The(G)Forum

Quelle

hmm ok... die gsehnd bitz "komisch" us, aber ja.. vermuetlich gwöhnigssach...

wie_lösch_ich_min_post(mastl

Holy crap, gseht afe sehr geil us!

https://www.thegnet.org/post/4-neue-gam ... s-avengers" onclick="window.open(this.href);return false;

so geschter mal de singleplayer agfange. isch sehr hübsch inszeniert, aber bitz chaotisch. kamera isch mängisch au gar sehr nöch am charakter und mit dem camera-shake-effekt und de schnelle action wirds eim fascht übel... muess mal im menü luege, ob mer da no was umstelle chan. wirkt aber bis jetzt wie en ziemlich eifacher button-masher - halt so wie die alte arcade-avengers games, eifach mit geiler 3d optik jetzt. ob das langet wird sich zeige. bin bis jetzt nonig würkli überzügt.

Isch d Optik au würkli guet? Hends das chönne fixe, das nid alles so verdammt verschwumme isch?

Sig schins rächt grindy. Wie gsehts mit em ingame Shop us?
Game as a Service...

ha no gar nix vo ingame shop oder "grindy" gseh bis jetzt... vermuetlich isch das im multiplayer, sprich koop de fall.
im singleplayer bis jetzt alles normal... ich bin aber erst ca. 1 std. underwägs...

optik isch super, also uf minere xbox one x in 4k ufem oled gsehts sackstarch us. schön scharf und es rucklet au nix. tiptop.

wie ps4 version isch, speziell uf de alte, weissi ned

Machsch uf Gnet n Rückblick?

jup. de armin machts review. isch aber ned vor endi wuche online. isch ziemlich umfangriichs game und mir wänd es guets stück dri spiele, ned nur so churz...

ich schrieb aber da im forum wiiterhin mini idrück bis denn....

wird glaubs chli en müll

aaaalso, die 1. mission fühlt sich wie es Tomb Raider ah ziemlich linear mit viel action-sequenze und cut-scenes. es isch quasi es 2 stund langs tutorial, womer au nur allei chan spiele.

sobald mer de heli-carrier gfunde hett, tuets game uuf. denn chamer am war-table wiiteri campaign-missione uswähle und die entweder allei mit KI-Partner oder im Online-KoOp spiele. ich han mich entschiede, erst mal allei wiiter zmache mit em Hulk als KI kolleg. die missione sind meischt SEHR grossi arena-flächene mit flora und fauna und camps und secrets, womer frei erkunde chan. mer muess de z.b. en platz erobere, indem mer sich für en gwüssi ziit ime bereich ufhaltet und gägner kaputt haut... oder en igang zunere basis finde.... oder en "tresor" öffne mit schalter rätsel... oder en spezielle feind finde und zerstöre.... etc. etc.... wie gseid, die level sind so bitz semi-open-world. chlini, frei erkundbari flächene uf em ganze globus. Partner KI isch ok, macht au mal gägner selber platt und "hilft", staht ned nur im wäge ume. vo dem her voll ok allei zspiele.

es hett überall chischtli... überall! ... es bronze chischtli da, es silbrigs dette, es goldigs dett äne WOAH GOLD CHISHTLI!!.. je nach farb händs unterschiedlich gueti ressource und upgrades drin.
mer isch SEHR viel am chischtli uftue life-service-game. chunt mer vor wie breakpoint. ich hasse das chischtli zeugs...

mit de ressource chasch dini usrüschtig uflevle (hallo "power-level" à la Destiny) oder die gfundene upgrades ufrüschte, sprich helmli, häntschli, brustpanzer, etc... optisch händ die upgrades aber leider kei uswirkige. s'outfit bliibt immer sgliiche, egal was aleisch. kompletti outfits chamer zwar wächsle (und freischalte mit "points" womer au mit echtgeld chaufe chan), aber die outfits händ kei bsunderheite oder fähigkeite, sprich es gaht nur umd optik. es gitt en TONNE kostüm zum chaufe, logisch. und emotes. und namens-schidli... roffel!..... points chamer aber au im spiel finde, bloss viel zwenig für alles, au logisch. usser grindisch wie blöd und wiederholsch zum 5325x die gliich mission. typisch.

story-kampagne macht aber scho spass findi. inszenierig isch top und grafik au. es gitt es paar "füller-missions" wo ned müesstet si, sowas wie "side-quests", aber die hauptmissione sind echt super gmacht.

was mer aber am meischte gfallt ischs kämpfe. zerst hani gmeint es isch en button-masher. mer chunt au rächt guet dure mit button-mashe, abers kampfsystem isch rächt deep und wemmers mal bitz usreizt machts huere laune. mer chan so schön kontere - bitz wie im tsushima - und es gitt U-HUERE viel kombos und spezial-moves. jede charakter hett en extrem fette skill-tree, würkli dutzendi skillz zum freischalte. das motiviert scho rächt.

nach 3 stund hani übrigens 14% vode single player kampagne erreicht gha. dürft also scho es momentli dure. und äbe schön isch, dass mers au allei tiptop spiele chan. hamer ja bitz sorge gmacht, will de multiplayer-koop-teil so als herzstuck aprise worde isch...

bis jetzt es guets 7/10


PS: ich has game sitt am mäntig. sitt her hetts 2 patches gäh, 1x 11gb und geschter nomal 7gb.

