The(G)Forum

Ich und d Früdnin wei im April e Wuche is warme, sharm el sheikh heimr üs überleit gha, sig dört denn öbe so +25 Grad, also perfekt für 2 wiisi Schwizer nachem Winter. Oder kenned dr süsch no öbis guets/besseres ire ähnleche Priisklass?

Iz isch d Frog, wo bueche? EasyJet, Hotelplan? Sin geschtr chli go gügsle, aber bi denne 12'93059'090 Agebot wos gid chame ja unmöglech d Übersicht bhalte.

Wichtig isch:

-Guets und subers Hotel
-möglechscht günschtig
-eifach und unkompliziert

Also am beschte sones Pauschal-Arrangement mit All-Inklusive oder so...

Merci schomol fürd Tipps!

Denner

Oder Vögele Reisen. Aber: Uf gar kei Fau mit Sonderwünsch cho. Wird entweder huere tüür oder sie säge eifach es geit nid.

Avenger hat geschrieben:Oder Vögele Reisen. Aber: Uf gar kei Fau mit Sonderwünsch cho. Wird entweder huere tüür oder sie säge eifach es geit nid.

Was versteisch unger Sonderwünsch?

mousch hat geschrieben:

Avenger hat geschrieben:Oder Vögele Reisen. Aber: Uf gar kei Fau mit Sonderwünsch cho. Wird entweder huere tüür oder sie säge eifach es geit nid.

Was versteisch unger Sonderwünsch?

E spätere Flug, Hinreise- / Rückreisedatum andersch aus im Katalog ufglistet, spezielli Zimmerbelegig, oder eifach öppis wo sie nid explizit als buechbari Option drin hei.

ebookers.ch

www.hrs.de - Hotelreservationsservice

Hanni scho immer so gmacht und bi nie enttüscht worde.
Bilder, Fottene und Videos vo jedem Hotel. Mit Karte vo der Location.
Es het schiebregler wo kasch der Priis iigrenze, d Distanz zum Zentrum betimme, etc. Top Site.

Vögele/Tui, Helvetic Tours/Kuoni oder Denner sind am billigste. Ich bin vor 15 Jahr mal dete im Sofitel gxi und es hät mer Spass gmacht. Das Hotel isch ide Naama Bay relativ wiit "usse". De Vorteil isch, dass denn grad scho fasch im Meer usse bisch und dete sind d Koralleriff am schönschte. Tür sind Sunnecreme und Taucherbrülle zum Chaufe. Muesch scho vo dihei mitnäh. Uf de Mosesberg würdi gah, isch zwar chalt und astrengend, aber es lohnt sich. Die Tagesschnorcheltrips sind für d Füchs, wenn ebbe scho grad fasch usserhalb vo de Naama Bay wohnsch. Sus isch no so en Kameltrip mit Nachtesse im Freie ide Wüeschti no iisi.

LOL han grad gxeh, dass ide letschte 15Jahr no viel baue worde isch. Shiat, dete isch ja grad nomal es Dorf annegstellt worde, wo nur Wüeschti gxi isch. Uf jede Fall isch aber s Sofitel chli abgränzt.

http://maps.google.ch/maps?hl=de&client ... 4&t=h&z=16

emP hat geschrieben:ebookers.ch

Booking.com

Super! Ha bis jetz jedes hotel (i gang eso 5x im jahr id ferie met mim schatz) dört dröber buechet ond emmer alles super gsi!

aldi!
würklich, han nur guets ghört bis etz

TypeJ hat geschrieben:aldi!

LOL

Globus Reise - super!

für eui 2 wuche lloret del mar standards verhebt jetz na jede.

d fründin und i hei grad geschter buechet uf http://www.reisegeier.ch/. gö im septämber uf menorca. 7 täg für 850.-. fingi nid übel.

han grad en flug nach morocco buecht. 10-17.2.

ja sorry sii...wenn budget reise, denn ebookers, ab-in-den-urlaub.ch oder hotelcheck oder travel24....
vor 3 Johr zum 1. mol via inet buechet...NUMME no... (ussert i wott spezialreisene)
aber so pauschal züggs....kunnt um einiges günschtiger wenn im net tuesch bueche.

chliine gheimtipp...wenn mol eifach verreise wottsch...abers euch egal isch wo ahne (hauptsach meer)...denn last second am Flughafe! 5 Stärn Hotel zum priis vo 1...ohni problem.

mr.raw hat geschrieben: chliine gheimtipp...wenn mol eifach verreise wottsch...abers euch egal isch wo ahne (hauptsach meer)...denn last second am Flughafe! 5 Stärn Hotel zum priis vo 1...ohni problem.

das isch de Kuoni aka Helvetic tours aka last second aka edelwiis charter. isch immer alles s gliche, denn chasch grad direkt bueche und mues nöd via ebookers etc.

Mer chan immer billig reise, aber nöd schnell! zb uf australie mit olympic via athen und bangkok. gaht 3 täg choschtet aber en drittel weniger als mit emirates oder singapore airlines.

Het öpper scho e billigi Reisemöglechkeit für nach Japan usegfunge?

Sephi hat geschrieben:Het öpper scho e billigi Reisemöglechkeit für nach Japan usegfunge?

finnair isch mal billig gxi, turkish isch au nöd soo tür.

Am tiefste (d.h. 900.00) si meistens KLM und Alitalia gsi. Nachteil: KLM het so unglaublich engi Sitze dass jede über 1.80 m ziemlich kaputt ds Tokyo achunnt. Vor Jahre han ig glese dass Uzbekistan Airways ziemlich günstig isch, chan ig aber nid bestätige.

zwirrlibatz hat geschrieben:für eui 2 wuche lloret del mar standards verhebt jetz na jede.

Das isch mit Kollege gsi, da chame sows mache, mit Fraue gsets ander us. Vor paar Wuche simmr im Lindener Wellness Hotel gsi ds Leukerbad...absolut awesome, und Alpeterme erscht mit direktem Blick ufe Berg...

www.hotels.ch die händ immer sehr gueti priise. chasch sunnscht uf www.tripadvisor.com jo go luege wie d hotels wirklich so sind.

all-inclusive würdi nid so empfähle. hani imene 5* resort gmacht in mexiko (playa del carmen) und das isch nüd. hesch zwar 24h immer z ässe, aber die mache z.b. d pommes am morge und fülle erscht noche wenn's leer isch...

statt Sharmelscheik gschiider uf Eilat mit Usflüg uf Jordanie übere. Oder wenn Sharmelscheik dänn nur als basis und soviel wie müglich dür dä Sinai cruise.

was umme fahre, er brucht vorallem es gym. uf de moses berg ufesekle!