The(G)Forum

Quelle

das game isch damals voll ah mir vorbi. gseht no interessant us. has grad uf ebay kauft.
han eh nie so clock tower züg gspillt, wird sicher min spass ha. mal was anders.

PS2 het wahrschinli qualitativ gseh, scho di beste Horrorgames gha, s Problem isch, mer isch z hüfig eher inere Opfer-Rolle.

Het halt irgendwie immer öpis sehr repetitivs wa mer so be Project Zero, Siren, Haunting Ground oder halt Clock Tower so erlebt.

was die titel agaht scho rächt, aber allgemein findi häts gnueg abwächslig und opfer rolle isch bi horror oft no was guetes find ich.
wenn dich eifach dur alles durreschüsse chasch, häsch denn no wükli angscht?

wirsch din fun ha mit dem game. d hangebliebeni gaertner isch e art nemesis. het gueti stelle im game wos recht abgaht ufm bildschirm, flash modus. wuer zerscht guet luege, dasd stuerig und s spielprinzip checksch.

Mastler(P) hat geschrieben:wenn dich eifach dur alles durreschüsse chasch, häsch denn no wükli angscht?

Öhm, i wör säge d Stärki vomene Horrogame söts si, dass d Atmosphäre so guet isch, dass halt da für de Effekt sorge söt, dass mer sich wehre cha, söt eim nöd de Horror-Faktor zerstöre. Da isch ja z.B. de Fehler vo Dino Crisis 2 und 3 gsi. Parasite Eve hingege het trotz em eher träge Gameplay (JRPG halt) dütlich e stärkeri Stimmig here bracht.

oh, das stimmt. gueti bispiel. dino crisis isch wükli gar nöd gruslig gsi, eve aber eich schono.
ich find aber trotzdem wenn mer sich zu guet wehre cha, also nie gross ih bedrängnis chunt nimmts es bitz was weg.
datmosphäre macht aber scho meh us.

Guet Dino Crisis 2 isch aber immer no e spassigs Game (wamer vo Teil 3 nüm behaupte cha). Da mit Teil 3 trifft aber au leider be Parasite Eve zue.
Da isch natürli scho au en Punkt, wemmer imene Resident Evil mit Raketewörfer oder sust overpowerti Waffe het ischs scho was anders, aber da isch ja be dene meist eher no so n chliine Zuesatz.

Es isch natürli guet, dass es unterschiedlichi Arte git i dem Bereich, für mi hent halt da die Opferrolle-Spiel eifach chli zu viel Fokus becho sit de PS2-Ära.

töhnt fasch wie wenns clock tower oder night trap nöd scho vorher geh hätti.
cha aber guet si das es ab dä ps2 era uf einmal chli meh geh hät.

und lug, wenn sich sache guet verchaufed chömed so einigi genres uf einmal vill fokus über. lueg doch tony hawk ah.

Da isch mer scho klar, aber e Alone in the Dark, weles au be üs so usecho isch, isch au scho action orientiert gsi und vor Clock Tower usecho.
Mer ischs halt vor allem denn durch die wo i bisher so ufzählt ha und i de PS2-Ära usecho sind eher ufgfalle.

Wa so de Erfolg agaht, wör i eigentli fast scho behaupte, dass abgseh vo Outlast keis devo en extreme Erfolg gha het bzw. nöd so wie es halt Action orientierti gha hent.

manhunt 1 + 2 sowie silent hill 1, 2 und 3...natuerli au s resi 1 sind vom angstfaktor die beschte games gsi...immer haert am limit gsi, churz vorem ablebe

I find Evil Within tut mer chli z sehr abschätze, nur wil halt s Gameplay nöd so hammermässig gsi isch, wie mer het erwarte chönne. Find aber es het e ordentlichi Mischig us Silent Hill und Resi 4 here bracht.

DeftOne hat geschrieben:I find Evil Within tut mer chli z sehr abschätze, nur wil halt s Gameplay nöd so hammermässig gsi isch, wie mer het erwarte chönne. Find aber es het e ordentlichi Mischig us Silent Hill und Resi 4 here bracht.

schono.

und was dä boom uf dä ps2 agaht sind das ja eich alles japse spiel. villicht händ die sich deht so guet verchauft, oder es hät ähnlichi trendentwicklige deht geh wo dazue gführt händ das meh so games cho sind?

manhunt 1 hani au so gliebt. wie bi tenchu han ich damals mega gern umegschliche um dgegner kreativ z'exekutiere.

Mer söt ja au beachte, dass es ja usserhalb vo Europa no dütlich meh Horror-Games ge het für PS1 wo da ja au nie erschiene sind, wiederum durch d Sprachbarriere au meh oder weniger schwierig sind zum game.
Isch a sich ja au scho überraschend, dass sich Project Zero dazumal überhaupt het chönne duresetze. Japanischi Games sind ja au sehr lang i fast jedem Bereich sehr dominant gsi, im Horror-Bereich wohl au no mit am extremste (i weiss, es git no paar FMV Games wie Phantasmagoria etc., aber FMV isch für mi au so e Sach für sich).

Letschtendlich bin i aber a sich froh, wenn's überhaupt no qualitativi Horrorgames git, dass i halt mit dem eine Unterbereich devo mässig was afange cha, isch e anderi Sach.