The(G)Forum

Jones hat geschrieben: ↑05 Jun 2022 12:59 äbe.. grad WIU ig ja e home gym ha, bruchi kes abo!
dini logik wieder...

bruchts o nid zum fit bliebe...
aber wenn e dicke schabbelbuch hesch, hesch viellech nid lang öpis vo dine hüser! ubass

höhö mir wüsse scho wie du das gmeint hesch, aber ig cha mir scho uf diir umstelle.

hesch ja unge im chäller a gym zugleit, wieviel hets choschtet und bisch no fit oder hesch immerno a schabbelbuch?

@vectrex: ja mieti isch äuä o um a paar hunni im mönet/jahr dann kommt meh eventuel gar billiger mit nem gym abo.

vectrex hat geschrieben: ↑05 Jun 2022 13:05 Und das Homegym isch natürlich gratis gsi. Dr Ruum het au nüt koschtet und dr ateiligi Eigemietwärt vom Fitnessrümli muesch au nid verstüre.

eigemietwert ufe bastelrum?
das wäre übere dume 200 franke (wenni dr choufpris vom bastelrum i bezug zum komplettpris vor wohnig setze)

wie viu stüre zahlsch ächt für 200 franke eigemietwert?

irichtig isch ca. 4000 gsi... mir si 2 persone. sprich nach 2 jahr simer scho duss...

lohnt sich finanziell uf jede fau schnäu! und wenns dirket im hus hesch, geisch o eher als wenn zersch muesch is outo hocke... ämu bi mir isch das so..

du wo sport sowieso nid chasch usstah, wirsch dr nutze vo däm nid gseh aber das isch ja nid mis problem...

dr lügebaron weiss nid mau was eigemietwärt isch wenn er vo mieti redet und vo paar hunnis im monet/jahr...

Hesch äuä no nie a baschtelruum gmietet? :typej:

Nid jede weiss, dass du a baschtelruum derzue kouft hesch, oder ghört dass eher dr gmeinschafft und du hesch dich da eifach ussbreitet?

Btw. A gym abo rentiert sich wohl glich mehr, da die grätline chli mehr besser sind, als a paar hantlene und so.
dr hometrainer vo eus het scho 8oo.-Choschtet und dä isch nid mal öpis speziells. Ig wott ja nid wüsse wo du dini grätline kouft hesch, hoffentlech nid usem brocki.

wenn mer vo eigemietwert vom bastelrum rede, sött am dümmschte klar si, dass es eigetum isch!
du bisch GENAU so eine wo meint, je türer d'usrüschtig, desto besser chönn meh trainiere gäu?

Nume du redisch vo eigemietwert. A baschtelruum isch im ne block immer optional, o garagene....

du bisch GENAU so eine wo meint, je türer d'usrüschtig, desto besser chönn meh trainiere gäu?

Besser nid, aber sicher effizienter, süscht müsstisch ja so uebe wie dr rocky i sybirie.

Jones hat geschrieben: ↑05 Jun 2022 13:15 eigemietwert ufe bastelrum?

Klar - au für e Abstellrum wird Eigemietwert fällig sofern sälber gnutzt. Und das sind wesentlich mehr als 200 Franke. Im Kanton ZH als Bischpiel 3.5% vom Verchehrswärt vo dr Liegeschaft.

Ich nim nid a, dass Din Baschtelrum nume 5'714.-- sFr. koschtet het, Du Mathegenie?

Und dr Chaufpris vom Rum sälber isch no gar niene berücksichtigt. Für das hetsch wahrschinlich 40 Johr ins Gym chöne ...

Jones hat geschrieben: ↑05 Jun 2022 13:37 du bisch GENAU so eine wo meint, je türer d'usrüschtig, desto besser chönn meh trainiere gäu?

In däm Fall bisch Du so eine wo meint e Wärkzügchischte us em do-it-yourself längt vorig für e Honda-Markegarage ...

