The(G)Forum

....no meh remaster zeugs... wobi teil 2 ja scho sehr geil gsi isch...

Info und Screenshots:
https://www.thegnet.org/post/2k-k%C3%BC ... trilogy-an" onclick="window.open(this.href);return false;

aber ja... am 19. mai wirds offiziell mit "gameplay" vorgstellt... söll nu i dem jahr für aktuelli konsole cho.

mafia II: remake wird übrigens au am 19.5. bereits veröffentlicht, was teil vo dere trilogy wär.
für all die, wo nur a teil 2 interessiert sind - so wie ich


Quelle

Teil 1 war der Wahnsinn, auch wenn das Autorennen mühsam war.

Ich freue mich enorm uf äs Remake vom Teil 1. D

Teil 2 isch au cool gsi.

Die einti Mission vom 2 wo s’1 referenziert isch ja wohl der Hammer gsi.

Wür es Remake vo The Godfather vorzieh. Damals uf de PSP ohni Endi gspielt. Vor allem de Mob Wars Aspekt, womer d City hed chönne übenräh, hed mi super dünkt.

ha kei einzigs mafia spiel gspielt. isch nume umeschüsse und chli autorenne oder hets richtig inhalt und spannendi story?

Mau inä luege i die Games, ha die gloub gar nie gspiut

Mr. Heli hat geschrieben:ha kei einzigs mafia spiel gspielt. isch nume umeschüsse und chli autorenne oder hets richtig inhalt und spannendi story?

teil 1 und 2 sind super gsi, vor allem äbe au wäg de story!
es isch halt wie es GTA...

teil 3 chasch de hase gäh. huere repetitivi scheisse. mer spielt ned mal eine vode mafia...

Ein Traum wird wahr, freu mich extrem das Mafia 1 ein Remake bekommt, hoffe sie versauen es nicht weil sie zu viel neues einbauen wollen.

also das remaster vom teil 2 isch u-huere billig... ich has geschter 2 std. gspielt und wenn die das ned schlünigscht patched, chasch es de hase gäh.
sogar de uralt PC bug wo ide cutscenes the sound vode stimme nur im lingge luutsprächer ghörsch isch wieder mit vode partie...
und selbscht uf ere xbox one x rucklets und hett grusigs objekt-pop-up.
sälte sone schlächte remaster gseh. huere schad.....

Quelle

gseht sehr guet uus!

Mafia 3 isch also o sehr geil gsi... und geile 60ies soundtrack

ha also doch mal (wieder) is Mafia III ineglueget, jetzt als definitive edition... ha irgendwie bock becho nach em teil 1 remake. damals uf de ps4 bim release hani müesse höre, zu viel bugs und scheiss womi huere ufgregt hett.
jetzt findis nöd mal meh sooo schlächt ehrlich gseid. kämpf sind vor allem guet, schnell, präzis, flüssig, guete animations, fätzt ine. das händs würkli guet gmacht. unds autofahre isch au super. igängig, sogar slide macht spass.
de soundtrack isch natürli top. es macht huere viel us.

es isch aber selbscht 3 jahr nach release immer nonig bug-frei. hett mi bitz erstuunt, dass 2k da so lasch nachebesseret. und ja, missione sind nach eme wiili scho arg repetitiv. aber so in chline häppli, wenns eim langwiilig isch, machts durchuus spass findi.

teil 1 remake isch aber besser.

nachdem ich all drü jetzt usgiebig gspielt han, gsehts so us:

1. Mafia
2. Mafia III
2. Mafia II -> wenns da no bitz meh pätched würde endlich, hätti sogar bock das vielleicht au nomal durezspiele.

Unterscheided sich ds 1 gross vom original? isch ja es remake.
ds 2 isch denn quasi 1:1 eifach remastered?

ha beidi no nie zocket

Het scho gwüssi Änderige ge bem 1, aber denk wemmers Original nöd kennt, het mer trotzdem sin Spass demit, wemmer halt s Original kennt, stört mer sich vilicht a so gwüssi Sache.

