Viel Spiel, wenig Game - Schnauze voll von Open World?

[Master(G)]

Eis vorweg: Es isch mini ganz persönlichi Meinig! Ihr wüssed, ich lieb eigentlich Open World Spiel, aber ich stell e gwüssi Sättigung fescht und wünsch mir eifach wieder meh vo dene churze und knackige, lineare Single Player Games zrugg.

Drum hani en - vermuetlich polarisierende - Artikel verfasst zu dem Thema:

https://www.thegnet.org/post/g-story-vi ... open-world

Meinige zum Thema sind willkomme!

[STeFF]

Da bin ich Total dinerä Meinig ich gsehns bi mir, ich han die Ziet und luscht garnümä zum 40Stund oder nomeh ines Game z'investierä. Lineari Singleplayer Games mit erä geilä Story wo zwüschet 8 und 16 Stund gönd hani am liebstä.

[Herr Rossi]

Guete Erfahrigsbeicht...

Zwei Gründ warum ich persönlich immer wieder grossi Fröid ha a open world Titel. Einersits schpil ich eine bis maximal zwei settig Games pro Jahr und bi drum nid gsättiget. De zwöit Grund isch, dass das scho sit immer mis Lieblingsgenre gsii isch.

[Waldschrat]

The Crew von Ubisoft gehört mit 4.920m² zu den grössten Open World Spielen überhaupt

was isch das? 4.92m2? 4920m2?

4920km2?

[Master(G)]

ah ja shit. korrigieres grad! haha

[Master(G)]

Zwei Gründ warum ich persönlich immer wieder grossi Fröid ha a open world Titel. Einersits schpil ich eine bis maximal zwei settig Games pro Jahr und bi drum nid gsättiget. De zwöit Grund isch, dass das scho sit immer mis Lieblingsgenre gsii isch.

mir gahts ja im grund au eso. ich lieb die art vo spiel. ich mein far cry ghört zu mine absolute lieblingsgames, eigentlich. aber grad das isch de uslöser für de bricht gsi. ich finds super, make no mistake, es isch irgendwie relaxing e bitz easy dur die wält zstreife unds collectä, aber mer macht objektiv betrachtet halt scho immers gliiche - au wenn sichs guet spielt.

näbebii spiel i guardians of the galaxy und das unterhaltet eifach ufeme ganz andere niveau...

spiel wie dead space... oder es alts resi... oder au doom oder crysis 1-3. da hesch fascht nie en stumpfi minute. settigs bruchts wieder meh findi.

[Waldschrat]

mach 4920 liechtjahr^2

[Master(G)]

in mathi bini fascht so guet wie in geografie

[Waldschrat]

also sinds 4920km2?

[Master(G)]

jawoll

[Waldschrat]

wieso denn 4.920?


isch das nit für angelsachse wo ihre stelle und au suschtigi mass nit im griff hend?

[mr.raw]

Argh, du hesch sowas vo ins schwarze troffe.
Goht mir genau gliich.
Aber ich vermuet, dass hett bi mir mit viel anderne themene ztue.
-Erschtens bin ich nümmi 16:
Guet, wo ich 16ni gsi bi isch de MD bi uns uff e Markt kho. Uff de PC Wält isch grad Pirates Gold oder Sam and Max veröffentlicht worde. Scho dörte jewiils mit Karte (PG) oder Lösigbuech (S&M) d Games glöst. Aber, es isch niemols so riesig gsi wie hüt. Alles imene gsunde rahme.

