The(G)Forum

So, endlich hani mini alt ps3 fat füre grabbe und will sie jailbreake. Jetz bombadier ich mal mit paar frage:
Zersch no vilicht paar infos zur konsole. Die isch e alti fetti original. System Software zeigt 4.82, uf em chäbber hinde staht cech04. Ha nie irgendwas bastlet und isch no original.

- ich will mini original games uf hdd kopiere, dass ich kei disc meh bruche. Chan ich die direkt vo de disk kopiere und chan ichs au us em netz abeladde und ufd hdd mit zbsp filezilla schiebe ?

-homebrew interessiert mi nöd.

-ich han vo paar spiel saves wo ich phalte will.

-kei ahnig wie gross d hdd isch wo drin isch aber ich denke die isch um di 60gb. Ich han no e 160gb hdd wo ich dri mache will. Wie gross isch es ps3 spiel öppe, bzw wievill spiel chani uf die 160gb hdd kopiere ?

-etz muss i glaub e cfw druff tue zum das mache was ich vor han. Was isch di bescht für mis vorhabe ? Wie gang ich vor ? Muss ich d hdd zersch wechsle oder zersch cfw druff mache ? Und ebbe wie chan ich d saves vo de original hdd uf di neu 160gb überezieh ?

Irgend es easy videotutorial ume oder chan mer öpper eifach mini frage beantworte, step by step erkläre ?

Dude, too many questions...
En Fat32 formatierte USB Stick id PS3 stecke, dänn chasch dini Save kopiere.
PS3 Games sind sehr unterschiedlich gross zwüschen paar hunder MB für PSN Games bis zu ca. 20-30 GB bi so Games wie Uncharted etc.
Du chasch z.B. mitem Multiman oder Irisman Games vo de Disc uf HDD kopiere, abelade und dänn uf HDD gaht natürli au. Achtung nur de Irisman chan auch externi NTFS Drives läse, PS3 chan susch nur Fat32 extern, dänn muäss mer d Files splite...
Alli neue CFW sind wahrschinli öppe glich guet, ich han amel Rebug verwendet. Ferrox isch glaub au guet. Da hätts es Tut https://psxtools.de/forum/index.php?thr ... juni-2021/
Mer muäss einzig genau luäge, welli Konsole Version mehr hätt, uf es paar Slim Modell ghat nur HEN/HAN (Hombrew Enabler)...
Ich würd scho e grösseri HDD inetue, häsch ebe no schnell voll..

ah ja, du chasch HDD auch nachher wächsle, vorher isch aber sicher e chli eifacher...

wänn dänn mal CFW druf häsch muäsch eifach de Multiman, Irisman, React PSN und evtl. no anderi Apps druf tue...Mulitman und Irisman sind so File Manager, de React PSN brusch, um PSN Games z'aktiviere, die laufed susch nöd....

Cool, ich ha etz d custom firmware (ferrox) via ps3exploit druff tah. Relativ eifach gange. Thanks für de multiman tip. Ha grad es game chöne ufd original hdd kopiere !
Ich glaub ich hol mer doch grad e 1tb hdd

Chasch eigentlich s menü bi de ps3 ahpasse ?
Ich mein sache usblende wie videos, music, trophy collectio, etc...? Ich has gern simpel und zvill schnick schnack willi nöd uf em bildschirm im menü.

Edit: oder so e art coverflow wie da.. ? edit 2: hät sich alles erledigt.

Gitts nöd e lösig dass wenn ps3 startisch grad es coverflow menü hesch und dini backups sofort chasch uswähle und spile ?
Ha nöd usegfunde wie das chönt gah. Ich muss ja immer z.bsp. de multiman ladde, dört hets es schöns coverflow, denn wähli s spiel und denn gahts zrugg is xmb menü und dört muss ich denn s spiel starte.
Findi chli umständlich.

ich glaub das ghat nöd oder isch nöd so eifach. Evtl. gitts es Möglichkeit Disc Games als PSN zkonvertiere und dänn häsch alli im XMB. De webMAN sött glaubs au alles vo de HDD direkt im XMB darstelle, isch aber chli komplizierter i de Ahwendig und han ich selber nie brucht.

Ja, isch halt chli gwohnheits sach wenn verschideni konsole so betriebsch. Bi de xbox und 360er chasch ders ganz schön und eifach iirichte.

Gits no paar gueti vorschläg vo arcade mässige spieli.
Ps3 isch spielmässig nöd so uf minere welle, hani gmerkt.
Ha etz folgendes druff:
Railfan, initial D, Caladrius, GT6, Söldner X, Time Crisis, Midnight Club, The Last Guy, NFS, Sega Rally.

Daytona USA, Wangan Midnight, Mamonoro Kun, Raiden IV Overkill, Time Crisis Razing Storm Compilation, House of the Dead 4, After Burner Climax, HotD Overkill, Rambo (isch grottig), Gal Gun, Ape Escape Move ding, The Shoot...nöd Arcade aber au no interessant Flower, Journey...

Es gitt sicher no viel meh, vorallem VS Fighter (Tekken, Virtua Fighter, Soul Calibur, DOA, aber au weniger bekannti wie .hack Versus, Battle Fantasia)...Gundam Extreme VS., Dragon Quest Warriors...

ja, cool, HOD Overkill hani nöd kennt. muss i nöchst wuche mal probiere
psp und psx isch au no cool und lauft.
ps2 hani nöd zum laufe bracht, vilicht sind au die spiel woni usprobiert ha, nöd kompatibel ?
für das hani ja eigentlich au di andere konsolene.

PS2 lauft nur mitere Firmware wo auch Cobra hätt, händ aber eigentlich alli evtl. müäsch es no imene Menu aktiviere. Es gitt ja offizielli PS2 Games wo als .pkg abeladsch und dänn im XMB installiere chasch.
Du kannst aber auch PS2 Isos zu PS2 Classics konvertieren, bei allen Lösungen ist die Kompatibilität aber nicht 100%, für das braucht es schon eine NTSC PS3 der ersten Generation (cecha / cechb), gibt aber wohl nicht mehr soviele die heute noch funktionstüchtig sind...

die wichtigscht app wo ufere cfw laufe muess...suscht wird dini fat fruehner oder spaeter d geischt ufghae
https://store.brewology.com/ahomebrew.php?brewid=234


edit: went e cechc hesch chasch per software 99% vo allne ps2 titel abspiele, went e checha/b hesch chasch per hw alles abspiele..cobra muesch na aktiviere damits gaht. isch cfw e istellig bi dene dex sache.