Kei Wunder händ S2000-Motore reihewys Ventilabriss nach em Service in dr Honda-Vertragswärkstatt, gäu?

Es si 3.9% bi mir u nid 3.5% du Genie...

Dr bastelrum het 10k choschtet...
70% dervo entspreche am stürwert. Also 7k
3.9% vo 7k si chf 273.- eigemietwert ufe bastelrum..

So und itz verrat mir mal, wieviel effektivi mehr-stüre ig zahle uf die 273!

Das chasch schlicht vernachlässige!
Choufpris ebeso... Die 10k werde a wert zuelege i de kommende jahr. E abo-bitrag isch weg!

Es lohnt sich ganz sicher. Wer was anders seit isch Theoretiker.. wie du bim autofahre...

Aber näme mer doch trotzdem dr choufpris...
10k / 40 jahr wär 250 im jahr.. mir si aber 2 persone...

Wenn du für 125 is fitness chasch, würdi viellech dr flug i d'türkei 3 x ir wuche no derzue rechne...

Jones hat geschrieben: ↑05 Jun 2022 16:17 Aber näme mer doch trotzdem dr choufpris...
10k / 40 jahr wär 250 im jahr.. mir si aber 2 persone...

Erschtens hesch d'Näbechöschte und dr Unterhalt vergässe und zweitens trainiersch Du in 40 Johr ziemlich sicher nüm.

Weder dehei no imene professionelle Gym ...

Die 40 jahr si di furz gsi...
Fakt isch dass es sich massiv lohnt.
Und nid z'vergesse: es macht freud was eigets z'ha...
Süsch chönntsch ja o ab u zue e BMW miete statt eine ir garage z'ha wo NIE fachmännisch gfahre wirde...


Du suechsch nume nach usrede di schNabbelbuch nid müesse z'trainiere!

Jones hat geschrieben: ↑05 Jun 2022 16:26 Und nid z'vergesse: es macht freud was eigets z'ha...

Klar, wäm seisch das? Drum hani jo zwei Hüser => das macht no meh Freud ...

Jones hat geschrieben: ↑05 Jun 2022 16:26 Süsch chönntsch ja o ab u zue e BMW miete statt eine ir garage z'ha wo NIE fachmännisch gfahre wirde...

Wenn ich gseh was die "Fachmänner" in allne Markewerkstätte so wurschtlet: Ehm, NEI DANKE ...

Jones hat geschrieben: ↑05 Jun 2022 16:02 Es si 3.9% bi mir u nid 3.5% du Genie...

Drum stoht: Als Bischpiel. Eifach läse und versueche z'begriffe - trotz Wasserchopf ...

Jones hat geschrieben: ↑05 Jun 2022 16:02 Dr bastelrum het 10k choschtet...

Denn hani jo rächt gha mit minere Annahm, dass er nid nume sFr. 5'714.-- koschtet het.

Jones hat geschrieben: ↑05 Jun 2022 16:02 Choufpris ebeso... Die 10k werde a wert zuelege i de kommende jahr.

Reini Spekulation. Wenn d'Zeiche am Horizont jetzt nonig erkennsch (Inflation und massivi Erhöhig vo dr Hypothekarzinse) denn bisch ziemlich guetgläubig oder eifach nume doof ...

Vil Spass den schomol wenn Dini Hypothek über sFr. 600'000.-- in es paar Johr neu chasch abschliesse für 5% p.a. ...

Isch nume es Bischpiel, aber wird ziemlich genau anecho bi Dir als typischem Blickläser - natürlich nume wenn bis denn no flissig sparsch und schön amortisiersch ...

vectrex hat geschrieben: ↑05 Jun 2022 16:29

Jones hat geschrieben: ↑05 Jun 2022 16:26 Und nid z'vergesse: es macht freud was eigets z'ha...

Klar, wäm seisch das? Drum hani jo zwei Hüser => das macht no meh Freud ...

Wär mir z'viu arbeit es hus.. geschweige denn 2...

