The(G)Forum

chunt für PS4, Xbox one und neu au für de PC.

Hett ziitlich begränzti PS4-exklusivi inhält.

alles woni weiss übers Spiel findet ihr da:

http://www.thegnet.ch/news/16526/2017/3 ... er---Video" onclick="window.open(this.href);return false;

bilder hani au...

video da:


Quelle

mal luege obs besser wird als teil 1...

Also Teil 1 han ich no rächt guet gfunde..

Dä Trailer isch no witzig

Z Destiny isch sogar sehr guet gsi, nume hets VIUUUUUUUUUU z weni content gha, säubst mit denä ganze Add Ons.. Und weni so dr Trailer aluege chunts mir nid so vor aus gäbs das mau me... Aber lustig si die Trailer uf jedä fau.
Ig ha Kollegä wo das über 3000H gspielt :typej: :typej: :typej:

mir isches nach 8 std. scho verleidet...

ich erhoffe mir aber meh vo teil 2... viel meh.

Master(G) hat geschrieben:mir isches nach 8 std. scho verleidet...

ich erhoffe mir aber meh vo teil 2... viel meh.

Na ja wenns dir nach 8h verleidet isch würdi gar nid ersch ufs 2 warte. Ig hoffe eifach dases viuuuuuu me content git im 2. Und nid nume 4 Planete, wome eifach nume die ganze Missione 1000x mues mache

äbe!

en Halo-mässigi kampagne, also en richtigi... destiny hett nöd würkli en kampagne gha, me so zämehanglosi missione womer x-mal muess mache.

Master(G) hat geschrieben:äbe!

en Halo-mässigi kampagne, also en richtigi... destiny hett nöd würkli en kampagne gha, me so zämehanglosi missione womer x-mal muess mache.

Nei Halo brucht niemer wo Destiny Spielt
Das wirsch ou im 2 nid ha, du meinsch quasi eifach e story mit coop gameplay?
Ig ha so d befürchtig das sich bim 2 genau gar nüt wird ändere und aues genau glich, aber neu isch, mit em 2 im Name...

was ich so gläse ha von activision / bungie... also dokument für eusi presse-futzis...äbe ned. bungie redet vome "neustart"!

luege mer mal...

ja coop-kampagne, gnau das wärs, so en richtigi...

Hmm würd ig aber komisch finge e komplettä Neustart bi au denä Fans wo z 1s het..

destiny
i ha au hunderti vo seeeehr schöne Stunde demit verbrocht, jede Zischtig Obed Strikes und Raids durrezoge aber mit de Ziet isches eifach zu repetitiv worde!
schaad isch eifach das de mmorpg gedanke NULL durrezoge hend..bi jede dlc hesch chöne istiege und innerhalb 2h bisch ufem gliche Niveau gsi wie ich wo vorher 100h investiert han :typej:
de hends mal gseid Destiny hebi 10jahr und de Charakter entwickli sich immer wieter...äääähm, etz chund destiny 2 und me fangt vo VORNE ah :typej:

ich bin gspanne..wenn mini Raid Buddies das chaufed bini au debi und sus sicher nid!

grafisch und spielerisch isches top gsi, Inhaltlich vo supergeil (gläserni Chammere, Oryx) bis superLOL (Crota und vieles anders)

TypeJ hat geschrieben:destiny
i ha au hunderti vo seeeehr schöne Stunde demit verbrocht, jede Zischtig Obed Strikes und Raids durrezoge aber mit de Ziet isches eifach zu repetitiv worde!
schaad isch eifach das de mmorpg gedanke NULL durrezoge hend..bi jede dlc hesch chöne istiege und innerhalb 2h bisch ufem gliche Niveau gsi wie ich wo vorher 100h investiert han :typej:
de hends mal gseid Destiny hebi 10jahr und de Charakter entwickli sich immer wieter...äääähm, etz chund destiny 2 und me fangt vo VORNE ah :typej:

ich bin gspanne..wenn mini Raid Buddies das chaufed bini au debi und sus sicher nid!

grafisch und spielerisch isches top gsi, Inhaltlich vo supergeil (gläserni Chammere, Oryx) bis superLOL (Crota und vieles anders)

