The(G)Forum

Jaja, ich weiss, für alli CRT Fetischiste isch das nix.
Ich han vor e Wuche us Gwunder uf Ricardo für 5 Stutz im Nachberdorf en Sony Wega KLV-20SR3 (4:3 Format) chöne go abhole. Ganz ehrlich, bin sehr überrascht vom Bild, han zum usprobiere mini PC Engine Duo mit RGB-Umbau dra.
Bi mir di Hei hanis Problem mit em Platz. CRT mit ere aständige Grössi nimmt zviel Platz weg. Und mitlerwiile chostet au en chline Sony PVM vziel Geld.
Jetzt würs mi interessiere, öb ihr allefalls au scho gueti Erfahrige mit emene alte LCD-Display gmacht hend zum Retro-Stuff zocke. Wenn ja mit was für Model? Alternative?

So, jetzt ghats denn los... Wenn Glück hesch überläbsch dSteinigung

Ich weiss, ich weiss, was für en Arschloch-Post vo mir!

wänns spiel nöd schnell isch, gahts scho. bi spiel wo sehr schnell muesch reagiere ischs z.t. unspielbar.

ich hetti no en 4:3 lcd monitor mit scartiigang zverschenke. isch aber vo dä erste generation lcd und entsprechend au s'bild.

aber im ernst: es git au günstigi chlini crts. muesch ja nöd gad en pvm nä. au dä billigst schrott crt isch für retrogames qualitativ wälte besser als en lcd. bsunders s'input lag und s'schlirge bi lcds machet retrogames z.t. unspielbar. au isch d'grafik damals fürd d'pixelstruktur vome crt gmacht worde, alles gseht viel schöner und weniger verpixlet us ufeme crt. da isch eifach alles ufenend abgstimmt.

für mich machts null sinn wäg dä grössi vom monitor en lcd z'nä. wänn scho en extra monitor für retrogames wilsch, denn nimm doch eine wo au zu retrospiel passt... und sust hänksch en am lcd aa wo scho häsch.

Ich han au immer mal wieder nach guete 4:3 LCD Monitore gsuecht. S'Problem isch eifach, dass die meistens scho rächt alt sind und d'Entwicklig bi LCD i de letschte 10 Jahr scho sehr gross gsii isch. Helligkeit und Farbe etc. verhebed bi de ältere 4:3 meischtens nüme. Es wär aber würkli cool, wenns Hersteller vo moderne LCD oder sogar OLED 4:3 Monitore gäb, z.B. au als Ersatz i Cabs. Will irgendwänn isch au die letscht Röhre tot und dass no neui Röhre hergstellt werded isch au sehr unwahrschinlich. Uf de racketboy Siite hätts au chürzlich en Bricht dezu gha. Uf de Siite vom Fudoh (glaub retorgaming.hazardcity oder so) finsch au no Infos zu alte 4:3 Plamas, das isch au no e Option.....am eifachste isch aber wohl, en moderne LCD mit eme guete Scaler (für 240p langet eigentlich en Retrotink oder OSSC), wänn au viel PS2 game tuesch, dänn en Retrotink 5x, Framemeiste, GBS-Control oder irgendwänn den OSSC Pro oder de Pixelmorph...

Cool, danke für euri Feedbacks!

Han en Sony PVM 2950 gha. Das Teil isch eifach zgross. En PVM14 isch denki zchli, ideal wär en Sony PVM20... Aber ebe, chasch ja nüme zahle die Grät. Oder hät da öper gueti Connections?

rebornkid hat geschrieben: ↑10 Dez 2021 13:18 Han en Sony PVM 2950 gha. Das Teil isch eifach zgross. En PVM14 isch denki zchli, ideal wär en Sony PVM20... Aber ebe, chasch ja nüme zahle die Grät. Oder hät da öper gueti Connections?

Hano 50 im Chäller.. haha.. Schön wärs
agestuffer

ah ja stimmt: plasma chönti ä gueti alternative si. det häsch weniger bewigigsunschärfi und passenderi pixelstruktur.

und wie gseit: en crt mues nöd tüür si. bruchsch kein pvm. für 240p sowieso nöd. d'farbe sind eigentli bi allne crts guet. finsch amel easy no für 50 stutz.