The(G)Forum

Sali zämä

Han sonen externi Festplattä kauft. Det chani so "sicherigstools" laufä la, was aber keine Ahing was bringt??

Wenni denn uf die Externi Harddisc klickä gfindi emal die Dateiä voni uf deh internä HD han nid druf

Wie bringi en ganzi interni HD uf en externi HD??

Ich will ALL mini Datä und Programm sichärä und denn uf min neui PC tue (nid alli, aber es paar denn scho)

Wie ghats?? Bruchi no es paar Gratis Programm

Gruss Pitsch

Wotsch e 1:1-Spiegelig? Denn clonezilla (selber probiert und für guet befunde) oder Redo Backup (no nid testet). Wenn nume einzelni Programm und die zuegehörige Dateie und Settings wotsch verschiebe, do kenn ig mi nid us.

Chunnt druf a häsch Windows 7 oder XP? Bi Win 7 hets hets es Imaging Tool debi

Windows XP

Es isch ja so, ich wott eigentlich nur Word Dokumänt, Fotinä, Exel Züügs, PDF und so Züügs kopierä - die sind aber i xxx Ordner und so verstreut und das alles zämäsuchä isch voll mühsam

Denn kopieri Lieber zviil. Han ja nur ca. 100 GB voll und en 500 GB Externi HD - also Platz hani gnueg....

Also was jetzt

agestuffer

Sproblem isch, das das Image Tool wo uf em Toshiba Externi HD druf isch äbä zwar glaub mini HD scho irgendwie druf hed, ic chan aber nid i die Files inä go lguegä! D.h ich chan nid eifach min Foti Ordner uufmachä und es einzels Föteli aaluegä

ich möcht ja wie gseit, dOrdnerstruktur und das Züügs genau so uf de externe HD ha, damit ich dettä wennis denn bruchä ufem neuä PC die einzeln wieder chan usäkopierä oder schuscht lahnis halt äbä uf de externe HD druf als sicherheit..

Und wasi äbä au scho probiert han - z.b. mini "eigenen Dokumente" komplett duräzie, das ghat ca. 10 Stund oder so wili halt scho rächt hufä Föteli han und denn bliibt de Sauhund amigs hangä....

Also, söllti mal am Avenger sis Programm Startä dänki!!!

Gruss agestuffer

jetzt agnoh du häsch all dini sache ufem c:\data und dini extern platte hät dä buechstabe e:
wänn genau glich wotsch ha, erstellsch en ordner "data" genauso wie det, wo dis züg häsch.
dänn klicksch "start" dänn "Run..." dänn gisch "cmd" ih. dänn chunt sones schwarzes DOS feischter füre. det gisch dänn folgendes iih:

robocopy c:\data e:\data /mir

das isch es iibauts tool wo dänn alles überespieglet. duured s'erscht mal natürlich lang.
wänn das aber dänn in zuekunft machsch, kopierts nur die sache übere, wo nonig däne sind.
achtung: wänn mit däm befehl öppis uf dä externe platte löschisch, löschts der das au uf däre im pc.

feeshlee hat geschrieben:jetzt agnoh du häsch all dini sache ufem c:\data und dini extern platte hät dä buechstabe e:
wänn genau glich wotsch ha, erstellsch en ordner "data" genauso wie det, wo dis züg häsch.
dänn klicksch "start" dänn "Run..." dänn gisch "cmd" ih. dänn chunt sones schwarzes DOS feischter füre. det gisch dänn folgendes iih:

robocopy c:\data e:\data /mir

das isch es iibauts tool wo dänn alles überespieglet. duured s'erscht mal natürlich lang.
wänn das aber dänn in zuekunft machsch, kopierts nur die sache übere, wo nonig däne sind.
achtung: wänn mit däm befehl öppis uf dä externe platte löschisch, löschts der das au uf däre im pc.

Was heisst c:\data?

Wennich unter Arbetsplatz klick hani ja Lokale Festplatte c und Lokale Festplatte f

Wenni nachhär uf en Festplatte klickä, denn chömed ja xx "Unter"Ordner wo drin sind - einigi mit Programm woni nid wot, anderä mit Datä woni uf jede Fall will!!!

Ich han en c und en f Festplattä und würd gärn beidi ufs e = externe Fetschplattä kopierä!!

Wenni also alles wot ufs e tue muess ich

robocopy c:\data e:\data /mir
robocopy f:\data e:\data /mir

machä??

Avenger hat geschrieben:Wotsch e 1:1-Spiegelig? Denn clonezilla (selber probiert und für guet befunde) oder Redo Backup (no nid testet). Wenn nume einzelni Programm und die zuegehörige Dateie und Settings wotsch verschiebe, do kenn ig mi nid us.

