The(G)Forum

Hello everyone!

Isch scho Ewigkeite her siti s'letschte Mal öppis da ine gschriebe han. Hoffe ihr hends all guet. Gseht uuf de ersti Blick immer no uus als öbi nie weg gsi wär

Ich studier aktuell grad Game Design ade ZHdK und ich bi grad a minere Thesis dra. Für die bruuchi jetzt grad no Lüüt wo gamed zum ä Umfrag uusfülle und wenni die da nöd finde würd denn wo suscht?

Parallel dezue bini au amene Indie Game dra, beziehigswiis amene Transmedia Projekt wo en Churze Animationsfilm ines 2D Adventure Game ineleite söll. Zu dem gits denn meh wenns konkreter isch, aber es lauft und ich ha scho es bits Kulturförderig defür chönne becho.

I de Thesis schriebi über Gheimnis i Videospiel und über d'Effekt devo uuf die intrinsischi Motivation. De Frageboge gaht nur ca. 10 Minute zum uusfülle und isch uuf Englisch. Es wär super nett wenner eu churz Ziit neh chönnted defür.

Umfrag:
https://docs.google.com/forms/d/e/1FAIp ... sp=sf_link

Danke viel Mal!

choendsch snaechstmal scho bim gender bitte na meh uswahlmoeglichkeite hinzuefuege..hetmi chli gstoert..

na mini 5 cent...

How do you learn the controls in a new video game? *
I play through the tutorial and check out the manual if there is one.
I start playing the game and try to figure it out as I'm going.

->di meischte solos games games hend keis tutorial meh..mer startet und wird waehrend em game druff ufmerksam gmacht dasmer mit x springt etc.

suscht hets s paar netti frage drunter..aber bin glaubs zalt fuer d scheiss..

kuss

zhdk isch en inzuchtsverein.

krass, ah sali neger!
erinnere mich gern a eusi gemeinsam (G)net Redakteurs Ziite zrugg! en guete mah. passt ja, was da grad machsch.

ich fülle din shizzle natürli gern us. machi grad.

prost!

thaeye hat geschrieben:zhdk isch en inzuchtsverein.

Und DAS vom innerschwizer...
*Duckundweg*

ich und innerschwiizer

genau. am stammtisch hocke, chatze-brate frässe, eichhof suffe und dumms züg schnurre. genau so stelli mir dir vor!

ah nei moment. chasch ja nüm i d'beiz ohni zertifikat!

@topic: sali neger!
natürlech fülli dini umfrag us!

genau so isches!

Hoi zäme! Danke viel Mal für d'Hilf!

Und d'ZHdK isch en Inzuchtsverein. Dem han ich nüüt entgegezsetze.

was isch mit dim filmstudium, bro? häsch wenigstens mal en churzfilm gmacht, oder susch was wo mer ahluege cha?

gruess

Zum teil sind d'Antworte zu iigschränkt:

How long do you keep playing when stuck before you look it up or give up entirely? Mindestaagab 1h? Bi mir ischs 1 Minute.
Was häsch lieber: Minimap oder Landmarks. Weder noch. So wie Shen Mue isch guet. Alles andere isch doof.