde sind inkl. Istelldate etc.

Aber will das alles gar nid är gmacht het sondern sin Motore-, sorry Rennmotorebauer und ihm jeglichi praktischi Schrubererfahrig fehlt wird er ebe im beschte Fall usfällig und droht no subltil Gwalt a. Über 40 Johr alt und verhaltet sich wie en Goof uf em Schuelhof ...

Derbi het alles harmlos agfange. Du hesch ja nume a konstruktivi kritik über nen s2000 usgübt und sitther bisch du grad zum feindbild nr. 1 gworde.

Outos het er äuä oh nid sälber kontrolliert. Er isch sicher ufem prüfstand mit nem "experte" näbedranne gsi.
Näbe dranne stah und nume zueluege oder a paar bücher drüber läse macht einem ja nid grad zum outomech....okey anderi äuä nid, aber dr jones scho, er isch a usnahme talent.

vectrex hat geschrieben:
Aber will das alles gar nid är gmacht het sondern sin Motore-, sorry Rennmotorebauer

Für uf hyper-rennstreckine

Nume das beschte isch guet gnue füren s2000.

siralos hat geschrieben: ↑28 Mai 2022 07:14 Nume das beschte isch guet gnue füren s2000.

Und trotzdem längts nid annähernd für en Z3 M wo ersch no 2 Johr vorher erschiene isch ...