Also, han jetzt de Redo Backup laufä la.... Isch genaus gliich Problem wie bim Toshiba au.. Die tönd das imänä eignigä Datäformat speicherä, falls ich denn mal sött en Systemcrash ha, chani mit dem das sicher wieder härstellä, ich wott ja aber eigentlich nid das

Ich wott das ich uf minerä Harddisc eifach die wichtigschtä Datä/Ordner etc. han!!! Ich han hüt am Morgä mal aagfangä es paar zverschiebä, NUR, und das isch de Seich - irgendwie bliibt de Hund immer wieder hangä!!!Da chömed nach 5 Minutä plötzlich irgendwelchi Fählermädlgi willer das und das nid chan gfindä/kopierä - weiss de Geier warum umd so isches muesham.

Chan ja nid jedes verdammtä Bild/Ordner/File einzeln duräzieh... Mach doch nid de Otto hie

agestuffer

PS: Fishlii, tuemer mal dini Lösig genauer erklärä, tönt für mich jetzt no am ehnschtä nach dem wo ich will

Was heisst c:\data?

das isch dr ordner wo wosch kopiere. gisch eifach dä a wo du wosch, isch nur es bispil. und denn hinde dra de ordner wos wosch häre kopiere.

ritschi hat geschrieben:das isch dr ordner wo wosch kopiere. gisch eifach dä a wo du wosch, isch nur es bispil. und denn hinde dra de ordner wos wosch häre kopiere.

Das ischmer klar..

Log hier nomal

feeshlee hat geschrieben:jetzt agnoh du häsch all dini sache ufem c:\data und dini extern platte hät dä buechstabe e:
wänn genau glich wotsch ha, erstellsch en ordner "data" genauso wie det, wo dis züg häsch.
dänn klicksch "start" dänn "Run..." dänn gisch "cmd" ih. dänn chunt sones schwarzes DOS feischter füre. det gisch dänn folgendes iih:

robocopy c:\data e:\data /mir

Bi mir isches ja genau so...
C und F sind mini Internä HD, die wotti beidi ufs E (exerne HD) kopierä und zwar äbä 1:1 damit ich die Datä han, damit ich nachhäer chan mit alti PC wägschmeissä (guet, dHD tueni no chli uufbewahrä, bevor ichs denn irgendwenn mit em Hammer bearbeitä...)

Was aber äbä nid cheggä isch, wie ich uf mim Externä Laufwärk söll es C und es F machä wies de Fischli meint..

Ich chan natürlich scho en Order machä und dem C und F sägä, aber öb das langet weissi nid.. Sägets mir

agestuffer

Pitsch mach jetzt folgendes, denn chunnts guet use:



Klick uf Start, ausführen, NTBACKUP und denn OK



Das isch de Welcome Screen. Click next to continue



Du wetsch Dateie sichere. Drum klick die ober Option und denn NEXT



Jetzt isch d Frag, weli Datei wotsch sichere, das muesch du entscheide. Wenn die unterschti Option awählsch, kasch nacher selber einzeln ussueche weli Dateie das wotsch sichere.



Jetzt isch d Frag, wohi wetsch sichere. Bi mir zeigts automatisch die externi Feschtplatte a, isch wahrschinlich bi dir au so. Unterhalb chasch em Backup no en Name gäh, bispil Montag 01.02.2011



Click Finish und that's it. Jetzt fangt er a sichere.

Merci für din Tip. Leider ghats nid.. Es chund immer das da schon nachem erstä Punkt

-------------------------
"NTBACKUP" konnte nicht gefunden werden. Stellen Sie sicher, dass sie den Namen korrekt eingegeben haben und wiederholen Sie den Vorgang. Klicken Sie auf "START" und anschliessend auf "SUCHEN", um eine Datei zu finden.
-------------------------

Leider also isch Din Tip woni scho verdammt viil Hoffnig gha han au nid gangä.
Was chasch dadezu sägä??

Gruss Pitsch

Hoi Pitsch

Das isch wahrschinlich deshalb de Fall, wil Du Windows XP Home häsch. Und im Windows XP Home isch NTBACKUP nöd debi, sondern nur im Windows XP Professional.

ABER: Du chasches rasch installiere, s einzige "Problem" isch Du müesstisch d Windows XP CD ha. Häsch die no? Wenn ja, da isch d Aleitig zum installiere:

Manuelles Installieren des Sicherungsprogramms
Gehen Sie folgendermaßen vor, um Backup manuell zu installieren:
Legen Sie die Windows XP Home Edition-CD in das CD-Laufwerk ein.
Doppelklicken Sie auf die Datei Ntbackup.msi im folgenden Verzeichnis, um einen Assistenten zu starten, der Backup installiert:
CD-Laufwerk:\VALUEADD\MSFT\NTBACKUP
Klicken Sie auf Fertig stellen, wenn der Installations-Assistent abgeschlossen ist