Ussert hesch bediensteti...

Jones hat geschrieben: ↑05 Jun 2022 16:33 Wär mir z'viu arbeit es hus.. geschweige denn 2...

Und mir wär e Wohnig z'wenig Freiheit ...

vectrex hat geschrieben: ↑05 Jun 2022 16:31
Wenn ich gseh was die "Fachmänner" in allne Markewerkstätte so wurschtlet: Ehm, NEI DANKE ...

Lies mis post nomau...

Dis wägeli wird ja vo dir fachmännisch gwartet aber NIE fachmännisch GFAHRE!

vectrex hat geschrieben: ↑05 Jun 2022 16:35

Jones hat geschrieben: ↑05 Jun 2022 16:33 Wär mir z'viu arbeit es hus.. geschweige denn 2...

Und mir wär e Wohnig z'wenig Freiheit ...

Het alles vor u nachteil...
Ha aber easy nachbare im hus...

Du hesch als bispiel dr kanton züri gno...

Und denn füre kanton züri e falsche satz (dä füres hus statt wohnig)

Aber da du us Prinzip NIE chasch e fähler zuegäh, tüe mer doch so als hättsch es so gmeint wies itz darstellsch narzistli...

Wenn z'geld wert verliert si schulde ja nüt schlächts...
Drum hesch du ja 2 hüser...

Und ob wege dem Liegenschafte a wert verliere isch überhoupt nid gseit..

Aber ja.. alles kafisatz läse...

I ha bis is 2029 gnue reserve füre fall dass es tür würdi. Da lüpfts ganz mänge vor mir...
Wenni luege was gwüssi lüt im Kanton züri für hüser usgäh und ufgno hei... :typej:

Jones hat geschrieben: ↑05 Jun 2022 16:35 Lies mis post nomau...

Lies DU bitte mis post nomol:

Mietautos wärded grundsätzlich in Werkstätte "gwartet". Ich ha kei grosses Vertraue in d'Arbet vo Werkstätte ...

Immer nonig klar?

Ok.. änderet aber nüt a mire ussag...

Jones hat geschrieben: ↑05 Jun 2022 16:43 Wenn z'geld wert verliert si schulde ja nüt schlächts...

Solang Dis Ghalt entsprächen stigt, jo ...

Wenn aber bi glichem Ghalt plötzlich dr fünffachi Hypothekarzins muesch bläche?

Jones hat geschrieben: ↑05 Jun 2022 16:43 Und ob wege dem Liegenschafte a wert verliere isch überhoupt nid gseit..

Ebe - säg ich jo. Es cha beides passiere drum muesch nid eso tue als öb dis Rümli ganz klar a Wärt zuelegt ...

Jones hat geschrieben: ↑05 Jun 2022 16:43 I ha bis is 2029 gnue reserve füre fall dass es tür würdi. Da lüpfts ganz mänge vor mir...

S'Problem isch halt wenns nume scho e "chlini" Immobiliekrise wie in dr 90ger git. Denn wärded d'Immobilie neu bewertet und wenn d'Tragbarkeit nüm gwährleischtet isch muesch Gäld nocheschiesse und das bi glichzytig stark stigende Zinse ...

Jones hat geschrieben: ↑05 Jun 2022 16:43 Wenni luege was gwüssi lüt im Kanton züri für hüser usgäh und ufgno hei... :typej:

Da bini voll bi Dir. Und denn ziends no in d'Pampa wil am eigentliche Wunschort s'Gäld für sones Hüsli nid längt. Drfür gäbeds denn 4 Läppe pro Monet zum mit em Auto pendle us ... :typej:

Ich chönnt so nüm ruehig schlofe - nid emol ohni Hösli ...

Jones hat geschrieben: ↑05 Jun 2022 16:55 Ok.. änderet aber nüt a mire ussag...

A minere au nit: Ich hock lieber in es Auto wo ich sälber dra gschrubt ha ...