PS2: gitt ab und zue grafik-fehler und einisch bini dur dmap gheit... :typej: aber ja, es chunt ja offiziell erst am friitig use und sie chönt ja hütt und morn nomal en patch uselah, easy

PS3: de "camera-shake" effekt isch übelscht. find ich jedefalls. chamer im menü aber au abschalte. er isch uf stufe 10/10 vorigstellt. da wirsch seechrank. bi jedem schlag schauklets bild hin und her.

PS4: helligkeits-menü fehlt ide optione. wenn also bim erste start vom spiel dhelligkeit ned richtig igstellt hesch oder findsch, dass es aschlüssend ändere willsch - gaht ned! ich han jetzt für immer es liecht zdunkels bild, super

PS5: "New Game" gitts ned, ha nomal vo vore welle afange, zum em kolleg de afang zeige... gaht au ned. no nie erläbt sowas

DAS GAME, scheiss thorhammer und schild vom captain amerika tönt wienen trash can wenn d roboter chlöpsch und gnau s glich grüsch absolut nervig. waens das nöd patchet

sehr abwechsligsrichi gegner, ja roboter und avenger scho klar, aber das isch scho recht billig.

obligati pc kritik dörf nöd fehle vo mir: de oberkörperfrei cap america mitem iron man (han gmeint sie küsset sich bald im intime rückflug ufd erde). wtf. d kamala (?) khan au mega

i dem zuestand won ichs gseh han : 3/10, härt aber fair wie immer

ah ja d ki vo de kollege , stönd eifach ume und du muesch dem clonk clonk grüsch zuelose. game stirbt schneller als anthem.

thaeye hat geschrieben: game stirbt schneller als anthem.

Was isch das Anthem, vo dem du da redsch? Isch da es Game? Eventuell eis wo als Game as a Service dänkt gsi isch?

jetzt chömed langsam problem! huere viel bugs gha geschter: lippe wo sich plötzlich nüm beweget, dure de bode bini mal gheit, abstürz nach erfolgriicher mission -> kei rewards , texture wo ned ladet, ganzi levelarchitektur wo ned ladet und fehlt unds game ned wiiter gaht, will en NPC ned ume isch, wo sött da si.... persone wo ide luft umestönd, flickerndi haar, sound fx wo nüm abgspielt werdet oder abklämmt werde vo andere sound-fx... und de die elend langi ladeziite...

ich glaub je nach system hetts anderi bugs.. der armin spielt uf de PS4 und klagt über anders als ich... und s'aug spielt ja offesichtlich ufem pc und hett problem, wo ich uf de xbox ned han....

katastrofe...

und ah ja: es gitt missione wo ned chasch mache, will din power-level ztüüf isch. de dörfsch "grindä" bis en bessere level hesch, sprich alti missione x-mal spiele zum bitz xp farme :typej: gnau so scheiss hassi....

korrigiere mini wärtig jetzt uf 5/10 abe. 30% kampagne-fortschritt hani.

ich hans nur ufem stream gseh bis abschluss einzelkampagne und isch also bezüglich bugs ganz übel gsi, das CLONK CLONK grüüüsch unglaublich.

wieso d ressource nöd ines brutals wolverine spiel mit bluet stecke anstell so en halbi gayparade mache?

Es Wolverin Slasher Gaem vo Plantinum Games im Styl vo MGS Revengeance womer alles chan zerschnätzle... nid verchehrt wärs.

iron man: what's that cape?
kamala: that's a burka. moslem women wear it blablabla........

kamala: i feel so worthless
onkel: be proud of what you are blablabla.....


hett scho viel so shizzle drin...

Wirds nie spielä... Will min Marvel Traum nid zerstörä....
agestuffer

scheisse de mit de burka hani nöd mitüberchoh

und sie haet es underhösli im gsicht, d kamala

ja, dette wo sie sich zum 1. mal es eigets kostüm bastlet im heli-carrier... mit em underhösli als lingerie-maske dette hätti fascht usgschalte.

Guets Game, mit rächt viune Bugs für 18GB day one patches

patch nr. 3 - nomal 14GB ....

euse test, mit fazit vom armin und mir:
https://www.thegnet.org/post/the-g-net- ... s-avengers" onclick="window.open(this.href);return false;