The(G)Forum

was git's für simpli/schnälli rezäpt wo super sind? kackt mi ebe meischtens a für 1 person öppis ufwändigs z choche (choch- / putz-vrhältnis stimmt für mi nid)

chasch ja allesmüglichs würfle und brate nach beliebe. liechter und schnäller gaht nüme. und de räscht am nöcschte tag no in mikrowälle. doppelflüüge!

Vilicht nöd grad jede Tag, aber en feini Pasta isch immer mal wider guet, gaht schnell und bruchsch nur ei Pfanne (wennd e warmi Sauce machsch halt 2)
Chasch grad id Sauce haue was der passt und nebedzue no en chline Salat, fair.

Mis 5min. Menü gset so us:

300g Poulet odr Trutte verschnide und mit chli Raps brate.
300g Wildriis (bereits Kocht im Riiskocher, han immer 1kg uf Reserve) ine Tupperware. + 200g Tiefkühl-Gmüess (Bretagne vom Migros, super isches, fix und fertig gwürzt) au id Tupperware.

D Tupperware denn id Mikro für 4min. denn söd au ds Poulet gd noche si...d Poulet denn au no sammt Öl di Tupperware gheie, fertig.

Super ischs willme alles us eim Gfäss ässe chan, also au sehr gringe verschleiss vo Gschirr.

Vorkochti Linsä oder Bohnä. z.B. Späckwürfeli abrötlä, Linsä/Bohnä dri bis Warm sind, bitz gwürz fuetere. (allerdings Bohnä und Linsä nid chochä, nur wärmä... suscht gönd no meh Nährwert kaput als sowieso scho).

Supene Sind au super, wenns drum god möglichscht wenig ztuä ha... diä sind zwar i de Regel besser, wenns sehr lang chöchelet, aber chöchele chönds natürlich allai, somit gänd glich wenig ztue. Mehr mues eifach vorsorgä, und z.B. am eintä Tag scho für de nöchscht chochä (was au chli müäsam chan si).

äs schpiegelei (oder mehreri)

es hoere grosses stock fleisch ofem greu.

edit: gasgreu vorusgsetzt.

mousch hat geschrieben:Mis 5min. Menü gset so us:

300g Poulet odr Trutte verschnide und mit chli Raps brate.
300g Wildriis (bereits Kocht im Riiskocher, han immer 1kg uf Reserve) ine Tupperware. + 200g Tiefkühl-Gmüess (Bretagne vom Migros, super isches, fix und fertig gwürzt) au id Tupperware.

D Tupperware denn id Mikro für 4min. denn söd au ds Poulet gd noche si...d Poulet denn au no sammt Öl di Tupperware gheie, fertig.

Super ischs willme alles us eim Gfäss ässe chan, also au sehr gringe verschleiss vo Gschirr.

gringe gschirr vrschleiss -> sehr guet!

Tatsujin hat geschrieben:äs schpiegelei (oder mehreri)

ich ha grad recht luscht ufs tatsujin speziel spiegelei. glaub i mach nacher

evo hat geschrieben:

Tatsujin hat geschrieben:äs schpiegelei (oder mehreri)

ich ha grad recht luscht ufs tatsujin speziel spiegelei. glaub i mach nacher

hani au scho gmacht. mega! numme e chli fettig

De Backofe, recht praktisch ischer!

Pouletflügeli oder Schenkel zäme mit Rüebli- und Kartoffelschnitz ufs Blech oder in a Gratinform
Red Curry Paste zäme mit chli Öl, Salz, Knobli zum Mariniere bruche
Ofe uf 180°C für öppe 30min laufe lah und guat isch


Weichkochendi Kartoffle halbiere, öppe 25min bi 180°C backe
Aschlüssend no Schinke oder so, Chäs und chli Gwürz belege...
nomal öppe 10min in Ofe, fertig!
Gaht logischerwiis au mit Tomate und Co.


Fleischchäs und Pommes usem Ofe - logisch gits au wenig z' tua und putze

der_blubb hat geschrieben:mega! numme e chli fettig

ja sorry gäll

nimmsch halt chli weniger späck und kein butter

susch, choleschterol ahoi

grad geschter. pommfritt und bratwürscht. zwei pfanne hani brucht und am längschte isches gange, bis s'öl heiss gsi isch. das hät aber au chönne heiss werde ohni dassi debi gschtande bi. reini chochziit, es paar minute.

zwirrlibatz hat geschrieben:chasch ja allesmüglichs würfle und brate nach beliebe. liechter und schnäller gaht nüme. und de räscht am nöcschte tag no in mikrowälle. doppelflüüge!

sehr super, wenni mal choch eig nur so. fleisch und gmues stueckle, brate, wuerze, guet isch.

putzfrau hat geschrieben:grad geschter. pommfritt und bratwürscht. zwei pfanne hani brucht und am längschte isches gange, bis s'öl heiss gsi isch. das hät aber au chönne heiss werde ohni dassi debi gschtande bi. reini chochziit, es paar minute.

so bommfridd sache machi eigentlich fascht nie dihei. macht eigentlich au chum siin.

:siin:

Bomfrit dehei isch no-go. macht dick und stinkt

häsch kän dampfabzug? tick bisch scho...

bom-fridd cha me super im backofe mache. schmeckt fair und es stinkt nid.

@tatsel: dis spiegelei-rezäpt hani natürlich au scho usprobiert. ohni butter, ok - weniger späck? das gaht nöd!

bachofebommfritt sind öppe s'übelscht womer sich cha vorschtelle. eklige gschmack, meischtens so hert, dassds chönntsch als nagel bruche und suscht furztroche. :typej:

voll, sind eh besser.

Pouletspitzli in Soyasauce (Soyasauce + Pfeffer + Krütlimischig) ihlegge und nacher schnell i de phanne ahbrätle. Dezue en feine Salat mit balsamicosause! Super isches und gaht nur ca 3min.

Spulet bliibt durchs ihlegge mega saftig und wird nöd furztroche! En Tipp für alli!

Wurstsalat

Au ganz simple und fein!

Altes Brot i schiibe schniide und schnell in Bachoffe.
Knusbrig bache und denn en schuss oliveöl drüber.

Tomate i chliini stück hacke mit e bitz basilikumblätter und oliveöl verfeinere und nacher ufs brot legä.

Fertig isch feini Bruscetta.

Sguete a de ganze sach! Nöd länger als 6-7min und kei pfanne zum butze.

Falls das nöd gnueg isch eifach no chli parmesan stückli in hochwertigem Balsamicoessig ihdünkle und esse.

Passt super dezue, isch fein und simple.

alte, wenn chani mal zu eu go mangiare?