The(G)Forum

Hett öppert vo Euch scho mol erfahrig mit em Bezahlsystem SumUp gmacht? Egal, ob als Gschäftsinhaber oder als Iikäufer?

Isch jo extra für chliini Gschäfter öppis interessantes.

Provision fürd Firma/Bank pro Zahlig:
2.5% bi Kreditkarte
1.5% bi Debitorekarte (statt 0.5)

Bis Fr. 84'000.- Umsatz/Johr uff Kartezahlige isch es interessant... nachhär sinn die vo sixPayment und co. "interessanter"...

Hesch keini Fixköschte, kein Vertrag und keini Service köschte (was je nach Firma locker um die Fr. 500.-/Johr tuet ussmache)
s Grätli kunnsch für Fr. 79.- über und muesch e App aabelade und s Grätli mit dem Verknüpfe.
Benutzeroberflächi via iOS oder Android....
Quittig wird via Email oder SMS verschickt. Tuesch en Printer drzue kaufe oder en Drucke dra hängge, könntsch d Quittig au ussdrucke.
Zahlige khasch Online iiseh und usszahlt wirds innerhalb vo 5 Täg uff s Konto (egal wehli Bank me hett)

Bis uff die 1.5% bi de Debitorekarte und das mit em Quittig ussdrucke eigentlich e gueti sach? Oder was meinsch du?
Wie gseit...chliises Gschäft...und smiend nid alli wüsse, dass mir Kreditkarte tüend akzeptiere.

https://ch-de.sumup.com/" onclick="window.open(this.href);return false;

I ha sones Grätli für mini Firma kauft, damit mir an Mässe könnt Kärtli Zahlige aneh
Grätli isch günschtig und funktioniert, sofern de Akku glade hesch.
Smeischte vode Zahlige machemer aber via POS System amene Laptop, de isches gad korrekt im Shop System verbuecht.
Quittige kasch usdrucke, git zwei Drückerli zum kaufe oder kasch dir selber en D.I.Y Printer baue...findisch dezue Aleitige im Netz.
Ansonsten wird Quittig per Mail verschickt.

Hei's ize ir Bude ou. Dr gross Seich isch: Postkärtli nimmts nid. Isch dumm, wöu das vili hei. Schüsch funktionierts.

Astroboy hat geschrieben:Hei's ize ir Bude ou. Dr gross Seich isch: Postkärtli nimmts nid. Isch dumm, wöu das vili hei. Schüsch funktionierts.

Postkärtli söti au no cho...hets jedefalls mol irgendwo gheisse...