The(G)Forum

A salli

I möcht's mir irgendwia so irichte, dass i nur no 1 Grät han, woni eifach Film via torrent oder OC-Hosts downloade (wia WLAN), das Züg via HDMI am TV luage und s' Grät gliichziitig no als Netzwerkspeicher (wenn möglich als iTunes Server o.ä.) bruche chan... Momentan spitzi d' Film jewiils ufe a USB HD und schlüss dia direkt am TV a - das ständige Hi und Her gurkt mi a... Usserdem möchti au de Sound zentral verwalte und mal in dr Stube chöne abspiele, ohni da immer mit HD's oder mp3-Player müsse umehantiere.

Logisch wür's mit NAS gah (dä wür denn am Router i mim Zimmer hänge und per WLAN id Stube funke - Ruckler?) - nur bruchi denn wieder a wiiters Grät ir Stube woni das Züüg chan abspiele... immer PS3 oder 360er für das istelle oder no a Media Receiver :typej:

Wia händ ir das glöst?
I will eifach mini Musik und Film uf 3 Mac/1PC resp. ir Stube ufem TV chöne gnüsse... mit WD TV life oder WD TV Live Hub Media Player hani ja au wieder x Grät am Start

Evtl. eifach a
ASRock CORE 100HT-B1
oder
Mac Mini

nebe TV stelle?

Greez

bis uf itunes chan de popcorn ungfäär alles.

nur 1 grät wird glaub schwieriger. am beste chaufsch es NAS wo immer lauft und zum film am tv luege no en wdtv live oder popcorn und mit dene grifsch uf de NAS zue.

ha mi leider scho es wiili nüm mit NAS usenandergsetzt, drum weiss i nüm was guet isch. aber dise cha zum bispiel dateiserver, itunes server, BT download usw.
luegsch da:
http://download.synology.com/download/d ... et_deu.pdf

git natürlech no tuusig anderi vo synology und anderne härsteller wo z'gliche chöi und wahrschinlech no besseri.

am beste lisisch mal paar tests.

stell doch eifach en PC here wie ich.... isch bescht. 2x 250GB 10'000umin und 3x 2TB HD's

ich han dänn das Ding mit Splitter an TV und an Beamer zoge... super.

mac mini + synology nas, denn hesch usgsorget

i gsehn, irgend a NAS bruchts wohl eifach...

Bir Variante PC/Mac/WDTV und NAS gurkt mi eifach ah, dass dr NAS bi mir im Zimmer stah muass (Internetzuagang - kei Kabel quer durch d' Whg) und i somit zwar a Grät han, wo permanent lauft aber selber kei Dateie direkt am TV chan abspiele...
Hm, evtl. eifach nur a Mac Mini oder ASRock CORE 100HT-B1 ohni NAS oder chönts da Problem geh mit 7/24 Betrieb..?

@Shadow: mini Fründin dreht mir dr Hals um, wenni nomeh grösseri Elektronik-Grät id Stube stell

blackraini hat geschrieben:Momentan spitzi d' Film jewiils ufe a USB HD und schlüss dia direkt am TV a - das ständige Hi und Her gurkt mi a... Usserdem möchti au de Sound zentral verwalte und mal in dr Stube chöne abspiele, ohni da immer mit HD's oder mp3-Player müsse umehantiere.

Der TV het USB und cha Videodateie lese?

Krass, ig bi absolut nüm uf em laufende.

Du wotsch also Video und Audio uf eim einzige Gerät ha. Und torrentle sölls au selbstständig. Do spricht scho sehr vieles für es NAS. E PC wo das nebebii macht würd ig nid bruche für das. Nid weg de Recheleistig sondern weg em Lärm. Wenn igs richtig verstoh geits aber vor allem drum dass du bim TV es zuesätzlichs Gerät für Netzwerk Audio/Video Zuegriff würsch bruche. Denn cha der TV das bis jetz über USB? De würdsch wohl e USB-Converter bruche wo am TV e Festplatte tuet vorgaukle aber i Würklichkeit uf d SMB-Freigabe vom NAS tuet zuegriffe. Und obs das git weiss ig nid. Blibt also eigentlich nume die Kombination wo der rest vorgschlage het: NAS als zentrale Speicher und e zuesätzliche Client bim TV (Popcorn, wdtv, Apfel, irgendwas.)

bit em macmini giz ke problm wenn er 24/7 louft, isch bi mir o so.

blackraini hat geschrieben: mini Fründin dreht mir dr Hals um, wenni nomeh grösseri Elektronik-Grät id Stube stell

Was würd sie zu sertigem säge?

hm merci füre Link, gseht no parat us - i kaufe jetzt vorerst mal am Thanatos si NAS ab und installiere am TV no a wifi-dongle, mal luage wia das so giiget.

... söll recht zuaverlässig und praktisch si:
http://www.digitec.ch/ProdukteDetails2. ... kel=186249