The(G)Forum

En Mitschüeler vom Vorkurs hät wälle für dKlass es Wiehnachtsässe ii dä Riithalle organisiere.
Super, nur ischr chil spaht mitm Reserviere, es isch uusbuecht für dä Friitig. Jez schriibtr mier es sms,
ob ich hälfe chönnt... argh!!! als ob ich mich mit Züri Reschtis uuskänne wür, ich känn nur sMeyers und
döt gits Toast.

Kännt öpper e cooli Alternative, so für 12 Lüüt nöd allzu wiit vom Bahnhof (einigi chömmed vo Bern, Luzern, blah bli blu).

Merci

definier cool...

wie wärs mit http://zuri.net/adr/18321/restaurant_krokodil.htm http://www.restaurant-krokodil.ch/

bescht bis jetz: http://www.restaurantpflug.com/

http://www.eglihof.ch/Lage/Lage.html

Dörf au uncool si, eifach ahgnähm iigrichtet und zum plauderle und verwiile verfüehrend.

gseht alls fründlich uus, schicki däm Globi mal wiiter.

Merci

NewPoint!

Gseh grad, dass dSansibar als Resti uuf dä Charte vermerkt isch, taugt die was, als Restaurant?
Ha ebbe ghört, dass me döt in Uusgang gäch.

Er hät jez im Krokodil reserviert, hät jez eher dä Pflug gnoh oder paar anderi uus dä züri.net Uuswahl.
chonnt scho guet, werdet wahrschiinli grad sganze Lokal bsetze.

Sansibar isch mal es guets reschti gsi vor 10 jahr.

Pflueg & Krokodil sind beid super. Muesch i Letschterem irgendwas mit de Spanische Bratkartoffeln näh. Da gahsch ache.

gönd zum ivan uf regesdorf, bescht

ja und wie isch jetz gsi? e rückmäldig zviel verlangt nach all de unterstützig? läck was isch mit dere wält los?

lol@cool

pfff

zwirrlibatz hat geschrieben:ja und wie isch jetz gsi? e rückmäldig zviel verlangt nach all de unterstützig? läck was isch mit dere wält los?

Ich bin en müede, alte Ma, ich mag da nümm so mit dä gsellschaftliche Konventione mithalte.

Dä Typ hät dänn no churzfrischtig uuf Empfehlig vonere Kollegin umbuechet, leider...
Mier sind dänn mit dä ganze Bandi in Isehof. Natürli es Spektakel, wämme gärn vill Fleisch isst und zuegäh,
dIdee, dass dier sFleisch uufme verdammt heisse Stei imne ekige Holztäller serviert wird unds
no wiiterbruzlet währenddäms me isst, isch scho zimli geil.
dLüftig hät aber nüüt taugt und mier händ nacher zimli sträng gschmöckt.

Aber all das isch eigentli nöd swesentlichscht gsi, wichtig isch gsi, dass ca. 16 gueti Lüüt ah eim
grosse Tisch gsässe sind und all voll dä Plausch gha händ. Mitme Bier oder Wiiglas ii dä hand immer
wieder mal uuse eis go räuchle, da und döt mal mit paar andere Pläuderle usw. Isch gsellig gsi.

Spöter simmer dänn no imne Grüppli vo 6 oder 7 Lüüt no chli duur Züri zogge sind, es bitz planlos leider.
Schlussändlich simmer i irgend sonere Bar ah dä Langstrass glandet und händ eus no chli besäuslet und
dä allerhübschischte uus euse Klass hani dänn im Ruusch ah mine Gedanke teilnäh lah, über dä Nachteil
als Ma gebore worde zsi. Ich glaub, sie häts nöd so interessiert. (Me dörf kei Mitleid errege, sondern siegessicher
uufträtte).
Isch trotzdem en super Abig gsi.
Cool wärs aber halt sicher au gsi, id Riithalle zgha und dänn nachm ässe grad iis el lokal übere.

Vyse hat geschrieben:und
dä allerhübschischte uus euse Klass hani dänn im Ruusch ah mine Gedanke teilnäh lah, über dä Nachteil
als Ma gebore worde zsi. Ich glaub, sie häts nöd so interessiert.

Vyse hat geschrieben:umbuechet

ah dänn jä so.

trotzdäm en spannende pricht.

Vyse hat geschrieben:und
dä allerhübschischte uus euse Klass hani dänn im Ruusch ah mine Gedanke teilnäh lah, über dä Nachteil
als Ma gebore worde zsi. Ich glaub, sie häts nöd so interessiert.

Vyse hat geschrieben:...
dä allerhübschischte ..., sie häts nöd so interessiert...

Mann oder Frau

Sehr spitzfindig. "Dä allerhübschischte Frau uus euse Klass".

