The(G)Forum

Ich versuech e Schoggi Gschäft in Kanada z erreiche... Mail, Facebook sowie alli Social Media Kanäl scho ussprobiert.
Ich bikum eifach kei Antwort uff mini Frogene.
Telefon nähme sie au nid ab...
Und das, obwohls lettscht Johr no Vielversprechend ussgseh hett...mir hend mitenander gschriebe und dr chef dörte schriebt no, dass e Lieferig nach Europa kei sach wär... nur nach dem Mail isch kei reaktion me uff mini Bstellig kho. Au das Johr...kei reaktion.

jetzt frog i mol do inne, ob öppert vo Euch d möglichkeite hett, öppert uss dr Familie oder Fründeskreis z USA oder z Kanada könne zkontaktiere, damit ich via dere Familie e Bstellig könnt uffgäh. Dr Betrag liegt bi 176 Kanadischi Dollar. Mol zum Teschte e chliineri Bstellig.
Ich wür denn eifach bi dere Schoggifirma Bstelle, zahle und die Adresse vo dere Familie aagäh. Denn söll bitt die Familie mir das Päckli uff Düttschland schicke.
Isch wohl klar, dass ich näbscht em Porto au öppis für de uffwand würdi dra gäh.

Also falls öppert vo Euch die Möglichkeit hett via en sogenannte Zwüsche Dealer für mi öppis z Organisiere...ich wär sehr erfreut.

Schoggifrima wäri übrigens:
http://hummingbirdchocolate.com/" onclick="window.open(this.href);return false;

Hett scho mehreri Priise abgstaubt und ich wür gern die Schoggi bi uns im Lade verkaufe...

Hescher denn scho überleit wie das nachhär wiiterghat sell.... 1 x sonen Dienscht isch eventuell organisierbar.
Aber denn immer und immer wieder...

Miterä sonen Firma wo so blöd isch und nid zruggschriibt würd ich eigentlich lieber nütt ztue ha. Gueti Schoggi hin oder här.

Ich stuunä eifach immer wieder, wie firmänä nid uf E-mails oder Aafragä reagiered.... Unglaublich - entweder hendses nid nötig oder es sind eifach Idiotä

agestuffer

Ich weiss, isch alles chli müehsam und pipapo... Und eigentlich loh ich so Lütt links liege, wo wäge 500.- nid wänn de Arsch lüpfe...
Momentan find i gwüssi CH Firmene für sehr müehsam. Könne sie nid grad en Tusiger verlange...bewege sie sich kei stück! Wenns no so witter goht, denn seh ich schwarz für die nöggschte Johre!

aber shett en Grund wieso ich ussgrächnet die Schoggi möcht ha im Gschäft.

gseh das wie de agestuffer. hesch nachher sicher immer problem mit dene.
ha leider ka gueti kontäkt für dich. gits in kanada kan service wo post verpackt und wiiterleitet? kenn so öpis us japan, chasch online shoppe, det ane schicke lah. die tüends verpacke gege e chlines honorar und verschickets denn. gits sicher, suech doch mal dena.

was hesch denn du für en lade wenn ich frage dörf?

ich gseh das genau glich wie de Pitsch...wie gseit, shett en Grund, wieso ich ussgrächnet DIE Schoggi wott aabiete.
So witterleit Service kenn i gar nid ...

edit: zu dinere Frog
Ha e Kaffiröschterei z Basel und zur Wiehnachtszitt hend mir immer spezialitäte zum Kaffi im Sortiment. Das Johr wär s Dritte Johr wo ich näbscht Kaffi au e grössers Schoggisortiment tue aabiete. Sind aber alles Schoggene, wo e Usszeichnig biko hend..

Und zum dinere Linie treu bliibe würsch gern genau diä Schoggi ha vo däne Möngle wo sicvh nöd mäldet, richtig?

jein...
shett anderi gründ...

mr.raw hat geschrieben:jein...
shett anderi gründ...

Check PM
agestuffer

mr.raw hat geschrieben:Sind aber alles Schoggene, wo e Usszeichnig biko hend..

Hesch au vom Felchlin - die gwünned doch ständig irgendwelchi Priisä (Känni äbä, wills ja grad im Nachberdorf sind)
agestuffer

Marco_in_motion hat geschrieben:Und zum dinere Linie treu bliibe würsch gern genau diä Schoggi ha vo däne Möngle wo sicvh nöd mäldet, richtig?

das wüssed sini chunde ja wohl nöd. tönt halt guet wenns im lade chasch apriise mit uszeichnige.

und wenn mol öpper anders die versuecht azschriebe? Villicht händs ja dis schwizertüütsch nit verstande

@pitsch z Basel verkauft scho fascht jede Bäcker Felchlin Schoggi.
Danke Schof!

agestuffer hat geschrieben:Ich stuunä eifach immer wieder, wie firmänä nid uf E-mails oder Aafragä reagiered.... Unglaublich - entweder hendses nid nötig oder es sind eifach Idiotä

Ziemlich sicher ersteres. Wenn der Heimmarkt riesig isch, hei sie wohl schlicht kei Lust irgendöppis nach Europa ds schicke, i son e chliine Staat mit Name Schwede.

mr.raw hat geschrieben:@pitsch z Basel verkauft scho fascht jede Bäcker Felchlin Schoggi.
Danke Schof!

Hani scho dänkt - isch bi üs nid Andersch..- haha
Aber hey, 60 Gramm Schoggi für 10 Stutz - findi krass..... (also de Kanada Schoggolatier muess ächt super sii)
Ich han au gärn schoggi, Cailler und Lindt langet mir aber - klar, han au schomal exuisitieri War gha, aber äbä, denn
fahts mir langsam afä wehmachä im Portemonee.
Ich wie 250 Gramm Kobe-Irgendwas Fleisch für 100 Stutz - ganz sicher mega fein, aber macht nid satter als es Schnitzel.
Natürlich ghönt mer sich das nid jede Tag, ischmer au klar - aber 08/15 Lüütlis wie ich hend halt nur es begränzt Budget

agestuffer