The(G)Forum

Sali zame

Wür mi mol wunder neh wie ihr Shmups üebed oder isch das es Gheimnis ? Ob ihr do irgend e Methodik hend oder eifach „blind“ druflos zocked. Git jo grundsätzlich mol 2 Methode. Einersiets cha mers jo so üebe wie es Musikstuck mit emene Instrument, sprich schwierigi Stelle immer und immer wieder üebe ohni s’ganz Lied vo vorne wieder dure zspiele oder ebe immer wieder vo vorne afange. Sicher effizienter wär ja nur die enstprechende schwere Stelle immer wieder übe bi dene mer abloost.
Finds aber schad so z’spiele will den muesch jo mit MAME und Savegames zocke oder vll goht das a de Konsole au. Do ich aber mit PCB spiel am Chaste hani kei Bock am PC mit Mame übe und den nur für es paar Runs an Egret hocke. Da isch eifach z’schad find ich.
Also i spiel immer wieder vo afang a au wenn den s’erste level bis zur vergasig zocksch. Sicher nöd effizient, aber jo.
Lese sicher amigs Strategiealeitige oder Videos vo https://www.youtube.com/user/STGWeekly wo au immer alles recht guet erklärt wird wie mer am beste scored.
Den lueg ich mir gern au mol no replays a vo Lüt wo’s chönd. I find die derbe Superplays mues mer scho gar nöd luege will die meistens so abgönd das mer’s erstens kum rafft was mached (ich zumindest) und zweitens so ufbaue sind das zwar extrem viel Score anebringsch, aber de chlinst Fehler s’Chartehus au zum Zamesturz bringt und den kum points machsch. Da isch zumindest da woni fest gstellt ha. Drum lueg i lieber e „gmässigts“ replay (https://www.youtube.com/user/shmupemall) wo mer au vll e Chance het das einiger masse chöne nospiele, bzw gwüssi Stelle drus. Aber meistens zock i eifach druf los und find min eigene Pfad.
I packs aber kum meh als 7 Games am Stuck mache und bruch den e Pause will Konzentration noloht. Isch das bi eu au so? Den gits au Läuf do chumi nöd mol is zweite Level und den wieder sonig wo bis fast mitte dritts Level keis Lebe verlührsch . Also huere unkonstant.
Zudem hani s’Gfühl mengisch recht lang a Ort und Stell z’trette und es goht eifach nöd vorwärts. Wa sind den so Ziete wo mer mues rechne bis mer es shmup einigermasse beherrscht? I bi no de Vollnoob und zock so Züg jo erst siteme halbe Johr und bi drum evt au eifach z’ungeduldig.

Bi mol gspannt uf euri Inputs.

bitte verschiebe.

ups, sorry

https://www.youtube.com/user/STGWeekly

cool. hani nid kennt

Mini Strategie isch: default mode. Keini continues. immer wieder vo vorne afange.

Abgseh voder "bomb & continue" fraktion wo eifach nur freud an Grafik und Sound het und sich nach 20 Minute möglicherwis bechlagt dass die Games so churz sind
gits ja die Lüt wo mehr uf 1CC spiele und anderi wo Wärt uf möglichscht fetti Punktzahle lege. Ich üeb 1CC und Pünkt glichzitig. Erkundige mich vorhär was sGame für es Scoring System het. Die Art zgame find ich persönlich am befridigschtende. Aber ich bin mehr Sammer als Spieler. Meischtens wächsli Platine nach ca 2 Wuche us, und heb si villlicht erscht es halbs Jahr später wieder ine.

Wasi möcht sage, i spieles nid so verbisse bis is gschafft han und ich bin au nid wirklich en guete Spieler. Da gits wesentlich besseri do ine im Forum. Darum isch mini Strategie möglicherwis au gar nid so effiziänt.

Effizient oder nöd isch jo egal. Da isch mini sicher au nöd mit immer vo vorne afange. Aber ich handhabs demfall gliech wie du. Kei Coin feeding sondern immer nur 1 Credit und den wieder vo vorne. Ob ich je es 1CC schaff bezwiefli, aber mer weiss jo nie. I loh e PCB amigs für ein Monät drin und üb demit. Nochher chunt es anders.

The Sheep hat geschrieben:Mini Strategie isch: default mode. Keini continues. immer wieder vo vorne afange

word !

ich mach das mit nume eim Continue nume, bis i die erste zwoi drü Levels chan, nochane ischs wichtiger, die spötere Stages z'üebe, egal mit welere Münze.

bide Böss chammer au d'Patterns üebe und si ohni sich z'wehre id Längi zie.

nöd unplant Läbe verlüre verlängered de Score-Modus, au wämmer nöd so effiziänt am score isch.

Bombe und Läbe sind Resource womer mues bruche. Mit Bombe im Stock z'sterbe isch die gröscht Verschwändig, uspumpt ufem letschte Zagge hingege nöd.

ich spiele au mit continues und bombe, aber uf score. sus wird ebbe schwer, ide spätere levels guet zwerde. vorallem wotti nöd 5 versüech ha, um nur level 4 immene cave game zgxeh und denn dumm sterbe. denn gibi halt en continue oder zwei.