Villicht schriib ich es Buech über das Thema.
Au dadrüber, dass Fraue hützutags ii dä "Moderni" me Macht über dMänner
verfüeget als umgekehrt und dass zu Macht vill Verantwortig ghört usw.
"Vom Nachteil als Mann geboren zu sein."
Finde sicher irgend en Verlag und wännis fertig han, wirdi dä Gedanke evtl. überwunde ha.

Solang's nid fertig bringsch, das wode nid chasch ändere z'akzeptiere und z'Beschte drus z'mache und öppis mit däm versuechsch aazfah, wo der gä isch worde, wirsch du mitm Schicksal hadere.

Shit, weni dir eso zuelose, es würd mi so aaschisse weni di müesst si.
Und säubscht we das aues überdramatisiert isch - truurig isches trotzdem.

We dis Buech so Passiv-Würschtli-Weinerlich würd wärde wie dis Geschreibsel hie, de guet Nacht am 6i

Mit däre Iistellig, hätti sich nüüt uuf dä Wält veränderet bzw. wänns kei Mänsche gäh
hätti, wo sLäbe - so wies es erläbt händ - nöd akzeptiert händ.
Nöd chönne akzeptiere, bedüüted en Widerstand in sich zträge,
wo zunere Umwälzig vo Wert oder aktuelle Misständ uufrüeft oder verpflichtet

Es söll en Uufruef ahd Mänschheit werde, nümme um sHeiligscht und sWesentlichscht
uuf dä Erde müesse zkämpfe.
Ich will nöd und ich streube mich gäge sKämpfe um sFundamentalschte im Läbe,
um das, wo a priori sött gäh si und nöd erkämpft sött werde, wie z.B. Zuewändig,
Beachtig und Reschpäkt, Zueghörigkeit, Liebi und all andere, wohltuende Fiinheite im
Zwüschemänschliche.

Kämpfe für e Fähigkeit oder fürs nackte Überläbe, das ja!
z.B. en bessere Sportler zwerde, en bessere Musiker oder Maler,
en Bessere Mathematiker, Choch oder Jäger... was au immer.
Kämpfe um Uuszeichnige oder um i irgende äre Disziplin chönne überrage, für dSälschtgnuegtueig
oder dFreud ah dä eigene Fähigkeite oder zum uus Duell chönne als Sieger hervorzgah.
Für sUusarbeite und Forme vo dä eigene Fähigkeit isch sKämpfe da, nöd aber fürs Erreiche vo
z.B. Nöchi oder Liebi (das zerstört ihri Bedüütig, ihri "Reinheit" und ihre Sinn, im
ewige Läbenskampf e Pause zsi, anstatt e wiiteri Kampfahkündigung).

egal.

du vyse, isch dis lieblingswort "ich"?

zweimol Konfuzius:

Die Güte zu lieben, ist nicht genug,
man muss sie auch mit Begeisterung praktizieren.

Der Weise sucht, was in ihm selber ist,
der Tor, was außerhalb.

Und zwei mol Laotse:

Nur wer selber ruhig bleibt,
kann zur Ruhestätte all dessen werden,
was Ruhe sucht.

Wer nicht genügend vertraut,
wird kein Vertrauen finden.

Es gäbt natürlich no zahlrichi anderi... sie sind super gsie.

Acid hat geschrieben:sie sind super

aber wrum immer in die ferne schweife:

Aber was siehst du den Splitter im Auge deines Bruders,
doch den Balken in deinem Auge nimmst du nicht wahr?
Oder wie wirst du zu deinem Bruder sagen:
"Lass mich den Splitter aus deinem Auge hinauswerfen"
und siehst nicht den Balken in deinem Auge?
Heuchler, zieh zuerst den Balken aus deinem Auge,
und dann wirst du klar genug sehen,
um den Splitter aus dem Auge deines Bruders herauszuziehen.

Es machtmi jedesmou hässig am Vyse sis gjammer z läse, ächt krass

Numeno Outofahre isch schlimmer

Und i weiss nid obs angers wär wenner ou nur asatzwiis rächt hät.

Jep,verständlich.
Mage z.B. au nöd em Fortschritt vo dä Doktorarbete i eusem Institut zuezlose (machs unfreiwillig),
es macht mi wahrschiinli ebbeso hässig.

Ich schriib mal dänn öppis dezue, wänni wieder nüechtern bin, suscht fangi nur wieder ah zeukle und das wär blöd.

Vyse hat geschrieben:Mage z.B. au nöd em Fortschritt vo dä Doktorarbete i eusem Institut zuezlose (machs unfreiwillig),
es macht mi wahrschiinli ebbeso hässig.

I wellem /was fürenem Institut bisch denn du tätig?