The(G)Forum

Hey zusammen,
seit kurzem macht mein Mega CD 1 komische Geräusche: Klicken und Quitschen. Des Weiten scheint er Probleme beim Laden zu haben. Games laufen noch, aber teilweise wird nächster Level nicht mehr geladen.
Kennt sich jemand mit diesem Teil aus?

Danke fuer die Hilfe.

Isch au noed bi jedem Game glich…
Discs sind aber alli immene top Zuestand.

Laufwerk, isch eifach alt, evtl. Rieme Spröde, muesch mal ufmache, villicht isches eifach au volle Staub, gits au no gern.

Han de Mega CD gester mal ufgschruubet, und alles optisch prüeft,
Gseh nix wo broche wär, han manuell dMechanik usprobiert. Jetzt tuets für de Moment wieder.

Und jetzt wieder nueme…
Knackt scho recht uebel….

De Rieme häsch ahglueget? und Staub i de Zahredli? Das Züüg cha amigs brutal töne.

Marco_in_motion hat geschrieben: ↑02 Jan 2022 21:48 De Rieme häsch ahglueget? und Staub i de Zahredli? Das Züüg cha amigs brutal töne.

Ja de Rieme het doch nur mit em Öffne und Schlüsse ztue vom Laufwerk. Und das funktioniert iwandfrei. Es startet au alli Discs uf, nur plötzlich chan er den im Game nüme wiiterlade, sprich es freezet de i.

Chönnt au am Laser ligge. Wie isch s Pick-up atriebe? Lasereinheite chunsch bim Ali über

Sorry, was isch de PickUp?
Riemeatrieb hets nur fuer sÖffne und Schlüsse bzw. gaht direkt de wiiter das au sLaufwerk bim Öffne sich tuet absenke. Die andere zwei Motore sind mit Zahraedli verbunde fuer Discatrieb und Laser chan hi- und her bewege.

Ich chönnt mer vorstelle das s'alte fett muesch abeneh vo de laser rails (ahand vo de noises).
- Wattestäbli/Zahstocher, je nachdem wo und wies gfetted händ oder in kombo.
- Isopropanol Alkohol neh zum suuber reinige. -> luege das kei wattereschte oder so iwo hange bliibe isch!
- Nachher neu fette (brucht aber nöd so de huufe, susch häsch nur übergrossi reschte a de endpositione) und per hand a de zahredli trüle so das de laserschlitte 2-3 mal vo afang bis endpositoon gfahre isch.
Ich han vom kolleg so es wiises RC Chare fettübli übercho, Silikonbasiert. Nimme das amigs, bisher alles iO demit.
De Marco in Bewegig cha dir sicher säge wases gnau isch, ich ha kei ahnig es isch nöd würkli viskose, eher eh paschte. Mit dem fetted meh glaub planeteirgendwasatrieb und so (emel kei stossdämpfer) ah de chäre.

rebornkid hat geschrieben:Sorry, was isch de PickUp?
Riemeatrieb hets nur fuer sÖffne und Schlüsse bzw. gaht direkt de wiiter das au sLaufwerk bim Öffne sich tuet absenke. Die andere zwei Motore sind mit Zahraedli verbunde fuer Discatrieb und Laser chan hi- und her bewege.

Ich meine d Lasereinheit. Chönnt vo ne Zahnrädli cho, z.B. wenn s Schmierfett zvil Staub bunde het oder es Zähnli fählt.

Fett wird mit de zitt alt und hert, verlürt sini eigeschafte. Wärmi treit derzeu bi dass es ou schnäller us tröchnet.

Usbaue chli putze und neue dra tue, villecht längt das putze und neu schmiere scho.