Das chani so ungerschribe

momol ich has supergfunde, öml bis und mit crota dlc
3 klasse uf höchstlvl kah, damals 32. crotal im normal modus komplett solo durch gmacht (was abetracht dässe, das en raid eigentlich uf 6 lüt abgstimmt, scho ziemlich lolig isch gsi)
und denn isch de neu dlc usecho und hät alles chli über de huufe gworfe, anders system usw.
sowas findi ehrli gseit scheisse. spielsch 100h und meh für max lvl, neue content chunnt use und när chasch in 2h lvl 32 sii
mer chönnt sowas sicher anderscht löse, aber äbe. hät mi halt agschisse bi jedem dlc / content update nomal dr gli shit grinde.
multiplayer isch super gsi. hät mich sehr an halo erinnered. s'gunplay isch für mich bis dato immer no s'beste, besser als overwatch, battlefield oder cod.

Was isch dän mit em 10-Jahreplan vo Teil 1?

Dä 10 jahres plan isch für d spiel serie und nöd fürs 1 gsi. Wie Halo halt

Ahh krasses Add On, ah nei das söu ja z 2 si! Grafik genau glich check! Kein neui Klass check! Scho wieder nume 4 Planete wobi dervo 2 längwilig usgseh check! Glichs Menü und Elemänt check! Bungie = Hueresöhn check!

Bungie oder Activision oder beidi?

Destiny 1 hett einigi Fehler gsi wo sie im Lauf vom Spiel aber immer meh uusgmerzt hend. Wenn D2 en bessere Start als D1 anehaut denn wird das uhuere fäge

Es git nüüt geilers als en neue Raid s'erst Mal mache oder Trials of Osiris günne. Einigi Bosskämpf sind grosses Kino und L00t isch eifach g0il.
Ich han brutal viel über s'1 herzoge, aber es isch vermuetlich eis vo de Games wo ich am meiste gspielt han. Es sehr guets Zeiche isch, dass de Luke Smith de Director isch. Er isch under anderem für de Vault of Glass und für de Taken King DLC verantwortlich gsi wo vermuetli die zwei beschte Sache vom Game gsi sind.

Supersonic hat geschrieben:Destiny 1 hett einigi Fehler gsi wo sie im Lauf vom Spiel aber immer meh uusgmerzt hend. Wenn D2 en bessere Start als D1 anehaut denn wird das uhuere fäge

Es git nüüt geilers als en neue Raid s'erst Mal mache oder Trials of Osiris günne. Einigi Bosskämpf sind grosses Kino und L00t isch eifach g0il.
Ich han brutal viel über s'1 herzoge, aber es isch vermuetlich eis vo de Games wo ich am meiste gspielt han. Es sehr guets Zeiche isch, dass de Luke Smith de Director isch. Er isch under anderem für de Vault of Glass und für de Taken King DLC verantwortlich gsi wo vermuetli die zwei beschte Sache vom Game gsi sind.

Destiny isch es verdammt guets Game gsi, eifach mit viuuuuu z weni Content am Afang. Und die DLC ohni neui Planetä si ou e Witz gsi. Und Destiny 2 macht die Fähler ou grad wieder. Wenn das mau d Planete nid mindestens 4x grösser si, denn Arsch läcke

Jetzt de bald so wit. Wer heds Vorbstellt?
Das Verspräche mit 10 Jahr Content nacheschiebe hed super funktioniert... wenn isch s 1 use cho? Vor zwei Jahr oder so? Hends das gmeint mit 10 Jahr Inhalt liefere? All zwei Jahr eifach es neus mache?
Wird sicher en super Story ha

aso ich bin gspannt obs besser wird, vor allem kampagne halt. die interessiert mich am meischte....

has mal bstellt. nöchscht mittwuch gahts los...


cool isch das da, live-action-trailer vom KONG SKULL ISLAND regisseur:


Quelle

wenig spiel hend mich je weniger intressiert als das.

i wirde das natürlech nid choufe. mir isch dr teil 1 schnäu verleidet.

gester mal bis lvl 5 gspielt und sie haend also storytechnisch scho rechti fortschritt gmacht, alles vill besser ufbaut , d explosione sind de wahnsinn, sehr geili partikeleffekt.

git also vo mir doch namal en chance de score isch absoluti weltklass. en ohrgasmus sozsege.

Story schins nach 8 Stung scho düre? :typej: :typej: :typej: :typej:

ja guet mit dem hani grechnet....isch ja am schluss glich eifach es grindfest.