The(G)Forum

nachdem ich letscht sunntig bim marco wieder mal ha chöne uf eme original mvs kof spiele hani erst gmerkt, wie viel input lag de alt MAME vo 2012, wo ich ufem PC sitt ewig benutze, eigentlich hett .... ha nüm chöne spiele.

aso ab is netz go recherchiere. ziit für es emu-upgrade. aber was hett de geringsti, wenn ned sogar KEIN input lag??

uf shoryuken bini fündig worde:
https://forums.shoryuken.com/t/solving- ... tors/32224

antwort: final burn neo

de hani natürli sofort de chaib installiert - de hett es neus cpu-boost feature (da lauft sogar Metal Slug 2 ohni slowdowns)

...und wauw, was für en unterschied. inputlag vo lediglich 1 frame mit sound und 0 ohni! DAS isch musig!

nur sind de natürli vieli vo mine alte roms und bios files nüm gange. ha müesse en tonne neui roms suuge für de fbneo. zum glück gitts archive.org

aber jetzt, JETZT isch huere geil!


PS: ha gar ned gwüsst, dass Capcom de final burn alpha kauft hett, ums i ihrem doppel-arcade-stick zverwände. so guet isch de emu also gsi... huere story...




PS2: hamer letschti de stick zoge:


de isch grösser als ich dänkt ha, aber super quali! hätti ned dänkt... grad bim agestuffer en zweite bstellt!


so, ha fertig.

und ja, mir isch langwiilig!

final burn neo isch d weg..als gametipp hausch mal s street fighter III 4rd strike arranged edition ine.

haha wtf, das gitts? grad mal sueche

3rd strike gspielt hani scho. super

au die ganze PGM sache laufed jetzt super

https://www.youtube.com/watch?v=A72cutvPC6g muesch dr mal inezieh...spielt sich sehr guet, neui moves und gueti balance.

d final burn neo roms sind super, es git au sowiit ich weiss immer updates...z.b. laufet ez au all mk games fluessig und mitm suubere ton..oder au die alte sf 2, turbo, hyper etc. laufet ez mitme suubere ton (q-sound emulation)..au s koole isch als phoenix edition wot chasch game..au exote z.b. 3 on 3 dunk madness oder ebe di alte pgm sache (demon front )..

gaht scho einiges faengs mit d emulatione...

demon front eis vo mine top 5 arcade games!!

ich ha eigentlich nur wäg em RG351 wieder agfange mich mit em thema emus usenand setze. ha eigentlich dänkt ich häb alles woni bruch. weit gefehlt. de surfsch ume und de gsehsch dies und das und plötzlich sitzisch abige lang wieder am pc und probiersch und liesisch und luegsch yt-videos.

ha eigentlich nur es korrekts und suuber emulierts neogeo set welle. mittlerwiile hani scho wieder über 800 games zämegsammlet. haha

haha het wuerkli was, sobald mer mal chli ziet mit sueche und nalese verbringt, entdeckt mer scho s eint oder andere womer findet, geil hani noed kennt gha oder muni usprobiere. d handhelds vo anbernic machet au spass, sind relativ guenstig und quali vorallem vo d metalcase sache sind top..buttons etc. und s display chamer nuet meckere. gba etc. gseht wuerkli suuuuuper us.

bin gspannt was chund..so ide zuekunft mal ps2 mobile zgame waer was.

So Geil dä nächst Gruppezock isch im Juli geplant, wärsch nomal däbi? dasmal mit 2 Games und bi öpper anderem dihei.

immer!

Master(G) hat geschrieben: ↑04 Jun 2021 07:55 immer!