HALO Serie

[Scarface]

luegt öpper? i finges rächt super
Ha nur ir letschti Halo Reach gspilt u uf dr 360 mau chli multiplayer, vo dem her bini ni so master chief universe vorbelaschtet.

CGI gits sichr bessers, abr d story fingi no frisch

[Buccaneer]

Hesch meh als die erst folg gseh?

[Scarface]

vori gad die zweiti, isch am story ufbaue. hoff ep 3 chunnt meh action...

[zeromeier]

ehrlich gseid nöd mal gwüsst, dass es die gid isch animiert?

[Buccaneer]

Jein... Live action.

[Scarface]

live action mitm pablo schreiber
https://m.imdb.com/title/tt2934286/?ref_=nv_sr_srsg_0

[Scarface]

Hesch meh als die erst folg gseh?

findsch nid guet bis jetzt demfall?

[Buccaneer]

Hesch meh als die erst folg gseh?

findsch nid guet bis jetzt demfall?

Has nid glueged...

[Master(G)]

ha beid ep. glade, aber nonig gluegt. warte bis season fertig isch.

er nimmt de helm ab, soviel hani scho mitbecho. findi fail. aber ja. easy.

ich mach mer denn es bild, wenni alli teil gseh han.

[Scarface]

ha beid ep. glade, aber nonig gluegt. warte bis season fertig isch.

er nimmt de helm ab, soviel hani scho mitbecho. findi fail. aber ja. easy.

ich mach mer denn es bild, wenni alli teil gseh han.

nid e schlächti idee
gad widr gmerkt winis hasse immer en wuche ds warte

[Buccaneer]

De Angry Joe isch nid so zfriede. CBS hed sogar eis vo sine Review Videos la sperre. lol

[thaeye]

en riesemüll, politik in halo

[Scarface]

ep 3 duss, sicher nid Battlestar Galactica oder The Mandalorian niveau. aber underhaltsame Sci-Fi

[Scarface]

Folg 5 endlich mal chli HALO action

[Master(G)]

ha nüm möge warte und jetzt mal die erste zwei folge gluegt.

folg 1 hani also härt geil gfunde. überraschend brutal. gueti action. viel fan-service.
folg 2 nöd unspannend mit dem artefakt.

weiss ned, was die fanboys- und girls all händ. mir gfallts aso.

[Scarface]

vori gad seasonfinale gluegt. blibe derbi, finges super

[Master(G)]

ich luege nöchschtens wiiter. ep 1 und 2 erst gluegt. bi zueversichtlich und freu mi druuf.

[Master(G)]

so bin jetzt au dure mit dem.

ACHTUNG: Paar Spoiler chömed!

mir hett das an sich sehr guet gfalle.

CGI effekt sind bitz durchwachse gsi, grad ide letschte episode. ja, sie händ welle en monumentali kampfszene mache mit de covenant, aber wirkt irgendwie billig. vor allem, will ide erste episode en super-geili action-fight-sequenz drin isch, wo gfühlt 10x besser usgseh hett.

die kwan ha isch mer ufe sack gange. die isch futzdumm und hett paar sehr unlogischi entscheidige troffe. sinnlos. zum glück isch sie ide letschte 3 episode so guet wie non-existent gsi. guet so. de story-ark vo ihre hett mer guet chöne weg lah. reine fillerstuff.

suscht hani dstory aber guet gfunde. bsunders als halo-fan isch mer die charakter-entwicklig vom chief und sine spartans sehr guet ine cho (kay ) die wandlig vode seele-lose killermaschine zum "mensch"... guet gsi.

story-ark vode dr. halsey isch au super gsi, die isch wie im game en person, wo ohni rücksicht uf alles und jede ihre grind duresetze will. 110% crazy wüsseschaftlerin. sehr guet. weisch nie ob ihre vertraue chasch oder ned.

cortana isch au sehr guet ine cho. wie sie sich dank de gfühl vom master chief selber findet. grad die sex-szene isch debi unheimlich wichtig gsi, demit die KI mensche besser verstaht und vorallem gfühl vo liebi - was eus mensche uszeichnet - und demit sie ide letschte episode au so reagiert, wie sie äbe reagiert hett. ned als fail-safe, wo de chief quasi söll eliminiere, sondern äbe als wahre "fründ"...

ich verstah die viele negative reviews uf imdb ned. huere fanboys machet mit ihrer engstirnigkeit scho alles kaputt. dörfsch kei freud meh ha. zum glück bini scho z'alt für de scheiss und lahs eifach uf mich wirke. wärs 100% am game, wärs huere langwiilig gsi glaub. vo dem her alles gut.

ich gibe season one 6/10

wäred die CGI effekt no bitz besser, wärs es 7/10

[Master(G)]

Season 2 chunt am 8. Februar 2024:
https://www.thegnet.org/post/halo-seaso ... uf-youtube

[Master(G)]

Trailer zur Season 2:


Quelle

[Master(G)]

season 2 hett agfange.
die erste 2 episode sind duss.

ha beid gluegt.

was sölli säge? aso die erst episode isch ziemlich geil gsi. senstationell isch de afang gsi. und de schluss.

episode 2 hett denn wieder die side-story vo dere junge asiatin ufgno und dem pirate-spartan mit de komische hand. hmm.. ned so de brüller gsi.

ich verstah ja, dass das alles VOR em allererste Halo game spielt und mer darum em masterchief bitz meh toifi und menschlichkeit will zuegestah. es isch ja keis game, wo der main charakter möglichscht es blank sheet si söll, demit mir als spieler eus uf ihn besser chönd projeziere. aber irgendwie will de funke halt gliich ned so richtig übere springe.

ich nimme ah, dass mit zuenehmendem fortschritt das problem chliner wird. bi halt de asicht, sie hettet die gschicht eifach bim erste game sölle afange.

episode 1 gibi 7/10
episode 2 gibi 4/10

[abyss]

Eigentlich hani am Masterchief sis Gsicht gar nie wöue gseh. Wie bim Doom Guy und Mandalorian ou. Keep the Secret a Secret…

[Master(G)]

hani au no welle nahträge:

ep 3 mäh... 3/10
ep 4 top! 8/10 - isch die bescht vo season 2 gsi. isch quasi the "Fall of Reach" level gmixt mit e bitz Halo ODST flair. Sehr geili action endlich mal! allerdings muess de chief ohni sini rüstig kämpfe
ep 5 - 9 sind wieder rächt langwiilig gsi. füllerstuff 4/10
ep 10 - endlich staht er ufem Halo-Ring, ganz am Schluss... und kämpft in voller Montur gäg de Arbiter. Wäg dem gibi da au 8/10

insgesamt au wieder eher enttüschend das ganze.
final score für season 2 - 6/10

[Master(G)]

Paramount+ hett d'HALO Serie jetzt also igstampft. Cancelled!

[zeromeier]

Paramount+ hett d'HALO Serie jetzt also igstampft. Cancelled!

Nöd ei Folg gluegt, bliibt vermuetlich au so