The(G)Forum

Mich würd mal interessere wer vo Euch in Aktie investiert und was Ihr für Erfahrige händ.

Ich wött mal e kleine Betrag in Aktie investiere und mal e bitz beobachte was passiert.
Wenn nid viel investiersch, kasch nid viel verliere

Ich red nid vo Apple Aktie oder so was, das isch tendentiell nid die bescht Idee wo me ka haa. Die koschte hütt scho enorm viel (340$) und nur 5 Aktie kaufe bringts nie wirklich.
Mir goots vor allem ums "Hobby". Es gitt Lütt die verpokere 300.- im Monet, das Geld kanni au in Aktie stecke und d Chance das es grad am nächschte Oobe weg isch, isch nid allzu gross

auweia, hobby :typej:

Am Beste aber beschränksch dich zerst uf schwiizer Aktie. Isch liechter z'überblicke und muesch dich nöd auno umd Devise kümmere.
En wiitere Vorteil isch, dass de schwiizer Aktiemarkt im internationale Vergliich einiges ufzhole hät. Natürlich nur, wänns nöd scho bald wieder bachab gaht. Was im übrige SEHR guet chan sii.

Und wänns uf längeri Sicht wotsch bhalte, chauf Aktie mit höche Dividende.

chauf aktie vo borussia dortmund!

optione drache, gaht meh ap

Toll, es Topic über Geldvermehrig. Isch immer guet ds wüsse wie me sini Stütz am beste tuet alege.

Dragon hat geschrieben:Es gitt Lütt die verpokere 300.- im Monet, das Geld kanni au in Aktie stecke und d Chance das es grad am nächschte Oobe weg isch, isch nid allzu gross

- komische vergliich
- bisch sicher?

Avenger hat geschrieben:Toll, es Topic über Geldvermehrig. Isch immer guet ds wüsse wie me sini Stütz am beste tuet alege.

ja de chasch bim pokere einisch öfter e 50rappe raise mache, wenn es guets blatt hesch
geld ha = wichtig!

Jones hat geschrieben:ja de chasch bim pokere einisch öfter e 50rappe raise mache, wenn es guets blatt hesch

wenn du wüsstisch....

giovanni scho weiss!

aktie gebe mir wenig bis gar nüüt. ich ha kei einzigi

Dragon hat geschrieben:Mich würd mal interessere wer vo Euch in Aktie investiert und was Ihr für Erfahrige händ.

Ich wött mal e kleine Betrag in Aktie investiere und mal e bitz beobachte was passiert.
Wenn nid viel investiersch, kasch nid viel verliere

Ich red nid vo Apple Aktie oder so was, das isch tendentiell nid die bescht Idee wo me ka haa. Die koschte hütt scho enorm viel (340$) und nur 5 Aktie kaufe bringts nie wirklich.
Mir goots vor allem ums "Hobby". Es gitt Lütt die verpokere 300.- im Monet, das Geld kanni au in Aktie stecke und d Chance das es grad am nächschte Oobe weg isch, isch nid allzu gross

Ich kenn mi echli us.

Bruuch das Gäld lieber für Casino, Nutte und Sex!

Aktie sind sehr guet, letscht Jahr hani en gueti Nase gha. Recht früeh gmerkt, dass di schlechte Sache nöd laufed und die guete Titel recht nöch bim Höch verchauft. Uf jede Fall hani einiges meh usegholt als ufem Sparkonto Nur mini Roche dümpled im Moment no bi +/- 0% ume, ich hoffe das gaht denn um t Dividende no biz ufe, aber au suscht, längerfristig empfindis ämel als guete Iistigspriis, ha bi 138 en paari kauft. Genentech het es paar Sache ide Pipeline, leider laufts mit Avastin nöd grad so rosig Zum Glück hani erscht nach dene Schlagzile kauft, au wenni nochli tüüfer het chöne debi sii, egal.

De Cheller het übrigens nöd unrecht. Ich konzentrier mich au uf CH Titel. Oisi Konzern sind grundsätzlich sehr seriös, du kennsch si, si sind relativ transparent, du bisch schnell ade Infos, du chöntsch ad GV, du kennsch dich rechtlich / finanziell einigermasse mit de Rahmebedingige vo dere Firma us, hesch kei Devise-Problem usw. usf.
Dezue chunt, dass du easy au mit CH Blue Chips chasch z.Bsp. vode Emerging Markets chasch profitiere. Nestlé, ABB, Holcim, Swatch usw. sind recht aktiv i dene Gebiet, Tendenz zuenehmend. Das macht die Grosspapis wo uusschliesslich i Schwiizer Aktie investiere möcht eigentlich total irrelevant, de SMI isch en Export-Index, genauso wie de DAX.