Mit 20:
Die erscht erfahrig mit open World ha ich eigentlich mit GTA uff dr PSX gmacht. Natürlich ha ich d Karte immer debii kha, jeodch hett me mit dr Zitt genau gwüsst, wo, was isch und d Karte praktisch nie brucht.
Mit de fortsetzige isch immer alles grösser und komplexer worde. Hett eigentlich scho no freud bereitet die Games szocke, doch dgrössi isch scho damals zviel gsi für mi. D Games praktisch nümmi fertig gmacht. Hett einigi ussnahmene gäh, aber mit sonere befriedigung es game fertig zschaffe wie damals zu 8/16-Bit Zitte gitts fascht nümmi (für mi).
Witteri versüech ha in de lettschte 10 Johr mit GTA 5, Watch Dogs, RDR, Zelda und co gmacht. Ussert RDR uff dr 360 ha ich alli andere Games nach kurzer Zitt wieder verkauft. RDR 1 isch für mi hütt no das Game wo ich mi gärn tue zrugg zieh und eifach d Landschaft gniesse und so side Quests zmache. Dört stimmt für mi eifach alles. d Grössi, dÜbersichtlichkeit und d Stüürig. Do kha me au nach eme halbe Johr eifach wieder iitauche und mues nid zerscht go ummesueche um wieder de roti Fade zfinde.
RDR 2 ha ich scho nach em Huus wo brennt (glaubs ganz am aafang) uffd sitte do und has nümmi aaglänggt. Das ganze gequattsche, das ganze hi und her, die ganzi grössi....Isch mr zblöd gsi und hett mr die ganz freud gno. Hütt loh ich vo aafang aa zFinger drvo wenn i lies, dass me dört muess go crafte, dört muess duurelaufe, dört muess öppis sueche oder mache...dört wird me gstört. Kunnt drzue, wenn me emoll 2 Wuche s Game nid tuet aalänge kunnt me gar nümmi druss wie wo was. Denn lieber öppis Linears wo me weiss, dass me vo A nach B muess und fertig isch. Dorum lieb ich au die neue Pixel Games über alles.

[Master(G)]

freut mich echt, dass es die meischte au so gsehnd.

[Waldschrat]

open world super. i hasse roller coasters.

[LuiStyle]

Ich hasse Games wo vielz lang gönd!!! Kei ziit und Nerve!
Drum chaufi sehr sehr selte Openworldgames! Am liebste hani Games wo maximal 20h gönd!
Wo isch s‘problem zum so Spiel z‘entwickle?!? Sie chönd den es Jahr spöter mitem Nachfolger fortfahre, da würdi meh Geld liege lah und het meh abwechslig idä Gamewelt.

[Parisienne]

ab und züe spieli eis und dä hani bitzji freid, nachär ufzmal nimmä und dä heeri üüf

[rebornkid]

Ganz ehrlich, mir gahts scho sehr lang aso. Das Open-World-Konzept isch total usglutscht. Darum bini au vermehrt wieder am Retro-Stuff game.

[Master(G)]

Wo isch s‘problem zum so Spiel z‘entwickle?!? Sie chönd den es Jahr spöter mitem Nachfolger fortfahre, da würdi meh Geld liege lah und het meh abwechslig idä Gamewelt.

äbe!

[zeromeier]

open world super. i hasse roller coasters.

ich find beides super.
alti Manne jammered über Spiel wo viel Ziit choschted.

[LuiStyle]

Was mir au uffallt das ich idä letschte Jahre über 60% vo dä Spiel wo ich kauft han Indyspiel sind. Us dem Grund wills halt churz und knackig sind. Aber überhaupt nöd schlechter als Tripple A Produktione im gegeteil so gar besser, find ich! Das git scho sehr z‘denke

[Waldschrat]

open world super. i hasse roller coasters.

ich find beides super.
alti Manne jammered über Spiel wo viel Ziit choschted.

mega. vor allem willmer in da 80er nur träumt hend vo open world...mal abgseh vo elite.
verstohn au dia retro dödels nit.
miar hend endlos geiferet was in dr zuakunft ächt technologisch alles möglich isch.

i lange sicher kei gruusige pixeldreck me aa in 2021.

[zeromeier]

i lange sicher kei gruusige pixeldreck me aa in 2021.

so hardcore wie du bini denn au wieder nöd. Alles wo Spass macht isch super, mängisch au alte Pixel-Dräck.
d'Mischig machts.

zudem open world ≠ open world, es Rockstar Game fühlt sich völlig andersch a als es Ubi-Game.

[Waldschrat]

wahr

[mr.raw]

Was mir au uffallt das ich idä letschte Jahre über 60% vo dä Spiel wo ich kauft han Indyspiel sind. Us dem Grund wills halt churz und knackig sind. Aber überhaupt nöd schlechter als Tripple A Produktione im gegeteil so gar besser, find ich! Das git scho sehr z‘denke

scho so!!! Bi mir sinds no viel meh als 60%

[Herr Rossi]

Team Meier