The(G)Forum

Hab mal ein paar Karten aufgeschaltet. Es sind erst 30 Karten. In den nächsten Tagen werde ich noch einige aufschalten. Es lohnt sich reinzuschauen.
Kommende Woche kommen noch ein paar Platinen, Konsolen Spiele hinzu.

https://www.ricardo.ch/de/shop/Agentraw/offers/

Entweder spinn ich oder du ?
Zahlt öpper für so karte 900 stutz oder meh ?
Chasch mit dem züüg us milch gold mache ?

Es isch nid normal, was do an Gäld umme isch, do hesch du absolut recht. Es isch sowas vo gstört.

Machsch es bundle ?

Jo, setti Aafroge ha i au scho sehr vieli übercho. Nei, momentan nid. Ich tue mol alli Aagebot laufe loh und lueg denn nachhär witter, da sehr vieli Auktione gspeicheret also unter beobachtig sind.
edit: dPriise sinn übrigens uss cardmarket.com

tipp: so türi charte muesch eifach sleeve, isch verbrecherisch die eifach so umeligge lah. da biete freaks scho nur weg dem nid, de holsch no meh kohle.

best charteshop ir CH vor allem bim zubehör (sehr fairi priise): carab.ch

100er-pack 1.90, oder sleeve und grad no in top-loader macht no bessere idruck. 25 stk. 10.-, also nix

wie chunts, dass du s'tabernakel tüürer vertschuttisch als dä mox?
en near-mint chaos orb hani au no. hett nöd dänkt, dass dä bereits so viel wert isch.

Was hed so e Charte damals koscht?

Es ghat guet ab... De Mr. Raw wird bald Millionär
agestuffer

zeromeier hat geschrieben: ↑05 Jun 2021 09:57 Was hed so e Charte damals koscht?

Dr Savannah Lion Beta zbs. ha ich für 12.- kauft... jetzt ca 750.- ... Beta Counterspell simmer 5 gschänggt worde... jetzt 1 stk um die 500.-
es isch sowas vo gstört!!!!!!!!

feeshlee hat geschrieben: ↑05 Jun 2021 09:50 wie chunts, dass du s'tabernakel tüürer vertschuttisch als dä mox?
en near-mint chaos orb hani au no. hett nöd dänkt, dass dä bereits so viel wert isch.

Wehle Mox meinsch? Also mini Moxene (uss Alpha,Beta,UL) wirdi nid verkaufe.
Ich ha no ein Alpha Mox Pearl... near mint. De koschtet ca. CHF. 35k

onion hat geschrieben: ↑05 Jun 2021 09:20 tipp: so türi charte muesch eifach sleeve, isch verbrecherisch die eifach so umeligge lah. da biete freaks scho nur weg dem nid, de holsch no meh kohle.

best charteshop ir CH vor allem bim zubehör (sehr fairi priise): carab.ch

100er-pack 1.90, oder sleeve und grad no in top-loader macht no bessere idruck. 25 stk. 10.-, also nix

Ich spiel sitt 1996 Magic... wieso sinn äggscht all die Karte in sonere Qualität...
Aber jo, danke für de Tipp

findi super, au weni ke ahnig ha werum se usgrechnet für fotti usegnoh hesch.

uf jede fall isch immer e freud mit chline chärtli kohle mache, isch krass.
hätt gschider au afe magic spile.

Wenn me online d Karte verkauft sett me se wägem a fotografiere uss em Sleeve näh. Debii ha ich weichi Handschuhe aa :typej: eigentlich voll gstört... au zum reinige uff eme mikrofasertuech... und das ganze theater drum und dra.

dänke au, dass es hochuflösends foti ohni sleeve am beschte zeigt, i was fürme zuestand d'charte isch. ich überlahs mine chind, ob sies verkaufe wänd.

mr.raw hat geschrieben: ↑05 Jun 2021 14:32 Debii ha ich weichi Handschuhe aa :typej: eigentlich voll gstört..

für mich isch de tubel de wo en charte für 300-30'000.- ohni Händsche alängt. do muesch scho fast nid ganz dicht si

onion hat geschrieben: ↑05 Jun 2021 14:07 findi super, au weni ke ahnig ha werum se usgrechnet für fotti usegnoh hesch.

uf jede fall isch immer e freud mit chline chärtli kohle mache, isch krass.
hätt gschider au afe magic spile.

haha, dir gahts nur ums GEld.

wiä spielsch mit denne charte, wenn sie nöd chasch usenäh?

geosnow hat geschrieben: ↑05 Jun 2021 16:16 wiä spielsch mit denne charte, wenn sie nöd chasch usenäh?

naja ich rede wenigstens mit weni zumindest chli ahnig ha, i sammle sport trading cards.

Wörterbuch
durch·sich·tig
/dúrchsichtig/

1.
so beschaffen, dass hindurchgesehen werden kann; transparent
"durchsichtiges Papier, Gewebe"

geosnow hat geschrieben: ↑05 Jun 2021 16:16 wiä spielsch mit denne charte, wenn sie nöd chasch usenäh?

also ich spiele kei magic ohni sleeves. egal welli charte.
*deckprotector*

Eigentlich sett me als Magic Spieler doption uff Aktie ha bi Deckprotector Pro.
Au ich... nur in Sleeves. Und jo keini Dünne!

mr.raw hat geschrieben: ↑05 Jun 2021 18:09 Eigentlich sett me als Magic Spieler doption uff Aktie ha bi Deckprotector Pro.
Au ich... nur in Sleeves. Und jo keini Dünne!

Das isch keis Problem? Wird nöd gmischlet? Chunt mer chli vor, als ob wer am meiste Geld hät, gwünne chan.

Total unfairs Prinzip, aber d Realität. Völlig langwillig.

Ha scho lang nüm gspielt, aber weder chli agfange uf em ipad. Chasch die superteure Karte öberhoupt bruche wenn modern spielsch?

so für spili unter kollege chasch so züg bringe.
wänn nöd demit übertriibsch, isches no witzig.
isch natürli blöd wenn eine für 2 mana en timewalk spilt und dä ander mit neue charte für dä gliich effekt 6 mana muess zahle.

geosnow hat geschrieben: ↑06 Jun 2021 08:52
Chunt mer chli vor, als ob wer am meiste Geld hät, gwünne chan.

Total unfairs Prinzip, aber d Realität. Völlig langwillig.

Kunnt druff aa, wehle Typus me tuet spiele. Me kha au guet mit nur commons e fabelhafts Deck baschtle. Und das scho ab Typ 1.5 (Sorry, kenn die neue Bezeichnige grad nid...Vintage, Standart oder was au immer)
Ah, en Highlander isch au immer sehr interessant.

feeshlee hat geschrieben: ↑06 Jun 2021 15:57 so für spili unter kollege chasch so züg bringe.
wänn nöd demit übertriibsch, isches no witzig.
isch natürli blöd wenn eine für 2 mana en timewalk spilt und dä ander mit neue charte für dä gliich effekt 6 mana muess zahle.

Do hesch recht. Bi Typ 1 isch es Tod und Hass. ...

okay. alles klar. denn gits die Gentlemen Abmachige.

Viel Glück bim Verchaufe und mach s best drus. Isch dir ja wahrschienlich nöd so bombig gange mit em Cafi letscht Jahr.