Um Optione mach ich übrigens en grosse Boge, es isch unglaublich komplex und solang du nöd gnueg Kapital hesch zum Short gah, wirds vermuetlich uf langi Frischt eher es Verluschtgschäft sii. Usser mer isch würklich grad inere unufhaltsame Boom-Phase oder du bisch en Insider bzw. informiersch dich unglaublich guet.
Logisch ghörsch immer wider vo Lüüt wo irgendwie ihre Iisatz ver15facht hend, aber genauso oft hanis miterlebt, dass eine alles verzockt, das ghörsch denn natürli nirgends.

Im moment bini übrigens sehr zrugghaltend, ich han nurno t Roche Titel im Depot. Isch eigentlich es reins Buuchgfühl, aber wennmer au t Quartalszahle vode letschte 2,3 Quartal betrachtet wirds schwierig die Erwartige z toppe. Aber ebe, chan mi au grad so guet tüüsche Uf längeri Frischt gsehni im Moment Aktie aber sehr positiv, da sie grundsätzlich en Inflationsschutz büütet und ich irgendwie devo usgahne, dass ebe genau sone Inflation bald mal uf ois zuecho wird.

Bi welem Abieter tuesch es abwickle? Swissquote? yellowtrade? Anders?

Gits im Netz es paar Sitene wo eim e Ifüehrig gebe zu (schwizer) Titel und em ganze Drumherum? Aktie für Dummies / Stock Exchange Trading 101? Ig mein keini "Gheimtipps" wo me i de Kioskheftli cha lese und vo Schimpanse erstellt worde si, eher allgemeini Grundlage.

G-ay-lien hat geschrieben: Im moment bini übrigens sehr zrugghaltend, ich han nurno t Roche Titel im Depot. Isch eigentlich es reins Buuchgfühl, aber wennmer au t Quartalszahle vode letschte 2,3 Quartal betrachtet wirds schwierig die Erwartige z toppe. Aber ebe, chan mi au grad so guet tüüsche Uf längeri Frischt gsehni im Moment Aktie aber sehr positiv, da sie grundsätzlich en Inflationsschutz büütet und ich irgendwie devo usgahne, dass ebe genau sone Inflation bald mal uf ois zuecho wird.

Ich han letst Wuche au alles verchauft. mal luege...villicht liggi total falsch, aber egal. Bruuch de Stutz eh i 3 Mönet.

jede hät, wer eimal id PK zahlt hät und denn nöd usgwanderet isch, oder sich selbstständig gmacht hät

ich han en tonne vo de huttwiler bank. ischnidnüt!

Avenger hat geschrieben:Gits im Netz es paar Sitene wo eim e Ifüehrig gebe zu (schwizer) Titel und em ganze Drumherum? Aktie für Dummies / Stock Exchange Trading 101? Ig mein keini "Gheimtipps" wo me i de Kioskheftli cha lese und vo Schimpanse erstellt worde si, eher allgemeini Grundlage.

Akziehandu für flotti Bäärner

Eis "ä", nid zwöi.

ich liebe aktie, jede tag

aber ich stimme mit de meiste da nöd überrein, het ich mich die letschte paar mönät nur uf de smi konzentriert wäri mir sehr viel geld entgange. han vor kurzem au mini ubs umgschichtet und stiege det erst wieder ih wenns die 20fr konstant gnoh hend, vorher trau ich dene nüme.

eis vo minere schönste gschäftli letschti isch mit silver sun (ssu) gsi 100% innerhalb vo 2 wuchene oder so. aber anderersits dümplich scho ewigs -20% mit swissmetal ume. ich han sicher viel afängerfehler gmacht und mache immer no dummi fehler,aber es lauft zimli guet.

I ha Aktien eh bitz us jedere Sparte...so dänki fahrt me am beschte über längeri Zit, es paar gueti Tipps betreffend Aktie kame immer bruche, verzellet

am beste investiersch i sa he mit reellem wert wie gold. jedes jahr +10% sit eh und je, und risiko häsch au kei, will gold unabhängig vo dä gsellschaftsform scho immer wertvoll gsi isch...

hanf hat geschrieben:am beste investiersch i sa he mit reellem wert wie gold.

Dragon hat geschrieben:Mich würd mal interessere wer vo Euch in Aktie investiert und was Ihr für Erfahrige händ.

Ich wött mal e kleine Betrag in Aktie investiere und mal e bitz beobachte was passiert.
Wenn nid viel investiersch, kasch nid viel verliere

Ich red nid vo Apple Aktie oder so was, das isch tendentiell nid die bescht Idee wo me ka haa. Die koschte hütt scho enorm viel (340$) und nur 5 Aktie kaufe bringts nie wirklich.
Mir goots vor allem ums "Hobby". Es gitt Lütt die verpokere 300.- im Monet, das Geld kanni au in Aktie stecke und d Chance das es grad am nächschte Oobe weg isch, isch nid allzu gross

chauf doch en ETF uf dä SMI, masch eifach die normale Schwankige mit , kriegsch chli Dividende jedes jahr und muesch dich nöd allzuviel demit beschäftige. trade chasch sonen ETF bi swissquote für 9.- -> tradinggebühre falled bi chline summe horrend is gwicht.