The(G)Forum

Bem Harry weiss i, dass es au lose derziit sehr gsuecht isch. Demolition Man mösst scho boxed si. Min Chäufer vom Harry wörs au lose neh. Also falls mehreri devo umeliege hesch, es wör ufjedefall sehr guet weg go derziit, wieso au immer.

Mittlerwili ha i no mis Gameboy, GBC, GBA und Game Gear-Sortiment ufgstockt. Jetzt no einiges a PS2 online tue und denn wieder gugge, wa so a neuem Stuff inechunt. Sind jetzt über 3200 Artikel online.

Nachdems e Wili lang nüm grössere Nachschub ge het vo minere Siite, bi i derziit dra vo MasterSystem - Nintendo Switch mis Sortiment am optimiere. Bisher primär erledigt han i SNES losi Games, Famicom losi Games, e paar Mastersystem-Spiel in OVP und Genesis-Games. Die nöchste Täg wird no NES lose folge und denn gugg i mal, wa i als nöchsts mache will. Wird ufjedefall paar tuusig Games meh im Shop online ge i de nöchste Mönet sowie au immer wieder neus uf ricardo.

findsch no guet? Ricarden?

chunsch du ad börse? denn lueg ich mal d website dure, ob ich was will.

Marco_in_motion hat geschrieben:findsch no guet? Ricarden?

I ha selte Problem gha demit, wenn's e Problem ge het, ha ich da greglet.

Mr. Heli hat geschrieben:chunsch du ad börse? denn lueg ich mal d website dure, ob ich was will.

da mue i luege, je nachdem ob sichs für mi lohnt. s Problem isch, dass i als PAL Händler halt eher weniger a dene Börse verdien. Letscht Mal isch für mi e nullnummere gsi.

stimmt nöd ich ha dir es Game gschänkt

Marco_in_motion hat geschrieben:stimmt nöd ich ha dir es Game gschänkt

Da scho, isch au direkt i de Sammlig glandet. Vo de Lüüt her ischs scho easy gsi, aber ebe für mi als PAL Händler ischs halt trotzdem eher schlecht zum a dene zverchaufe

Mittlerwili ha mer zwei Lagerrüüm gsuecht, demit de Verchauf besser organisiert werde cha. Da isch mal de Ruum wo scho gnutzt werde cha, de ander mue no entsprechend apasst werde.

DeftOne hat geschrieben:

gseht legacy kain mässig us. was ischs?

Da isch splatterhouse press kit

ach soo. danke.

De Täfer obe im egge isch kaputt.

Verchaufsch de zelda n64?

Konsole sind leider nöd für de verchauf sinnvoll für mi, da i für di meiste selber Sammlerpriise ha mösse zahle (abgseh vo dene, wo i vom Erwin her ha). Drum wär de Priis zhoch als das es Sinn mache wör die in Verchauf zneh.

Verstahs jetzt nid grad.. Machsch jetzt en Ladä uuf oder mal en Tag wommer bi Dir chan i denä Lager go iichaufä oder isch das nur "dis Lager" wo Du jetzt en Showroom für Dich sälber hesch… Sorry, cheggs nid ganz

Denk sobald da mitm Corona-Virus nüm so problematisch isch, wär da au e Option weg somene Tag. Sust ischs halt eifach für Chäufer wo gern mal chli so Stuff gseh wönt und e be mir direkt vobi chömet. Im Verlauf vo dem Jahr werdet halt diversi Sache be mir anders ghandhabt, wil i erst jetzt de nötig Platz ha zum min Verchauf au richtig ufzstelle.

Wegme gwüsse Ziel, wo i da jahr au no wör wölle erreiche isch es ohnehin so, dass i wohl mal no d Hilf vo öperem, wo im Gamesbereich schafft bruche. Da hängt aber no mit de fertigstellig vo Lagerruum Nr. 2 ab.

Super, bini gspannt was no alles chund vo Dir, hoffä machsch denn es paar Foti und mal en Tag der offnen Tür oder so
agestuffer

Denk am Schluss gsehts denn scho guet us. Chli dumm isch, dass i au Reklame-Tafle no im Lager ha, die aber vermuetli nöd so platziere cha, wie ichs mer gwünscht het.

I will halt jetzt eifach mal alles in schön ha, nachdem mini eige Wohnig 5 Jahr unter de Masse het mösse zruckstecke.

Die entscheidig vo mir isch au cho, wil i mi Afang Jahr für de Weltrekord agmolde ha, drum bruch i jetzt au no wer usm Videospielbereich (wo au aktiv isch), wo mini Sammlig ebefalls durezählt. Da isch aber erst möglich, sobald Lagerruum Nr. 2 fix isch und igruumt isch, ufgrund vo de Regle für de Weltrekord, ischs be minere Sammlig ohnehin relativ schwierig mitm zähle.

DeftOne hat geschrieben:wil i mi Afang Jahr für de Weltrekord agmolde ha

Für was de.. Meischteä Games uf de Wält?
agestuffer

Joa. Drum mue i wer ha wo es denn ebefalls zählt.

DeftOne hat geschrieben:Joa. Drum mue i wer ha wo es denn ebefalls zählt.

Han gmeint de Ami wos amigs bilder da inä ghit heig am meischtä Games.... De het ja fascht en Fuesballplatz-Hall voller Games
agestuffer

Da isch scho so. Aber denk ufgrund vo de tatsach, dass i immer jedi Region und sprach gsammlet ha, ischs scho machbar. Mer söt halt immer bedenke. Scho allei mit ps1 sind ca. 7000-8000 games wo für de rekord zählt werdet durchus machbar. Game boy wird wohl e ähnlichi zahl erreichbar si. I ha ja a sich au 37000 games mittlerwili. Dw rekord isch be 20500, jedoch mue i be mir di dopplete no abziehe.

DeftOne hat geschrieben:I ha ja a sich au 37000 games mittlerwili. Dw rekord isch be 20500, jedoch mue i be mir di dopplete no abziehe.

Krass....
Ja demfall viil Glück
Seisch wenn sowiit isch und die vom Guiness Book verbiichömed
agestuffer

Mis Hauptproblem isch halt immer no wer zfinde wo zähle wör. Aber i halt min thread da aktiv.