The(G)Forum

es isch endlich da. bi scho über 25h nach dem wucheend

gameplay mässig isch es sehr ähnlich wie de teil 2. git au wieder auto kämpf und special moves wo sich ufladed und über taste a, b, x, y sowie analogs stüürchrüz chönd igsetzt werde. s blade system isch abglöst worde durch es anders, will no nüt verrate.

jede charakter het e eigeni klass, wo sich i drü gruppe iteile lönd (angreifer, verteidiger, heiler). meh chan d klasse vode mitstriiter aber überneh/ständig wechsle und wenn meh die ufelevled gits neue moves, besseri stats etc. zudem gits (z.T. optional) wiiteri charaktere zum rekrutiere, wo denn wieder neui waffe und fähigkeite zum erlerne ibringed.

optisch chunt de switch klar a sini grenze, vorallem ufem 55" oled. hintergründ recht blurry, in kämpf mit viel gegner z.T. stark verpixlet. aber s gameplay macht das locker weg.

chas chum weglegge.

Was isch mitem neue Blade system? Isches besser und eifacher worde?
Wenn ich denn mal ziit finde wird ichs mir au no gäh.
Danke no für dini erfahrig!

LuiStyle hat geschrieben: ↑02 Aug 2022 07:20 Was isch mitem neue Blade system? Isches besser und eifacher worde?

hesch s alte system kompliziert gfunde?

s neue isch relativ simpel. chasch gnau s paar attackene bide baldes istelle und susch gits so en upgrade baum wo chasch verbesserige freischalte.
git nur wenige slots für special moves, usrüstig, talente und vo dene diamante wo chasch herstelle (bekannt us teil 1 und 2). bi froh drum, je meh das mache chasch, desto eher überfordertes eim.

am afang hanis voll kacke gfunde, jez finde ichs super. will hesch nüme 45615648 blades

es perfekts handheld spiel.

denke au, dass das spiel guet für handheldmodus geeignet isch. v.a. halt wege auto-kämpf. und sterbe tuesch wenn überhaupt sowieso bi bosskämpf. vo dem her chasch guet eifach chli tv luege nebedzue.

bi jez bi ca. 28h, es isch vode hauptstory her scho recht wiederholend. machsch eigentlich immer s gliche, eifach amne andere ort. generell händs nid viel muet für neus bewiise. aber teil 2 het sich halt sehr guet verchauft und hey, never change a winning horse.

S‘alte System isch scho chli blöd gsi weg dä 57899548 Blades! Tönt doch super meh brucht das Game nöd.

schad gits kan zähler, wo ufzeigt wie oft sie "sparks" seged. what the sparks, who the sparks, bloody sparks,
uf düütsch isches no schlimmer: was zum funken

wenigstens händs einmal arschloch gseit

mission nr. 6, 45h spielziit, level 65

bis voll am uskoste und mache all sidequests.

euses review isch jetzt au online:
https://www.thegnet.org/post/the-g-net- ... ronicles-3

lange huere schinke! lol

guet wer teil 2 kennt het gnau das erwartet. jrpgs sind halt eifach so

btw 70h, letzt kapitel churz vorem endboss (gfühlt), no am sidequests mache.

jez ischs s spiel nach zelda botw wo ich am 2. meiste ziit investiert han.

bi fertig, vorerst. ca 80-85h. knapp unter level 90. gäbt aber no viel zum mache, wie:

- no meh sidequests
- all fähigkeite uf level 20 ufelevle
- all starke monster nomal besiege
- monster über level 100 go kille
- schwarzi fläcke ufde map no go ufdecke (git no paar ussichtspünkt wo ich nonid han)

aber durch das spiel hinke ich bi vielne andere spiel nache, jez wird zerst mal no live a live fertig gspielt.
d story am schluss het mich leider nümm glich beeidruckt und packt wie am afang. defür ich d verbindig zude andere spiel sehr vielversprechend, wenn auch nur sehr kurz und ichs au so erwartet han.

gester de DLC no abeglade. nachem zelda und fire emblem blazing blade, zwei sehr gueti spiel, ischs immer so e sach zum öpis neus afange. s meiste enttüscht den eifach und macht nach paar stunde ka spass meh.

de DLC isch recht enttüschend gsi. endboss nüme gmacht, eifach nume nervig. zum wiitercho muesch di ganz ziit irgendwelchi dummi items sammle. denn endboss mit eim schlag KO. müesst also no meh grinde, was im DLC im vergliech zum hauptspiel susch scho sehr müehsam gsi isch. di neu welt git au nid so viel zum entdecke her.