Fire Emblem Warriors (Switch)
Verfasst: 20 Okt 2017 14:00
Bi eigentlich nöd so de fründ vom hack'n'slay genre, has aber trotzdem mal kauft will halt us de fire emblem serie und ichs sicher dure han bevor denn s mario chunt. susch han ich nume s basara uf dr ps2 (samurai und schöns japan, so games fehled halt und drum kauft) und s zelda hyrule warriors uf dr wiiu (will halt zelda).
d gschicht isch nöd würklich packend, was aber au z erwarte gsi isch i dem genre und im hiiblick uf die letschte titel wo ufem 3ds use cho sind (vorher han ich all super gfunde). si hend eifach all charaktere us allne spiel zeme gwürflet und e gschicht drus gmacht.
anyway, s gaht ja au nöd primär um d gschicht bi so games. sehr glunge finde ich s system mit em ufelevle, was eigentlich am fire emblem standard entspricht und erwiitered um attack/defense/armor level entscheidigsbaum a la muramasa (öppis vom beste und schönste wo uf dr wii use cho isch), wod individuel chasch d eigeschafte vo de charaktere verbessere. es sind immer mehreri charaktere glichzitig uf de map, meh cha hin und her switche und de andere befehl erteile. s git haupt und nebedmissione z erledige. s ganze tunkt mich e chli überlade, ich verlühr wahnsinnig schnell de überblick über weli gegner meh jez umbringe mues, was die andere charaktere mached, usw. mängisch isch halt meh nöd besser.
spielts öpper vo eu au und was isch so eui meinig dezue?
d gschicht isch nöd würklich packend, was aber au z erwarte gsi isch i dem genre und im hiiblick uf die letschte titel wo ufem 3ds use cho sind (vorher han ich all super gfunde). si hend eifach all charaktere us allne spiel zeme gwürflet und e gschicht drus gmacht.
anyway, s gaht ja au nöd primär um d gschicht bi so games. sehr glunge finde ich s system mit em ufelevle, was eigentlich am fire emblem standard entspricht und erwiitered um attack/defense/armor level entscheidigsbaum a la muramasa (öppis vom beste und schönste wo uf dr wii use cho isch), wod individuel chasch d eigeschafte vo de charaktere verbessere. es sind immer mehreri charaktere glichzitig uf de map, meh cha hin und her switche und de andere befehl erteile. s git haupt und nebedmissione z erledige. s ganze tunkt mich e chli überlade, ich verlühr wahnsinnig schnell de überblick über weli gegner meh jez umbringe mues, was die andere charaktere mached, usw. mängisch isch halt meh nöd besser.
spielts öpper vo eu au und was isch so eui meinig dezue?