Master(G) hat geschrieben: ↑19 Jan 2022 14:19
gnau darum hanis gmacht
Du, en gratis tipp...mach nid zviel so klick news. Ich ha scho es paarne Sittene wo so sache tüend schriebe de Rücke kehrt. Mag sii, dass das am aafang funktioniere tuet, aber mit dr Zitt merkes d Lütt und denn tüend sie eim entfolge.... ich närf mich inzwüsche numme no ab so klick Mäldige.
Und was mi momentan würklich tuet uffrege isch d schriebart vo de Stories oder news. Und das isch in lettschter Zitt fascht überall eso!!
bsp.
Titel: Darum wurde Spiel X von der Liste genommen:
Denn e ellelangi Iileitig, über s Game und über d Entwickler und wie überuss schlimm das ganze isch.
neue abschnitt:
Nomol wird in ere zämmefassig s Game erklärt und wie unfassbar das ganze isch.
neue abschnitt:
e Zämmefassig vo dr zämmefassig vo dr ganze Story wird nomol für dr lettscht Depp wo erscht jetzt tuet iischalte (eso kunnts mr vor, als wäre mr grad in ere Wärbig gsi)
denn kunnt me, wenns guet kunnt mit NUMME 2 Sätz zum Punkt...und de Punkt isch unterem Strich gar nid sooo schlimm wie immer aakündet.
neue abschnitt:
e biedere endsatz zum ganze spektakel
neue abschniit:
die dümmschti frog überhaupt - was meint ihr dazu? Schreibt doch in den Kommentaren, wie ihr das seht. AAAARGHHH!!!!!!
Das isch kei Journalismus meh. Das isch vorgschriebene Chabis und en uu huere blödsinn.
Ähnlich gohts übrigens mit de Teschtbrichts vo einige Teschtsittene. Vorgäbeni Textpassagene wo me i jedem Game (im gliche Genre) könnt verwände resp usstüschle und am endi en zwei oder drei zieler mit de eigete Meinig.
Dorum lieb ich no d Man!ac oder ebbe euch (G)Net. Do wird vo aafang aa uss dr eigete Sicht gschriebe. Bitte tüennd das biibhalte!
(Grad extra nid drufklickt...)