The(G)Forum

Ich han vor Urziite mal ime Spielsalon äs Jump 'n Run gspielt. Dä Spielcharakter isch än junge Zauberer gsi und mr hät dure Art Labyrint müesse.. Zwüschedure hät mr chüne Items ufsammle.. wänn ich mich no richtig erinnere, dänn isch dä Zauberer in grüen kleidet gsi.. Isch än Tablechaschte gsi..

Ich sueche das ROM scho länger aber mir fallt leider dä Titel vo däm Game nüme ii. Ich denke aber, wänn ich würd Bilder gseh, das ich es dänn grad würd erkänne.

Viellicht hät da inne ja öpper ä gueti Idee?

wardner ischs nöd nimmi aa...

us welem jahr isches denn öppe?

hanf hat geschrieben:wardner ischs nöd nimmi aa...

us welem jahr isches denn öppe?

Nei, Wardner isch es nöd.. ich han das im 1986/87 öppe gspielt

Labyrinth Runner?

http://www.arcade-museum.com/game_detai ... me_id=8373" onclick="window.open(this.href);return false;

äs isch weniger äs Labyrint als meh äs Schloss.. aber trotzdem mit labyrintartigem Levelufbau

Dark Chamber isch es dänk au nid oder?

Weli Perspektive ? vo obe (Gauntlet) oder Site (Magic Sword) oder ismoetrisch (Dark Seal) ?

Wänn ich mich richtig erinnere, dänn isch es vo vorne.. Mr gseht immer Teil vom Level und chan a la Castelvania ufe, abe, links und rächts

Dark Chamber isch es au nöd

Solomon's Key?

Nei, leider au nöd.. aber scho düütlich nöcher.

ev. Wiz, aber de Zauberer isch in Rot.

sadoanarcho hat geschrieben:ev. Wiz, aber de Zauberer isch in Rot.

häsch da no chli meh agabe? Google findet da z'viel und nüt, wo ich würd in verbindig bringe

ich glaub er meind das obe


willow wohl kaum oder ?

Also das isch es nöd

Ihr sind ächt toll aber ich befürchte, das ich einfach zwenig genaui Agabe chan liefere

Nur nid ufgeh. Hei mer ersch vor kurzem gha und do het am Schluss ou klappet.

Edit: Frog zum Spielfeld. Het me alles uf einisch gseh, oder immer nur en chline Usschnitt?

Shadowland ?
Legend ?

Avenger hat geschrieben:Nur nid ufgeh. Hei mer ersch vor kurzem gha und do het am Schluss ou klappet.

Edit: Frog zum Spielfeld. Het me alles uf einisch gseh, oder immer nur en chline Usschnitt?

Wänn ich mich richtig erinnere, dänn sind d'Level amigs i zwei oder drüü Teil ufteilt gsi. Mr hät dänn au nüme zrugg chüne. Mr hät sich zumindest i dä erschte 3 oder 4 Level ime Schloss oder schlossähnliche Gebäude befunde.

turntablism hat geschrieben:Shadowland ?
Legend ?

Beidi nei :/

obwohl's aunöd ganz passt wäred Cadash und Legend of Makai no Kandidate.

sadoanarcho hat geschrieben:obwohl's aunöd ganz passt wäred Cadash und Legend of Makai no Kandidate.

Leider beides nei.. d'Sprites sind viel z'gross..

äs hät öppe so ähnlich usgseh, wie das da



dä Zwei-Spieler Modus isch immer abwächsligswiis gsi.. also kei Coop Modus.

Tutankham

de clay verchauft das.

nei, au nöd

Solomons Key?

Gruss

Bisch sicher dass es arcade gsi isch ?
Check mal di ganze 80er jahr spiel uf system16.com
Suechsch i de monsterlist nach de jahr.

Na ja.. ich han das ime Arcade Schuppe gspielt.. isch so äs Tablegame gsi..