The(G)Forum

Sali zämä
Wie ermittelt ihr den aktuellen Marktwert eines Games?

Ricardo.ch / Ebay.de etc?? Einfach mal die aktuellen Preise anschauen?
(Gege - Du gehst doch amigs auch unter den den verkauften (also Auktionen die vor längerer Zeit mal verkauft wurden schauen oder? Wie und wo machst Du das??)

-----------

Oder gibt es irgendwo schlaue Homepages wo man den Wert der Games erruieren kann?

Habe hier zum Beispiel ein Game, PS2 Grim Grimoire (deutsche PS2 PAL Version - NEUWARE noch eingeschweisst) und habe keine Ahnung was das Wert hat. Finde nur immer so UK oder Italo Versionen im Netz?

Darum - wie geht ihr hier vor wenn ihr den Preis eines Games rausfinden möchtet.
-----------

PS: Bitte keine Antworten wie: Stells doch auf Ricardo.ch - dann entscheidet der Markt... Das sehe ich eben anders. Wenn Du Pech hast, geht das Game für 10 Stutz weg, eine Woche später hätte es 100 gebracht, weil allenfalls genau jemand das Game eine Woche via Ricardo gesucht hat...

agestuffer

Ich luege bi Ricardo, eBay und Co und verchaufes denn da inn für ca 80% vom Wert. Je nach Verhalte vom Chöifer gibis günschtiger, türer oder gar nid

Herr Rossi hat geschrieben:Ich luege bi Ricardo, eBay und Co und verchaufes denn da inn für ca 80% vom Wert. Je nach Verhalte vom Chöifer gibis günschtiger, türer oder gar nid

Okay, wie meinsch - gar nid.... Wenns bi Ricardo und Co versteigert hesch, denn muesches ghä oder chunsch en - Wärtig über!!

Was aber bi Züügs wo nid gfinsch - nomal - mis Biispiel vo Grim Grimoire PS2 / PAL - deutsche Version (NEUWARE - eingeschweisst)

agestuffer

i luege ou im ricardo, ebay paar retro game shops....wenn de preis stimmt für mich den käuf is ...

@ agestuffer esch eis im ebay für 99.- dollar , aber es jap....teils sind ja bi de jap oder pal ou extremi preis unterschiede egal welli plattform

es geht immer lüt wo der en super preis zahle und lüt wo am liebschte nur paar fränkli gebe.....

agestuffer hat geschrieben:

Herr Rossi hat geschrieben:Ich luege bi Ricardo, eBay und Co und verchaufes denn da inn für ca 80% vom Wert. Je nach Verhalte vom Chöifer gibis günschtiger, türer oder gar nid

Okay, wie meinsch - gar nid.... Wenns bi Ricardo und Co versteigert hesch, denn muesches ghä oder chunsch en - Wärtig über!!

Was aber bi Züügs wo nid gfinsch - nomal - mis Biispiel vo Grim Grimoire PS2 / PAL - deutsche Version (NEUWARE - eingeschweisst)

agestuffer

Ich verchaufe s meischte do inn oder bi tutti.

Bi ebay unter verchaufti artikel luege, das isch ni so schlecht

ich nimm amel dä durchschnittlich sofortkaufen priis minus 30%

isch natürli immer chli d'frag wie lang du dini spiel möchtisch bhalte, also öb dis lager bald überquilt oder öbs easy no 10 jahr lagere chasch. will d'games werdet immer tüürer werde, will es wird kei neui me gä sondern eher alti kabutt ga, und sammler händ au immer me gäld, wills älter werdet... drum chasch au easy chli höch pokere mit em priis...

chasch uf "sold items" bi ebay klicke. buy it now isch luschtig. es git vo jedem Game eigentlich e prisspanni vo 10-200usd.

aber chli vergliche isch nöd schlecht. japan prise hani eigentlich alles schön aktuell us facebook vo japanische reseller. das weisch idr de tageskurs vo jedem japanische game.

schwierig wirds denn aber bi seltene richtig türe games. zb de neo geo aes metal slugs. wiä weisch du vo fotene, obs es original isch, wenn s modul nöd offe isch. ganz eifach, mer weiss es nöd. d fälschige sind scho sehr guet.

prise vo nintendo games schwanked brutal. modul 50chf, used boxed 100chf, mint boxed bzw. new 300chf. so als biispiel.

sega games sind da eifacher, will vieli lüt d hülle bhalte händ.

spieli ab psone/saturn/ps2/ps3/wii etc. sind denn relativ eifach z bestimme. dete kennscho so diä rarer games und prise uswendig. d prise sind eifach jetzt 100-200% türer als zum agestuffziite.

en tütsche händler hät für snes und md pal en guide usebracht. isch halt nöd immer aktuell aber nöd soo schlecht. sind sold items durchschnitts prise vo ebay.

geosnow hat geschrieben:en tütsche händler hät für snes und md pal en guide usebracht. isch halt nöd immer aktuell aber nöd soo schlecht. sind sold items durchschnitts prise vo ebay.

isch das dä womer an dr retrobörse in züri agluegt hän?

genau.

geosnow hat geschrieben:chasch uf "sold items" bi ebay klicke. buy it now isch luschtig. es git vo jedem Game eigentlich e prisspanni vo 10-200usd.

Meinsch Du Sold Listings?
Dett isch ja Search Included.. Chani au NUR Sold Listings ohni no laufendi / aktuelli Sachä aaluegä?

agestuffer

klar, nur sold luegi ah.