Ds Topic vom Submerged het mi dra erinneret. Git irgend es guets U-Boot Game für PS4 oder 5? I wet gern so öpis wie früecher ds Wolfpack ufem PC, bitzeli Sim aber nur wenig, me mit Action und Missione, so à la Ace Combat aber mit U-Boot
Ha bitz googlet aber nüt schlaus gfunge.
Das gfaut mer äbe aues nid so, ussert ds LCD Game, das hani sogar gha aus Goof.
Ufem 3DS hets doch ono eis gä, so à la Hunt for the red october für NES, aber dasch aues nid wasi sueche. Schint e Marktlücke ds si, oder mues äuä für PC umeluege. Oder sogar d Dosbox ufstarte und haut die aute wieder Game. Sones 688 Attack Sub für PS5 wär doch geil, und doch o wie gschaffe für das ganze VR Zügs. Das Boot -the Game, woisches äch??? Me chönt sones geils Game drus mache mit de verschiedene Statione ufeme Uboot, no ds Zitat mitem Korken iboue und scho hesch es guets Game.
Re: U-boot Games
Verfasst: 28 Jan 2022 14:25
von turntablism
aso chasch natürli au sowas chaufe.
Re: U-boot Games
Verfasst: 28 Jan 2022 14:35
von Doraemon
^^^das isch o nid schlächt ja. Ds Battle Shark vo Taito das würdi o nä. Äbe öpis i däm Stil suechi, am liebste mit no bitz me Sim Ateil und Realismus. Warum gits das nid?
Aber im Ernst: Subnautica(Orginal, nöd Below Zero) isch es! (wobii, es isch halt scho meh uuf Exploration und Defense als Offense. Du häsch praktisch kei Waffe und es isch eher Uuskundschaftig vo dä Umgäbig usw. als uuf Zerstörigsmissione gah).
Für mich eis vo dä beste Games ever und im Verlauf vom Spiel häsch dänn au es riesigs Uboot, nöd nur dSeemotte.
Wichtig: Ha ghört uuf dä PS4 sägs wäge Ruckler unspielbar ab eme bestimmte Punkt, drum PC Version wähle.
Re: U-boot Games
Verfasst: 28 Jan 2022 15:27
von turntablism
sowas wär natürli au no cool.
muesch aber glaub selber ingenieuriere
Re: U-boot Games
Verfasst: 28 Jan 2022 15:38
von Vyse
So es richtigs U-Boot Simulations-Spiel wär eigentlich no rächt cool, gopf.
Submarine Commander gseht no guet us, das luegi mau bitz gneuer a.
Re: U-boot Games
Verfasst: 01 Feb 2022 16:57
von Bejita
Spiel FF7
Re: U-boot Games
Verfasst: 01 Feb 2022 19:14
von Doraemon
^^^hesch ja sicher mis Schmäh-post gseh bezüglech FF7 nee da gani lieber ga u-böötle.
Re: U-boot Games
Verfasst: 02 Feb 2022 10:42
von Mr. Heli
im Nadja the Secret of Blue Water PS2 (NTSC-J) hesch au Uboot, eigenlich de einzig teil vom Spiel wo es Spiel isch (rest isch visual novel). aber spielerisch sehr langwielig, lohnt sich nid.