Teil 1 und 2 sind aber ohnehin immer no sehr empfehlenswert, es isch zwar e sehr lineari Open World-Serie, aber wenn eim da Setting zueseit, söt mers mal gspielt ha, da es scho sehr gueti Spiel sind.

sremake vom 1 fühlt sich sehr "modern" ah. sie händ cut-scenes teils apasst/verlängeret, demit gwüssi charaktere meh "screen-time" und charakter-entwicklig händ (z.b. em tommy sini chick). es gitt es neus deckigssystem, en chlätter- und vault-funktion und en "ramm"-button bim autofahre. das machts gameplay bitz dynamischer. au bide verfolgigsjagdge gitts jetzt so symbol womer dri fahre chan, wo en cutscene uslöse, wo de verfolger spektakulär abghänkt wird. dmusig händ au gänderet, das findi allerdings schad, will de original-score bitz meh bumms und tätä gha hett. aber insgesamt es super remake! grad wenns ned kännsch, absolut gut!

teil 2: eigentlich nur uflösig und paar texture sind hübscher, suscht 1:1

teil 3: immerno rächt buggy das ganze leider und ned würkli en "definitive edition". sie händ ja nur de DLC dri packt, suscht gseh ich kei unterschied.

Irgendwie cha i mi be Teil 3 eifach a nix meh erinnere.

Teil 1 und 2 hent eifach di stärkere Moment gha.

DeftOne hat geschrieben:Irgendwie cha i mi be Teil 3 eifach a nix meh erinnere.

Ich scho!
- Schlächti Stürig
- Schlächti Kämpf
- Viel Bugs und Grafikussetzer
- Und repetitiv wie sälte öppis

Nie fertig gspielt und das chunnt eher sälte vor. Repetitiver als jedes huere Ubi-Shit Game...

s Problem mit de Bugs ha i lustigerwiis eigentli nöd gha und i has zum Release gamet. Aber joa, da repetitive isch scho en ziemliche Negativpunkt für mi dazumal gsi.

Wamer no positiv in Erinnerig bliebe isch, isch d Szene wo Paint it Black im Hintergrund gloffe isch.
Het mi wieder a Twisted Metal Black erinnert, wo da Lied au als Haupttrack gnutzt het.

Positiv sicher d Musig und es paar Charaktere.
Eigentli wärs genau mis. Liebes, wenn so Spieli chli en Ufbaukomponente hend. Feindlichi Rackets abfackle oder übernäh. Stadtviertel übernäh, en Gang ufbaue und usrüste etc. pp. De shit lieb i. Aber bi Mafia 3 isch das so schlächt gmacht... weiss au nid...

Würed gschider Scarface remake make - Rush Rush get the Yayo

Gad öpper en Empfehli für es Gangstergame mit dere Ufbaukomponente?

Hmm GTA San Andreas?

DeftOne hat geschrieben:Hmm GTA San Andreas?

2010 ufwärts

Hani mer scho denkt. Aber denk Mafia 3 und GTA San Andreas sind da scho di bekannteste und beste Vertreter.

also kämpf im 3 find ich doch richtig guet, ned!?
ich find, es flutscht guet, spielt sich schnell und gnau und die brutale finisher sind au super. gägner sind bitz doof, aber das sinds ide meischte games.
de sound isch natürli mega.
ich spiels jetzt grad wieder, will ich mal no die DLCs han welle spiele, känni nämli ned. bis die chasch spiele, muesch aber ide story rächt wiit sii...

de afang, bis zum 1. meeting, isch sensationell eigentlich. wenns ganze spiel so wär, wärs super.
aschlüssend fangt das repetitive "capo-kille-und-gebiet-übernäh" ah. wemmers i chline häppli macht gahts.

es hett aber scho paar uhuere guete missione drin gha. mag mi guet erinnere a de stillgleiti amusement-park, s'casino ufem boot, die mit em boxkampf... oder die im hotel... settigs hättis meh brucht.

Hand d Stüri als extrem "Clunky" in Erinnerig, was sich sehr schlächt uf d Kämpf usgwirkt hend. well de Dude so schwärfällig sich, han is irgendwie vorwigend als "Deckigs-Shooter" gspielt. Überhaupt nid aktiv und intreessant. Immer s gliche Vorgehe.
Gueg, chan au a mir gläge ha. Aber id e Regel probieri i bi so Spiel scho immer unterschiedliche Heragehenswise us. Am liebste mal gunsblazing Rambo und denn en anderi Mission oder Abschnitt mit perfekt Stealth...
Das gid Mafia 3 irgendwie nid äne... zerst in Deckig. Jede Mongo i de umgäbig anelock und finishere. De nöggst wo alocksch reagiert nid mal würkli uf d Liche vor sine Füess und de au gad abe finishere. Wenns keine meh gid zum alocke i die nöggst Deckig und nomal s gliche Spiel. Oder fasch afa baller und machsch alli us de gliche Deckig fertig. Wenn s nid nöcher chömed, wächslisch halt no maximal 1 - 2 mal d Deckig... so lame...

Hoffentli wird Empire of Sin guet! Biz was anders, well so rundebasiert wie XCOM. Aber schint die Gangster-Atmosphäre schön izfange.