Das mit de Bombe isch halt vo Spiel zu Spiel verschiede.

Bi de meischte Raizing/8ing Spiel zb isches vorgseh dassmer Smartbombs isetzt, bzw es het kei Ifluss uf d'Pünkt, während mer bi Cave Shmups fascht immer "bestraft" wird.

Natürlich isches immerno besser mer rettet sich mitere Smartbomb, als mit vollem Stock zstärbe. Aber grad bi Cave hani das mit em ebe nid-bombe-dörfe dermasse verinnerlicht, dass i öfters stirb, obwohl ich mi sunscht villicht hätt chönne rette.

Continues göhn bi mir gar nid, willi ab däm Momänt de nötig Ehrgiz verlier. Irgendwo hani denn im Hinterchopf: Muesch di nid wirklich astränge, wenn stirbsch drucksch eifach wieder de Chnopf. Dämentschprächend schlächt spieli denn automatisch.

Continue machi höchschtens 10 Minute bevor i d'Platine wächsle, will ich mir sage: Jetzt hani so lang Stage 1-4 gschpilt die letschti Zit, jetzt würdi au gärn mol wieder de Räscht gseh.

The Sheep hat geschrieben:
Bi de meischte Raizing/8ing Spiel zb isches vorgseh dassmer Smartbombs isetzt, bzw es het kei Ifluss uf d'Pünkt...

es het en SEHR grosse ifluss uf pünkt triffts eher!
zum bi battle garegga und armed police batrider guet chöne punkte muesch ständig bombe; vorusgsetzt es isch a de richtige stell

bi dä meischte cave shmups isch genau s gägeteil de fall und du wirsch wie du gseit häsch bestraft und dä score wird zb. bi allne pachis und mushihimesama futari extrem verschlechteret. ibara isch da natürlich wieder en usnahm will meh raizing als cave

ich bi eifach zwenig guet, zum ohni zbombe mit eim 1cc wit zcho.

bi caves muesch bim boss bombe, det machts am wenigste...

de 1cc isch ja normalerwies nöd de eini Lucky Punch, sondern die logisch Folg vomene längere Lernprozess. Bi däm Prozäss sind d'Bombene sehr hilfrich (quasi pädagogisch wertvoll), will si eim hälfed, schwierigi Situatione z'überwinde, d.h. d'Schwierigkeitsgrad-Peaks abzmindere. Wämmer 's Game es paarmal gspielt häd, weiss mer ja, womer öppedie stirbt und chan für det e Bombe iplane. Irgendeinisch isch mer dänn besser und chas ohni versueche.

's Mindset zum Panikbombe (lieber z'früe als z'spat) isch au wichtig, sones sälbstuferleids Reinheitsgelübde wie's de Sheep schildered isch für's Überläbe sehr abträglich.

grundsätzlich gilt länger läbe = höchere Score. Intensiv score isch weniger wichtig für de Score als 's längere Läbe (und für de 1cc sowieso). 's gid es paar Usnahme wie z.B. Battle Bakraid, wo bim erste Boss me Pünkt chasch mache als im ganze Game bimene normale Durespiele ohni Chaine, aber das sind Usnahme.


würd schätze dass 's Antizipiere vode gföhrliche Situatione 90% vom Erfolg usmacht, 10% 's gschickte Improvisiere.

ich bin afänger und zwenig guet isch die falschi iistellig
ich glaube "angst" und nervosität sind die gröschte feinde bim shooter spiele...
wenn immer nur churz spielsch und s game nochher wieder in schrank chunt wirsch au nie "guet" werde.
es isch "wichtig" das jede tag spielsch und wenns au nur 15 min. sind, das git am schluss die nötigi sicherheit. sich nöd beiidrucke lah vo anderne scores und nöd ufgeh wenns mal nöd so guet lauft denn das isch normal superplays luege isch ok aber das nachespiele isch kontraproduktiv. training isch a+o! sich nur uf eis game fokusiere hilft au, es bringt nix mehreri sache mitenand spiele. am afang ohni bombe spiele egal was passiert isch e gueti strategie.

geosnow hat geschrieben:ich spiele au mit continues und bombe, aber uf score. sus wird ebbe schwer, ide spätere levels guet zwerde. vorallem wotti nöd 5 versüech ha, um nur level 4 immene cave game zgxeh und denn dumm sterbe. denn gibi halt en continue oder zwei.

ich au ^^

hanf hat geschrieben:bi caves muesch bim boss bombe, det machts am wenigste...

trifft aber nöd uf dodonpachi und futari zue! det isch genau glich schlimm ob irgendwo im level oder bim boss

es isch recht doof wenn zb. zum erschte mal is level 4 chunsch und grad stirbsch wills nöd kennsch. es chan also scho nützlich si zwüscheddure mit continue spiele. zum guet und "schnell" chöne lerne isch aber am afang scho wichtig nur mit eim credit spiele.

