The(G)Forum

De 3DS hett scho 10 Jöhrli uff em Buckel
Erschiine in Japan am 26. Februar, 2011 und bi uns am 25 März 2011.
Knapp 76 Millione Grät sinn verkauft worde. Mario Kart 7 isch s erfolgriichschte 3DS Game und isch fascht 19 Mio mol überd Theke gwanderet. Wenn me so wott, eigentlich rächt wenig.

Was sinn so dini Highlights für de wohl bescht Nintendo Handheld?
Ich ha d StreetPass funktion inkl Mii Plaza recht genial gfunde. Me isch sozsage mit dr Ussewält verbunde gsi und me hetts fascht nid könne erwarte, wenn sgriene Lämpli uffglüchtet hett. Ussertdem hett me de Reggie könne träffe Nei, ich ha s sammle vo de Puzzle Teili und die Mini Games gliebt und ha Dutzendi vo Stunde demit verbrocht kha.
Öppis wo au fürd Switch würdi perfekt funktioniere. Aber isch Nintendo...wieso au.?!

Softwaremässig ha ich um die 42 Titel. Mini absolute Favorite wäre:

Zelda a Link between two Worlds
MK7
Mario & Luigi Team Bros
Luigis Mansion2
Mario 3D Land
Metroid Samus Return
Smash
Toad
Kid Icarus
PullBlox
Star Fox 64
DKC
WulleYoshi
NSMB2

Download:
Shovel Knight
Shantae
Streets of Rage 2 3D
Sonic 2 3D

Sag du?
Isch doch en Super Handheld, oder nid?!

Fack isch das geil gsii.. Fett us Austrialiä und so importiert und viil frühner gsii ali die Europäer Dödle.. Vorallem bim XL

agestuffer

aber no geiler isches bim allererste ds gsi. grad importiert und losgleit, magie! va. hets die bessere games gah imo.

so zügs wie das storybasierte tanzgame wo z'erste i dere art isch gsi. het mi grad us de socke ghaue.

https://www.youtube.com/watch?v=3y98WNQ18uA" onclick="window.open(this.href);return false;

Sehr guet. Da chani nur zuestimme

OOOH ich has sooowas vo gliebt, Elite Beat Agents. Au eis vo dene wo ich ha MÜESSE Importiere!!!!
De Sound, d Idee! Ich has sooo gliebt!

ZOoT Remake han i super gfunde, hett i gern au ufere stationäre Konsole gha, Super Mario 3D Land hani viel gamet und mit Pilot Wings Resort hani au viel Ziit verbracht...super Handheld...