Da mal 2 gueti links. läse lohnt sich

How to practice Shooting Games:
http://shmups.system11.org/viewtopic.ph ... 53#p560153" onclick="window.open(this.href);return false;

The Full Extent of the Jam (guide abelade):
http://shmups.system11.org/viewtopic.php?t=34497" onclick="window.open(this.href);return false;

kei Continue macht kei Sinn, will wie de sam gseit het, kriegsch eifach voll uf d'Schnurre wenn mol paar Meter witer chunnsch als bim letsche Try. Usserdem isch es nur langwilg immer wider vo Afang afo. Ich spiel immer Free Play oder Coine. Merksch denn scho wie besser wirsch. Aktuell spieli V-V, s erschte mol gfühlti 120 Credits brucht, denn no 100 denn no 70 denn no 30 denn 20 jetzt schaffis (nach 1 Wuche spiele) mit 4-6 Credits. (Erschti Loop verstoht sich für die wos kenne lol) denk no 1-2 Wuche und de 1cc isch gmacht. Hätti immer wieder vo vorne aagfange wäri glaub no nit witer als 3-4 Stage.

Das 1 Credit üebe isch irgendwie sone "mir sind konzequenti shooter pros" erfindig, macht aber nit viel Sinn wenn di mol wirklich mit Zocke und de Hintergründ usenadsetzisch.

Üebe an sich,
1.Hitbox kenne (fühle lehre) dass ohnii luege weisch wo bisch, schlussändli muesch NUR uf d'Schüss chöne luege
2.Gegner/Pattern kenne (wie Pattern lenke und welli ziele? weli si wirkli gfährlig und welli tribe di nur?)
3.Offensiv spiele, viel Spieler sterbe will si zrugzoge spiele bzw unde am Screenrand umeschliche, bis alles zue isch.
4.Lehre wie möglischt noch an Böss und Gegner anekasch zum d'Schussfrequenz steigere (usnahm chaine)

sam hat geschrieben:

hanf hat geschrieben:bi caves muesch bim boss bombe, det machts am wenigste...

trifft aber nöd uf dodonpachi und futari zue! det isch genau glich schlimm ob irgendwo im level oder bim boss

bi dodonpachi au? bi welem?

hanf hat geschrieben:

sam hat geschrieben:

hanf hat geschrieben:bi caves muesch bim boss bombe, det machts am wenigste...

trifft aber nöd uf dodonpachi und futari zue! det isch genau glich schlimm ob irgendwo im level oder bim boss

bi dodonpachi au? bi welem?

dodonpachi wägem max. bomb bonus!
ab em level 2 boss (bechunsch e bombe) zellt alles was a punkt bechunsch dopplet. bi dä nöchscht bombe wo bechunsch x3 und so gaht das immer wiiter. wenn einisch bombsch setzt sich das wieder uf 0. logisch muesch au suscht guet spiele aber ohni dä max. bomb bonus bringsch kein gschiede score ane. en guete tipp für dodonpach isch mitem erschte läbe nie bombe und wenn das bis mitti oder besser endi level 3 klappt isch dä lebensverluscht meh wert (score) wie wenn bombsch. rekord bi mir isch mitti stage 4 mit em erschte läbe ohni bombe

du redsch vom original dodonpachi?
bim daiohjou isch aber au so, oder?

jo bi beide

Am Aafang spili meischtens mit 1 oder maximal 2 Credits, eigentlich glichziitig uf Survival und uf Score, und immer mit Default Settings. Wenni chli besser wirde und mit 1 Credit relativ wiit chume (bi Cave Games im Normalfall i d Stage 4), hebi au mal 2-3 Credits meh drii, damit ich ungfähr weiss, was nachher no chund.

Vo Aafang aa huere vil Credits inehaue macht mär überhaupt kei Spass, wils frustrierend isch und imho relativ wenig bringt, wenn i de höchere Stages praktisch nur no am Sterbe bisch. Die ganz Ziit nur mit 1 Credit game findi aber genau so frustrierend, wil ab eme gwüssne Skill die erschte paar Stages unverhältnismässig hüfig muesch mahe und d Konzentration relativ schnell weg isch, wili eifach nur möglichscht schnell widär i die Stage zrugg wott, wos mi gha hed.

Panther hat geschrieben:kei Continue macht kei Sinn, will wie de sam gseit het, kriegsch eifach voll uf d'Schnurre wenn mol paar Meter witer chunnsch als bim letsche Try. Usserdem isch es nur langwilg immer wider vo Afang afo. Ich spiel immer Free Play oder Coine. Merksch denn scho wie besser wirsch. Aktuell spieli V-V, s erschte mol gfühlti 120 Credits brucht, denn no 100 denn no 70 denn no 30 denn 20 jetzt schaffis (nach 1 Wuche spiele) mit 4-6 Credits.

muess sage, das isch tatsächlich e gueti Strategie. I spiele jetzt sit es paar Tag wieder am Batrider und i wird laufend besser so.

btw. Chan das Topic nid ändlich mol öpper ins Retro verschiebe ?