The(G)Forum

Scho lang nüm sowas unterhaltends gseh.
Und d'Musig

2 Folge gseh bis jetzt: 10/10

lol ou 2 folg gseh und als teenie serie abgstemplet. so chli ähnlech wie die anderi mysterie seriene, wo teenies i ne hexe oder magier/fee schuele gönge.

1/10

lol
10/10 vs 01/10!

Au e Folg gseh: dCharaktere händs ja huere verhunzt, en huere Skandal! dMortica hät weder Grazie no en Erhabeheit mitäre Aura vo Sexualität, würkt eifach wie en random Charakter wo bitz Adams Family spielt und was für en Knilch händs uus em Gomez gmacht? Er sött en elegante, vornehme Verfüehrer si, nöd en visuell abstossende Fleischbärg mit gruusige Zäh. Absolut kei Respäkt dä Vorlag gägenüber, wow, was für es Wunder bi Netflix.
dWednesday spielt ganz passabel findi aber sie würkt fast bitz zu härzig für dä Charakter.

Vyse hat geschrieben: ↑04 Dez 2022 12:22 aber sie würkt fast bitz zu härzig für dä Charakter.

das! schön zum aluege aber irgendwie nid authentisch...

ja, bim gomez hani mir ou gfragt was fuer nen hässling sie da castet hei.

dr gomez us de movie isch ja a extrem elegante charmebolze gsi wo jedi szene beherscht het.

i hätti die serie chance gäh, aber wo dann die schul vorgstellt isch worde mit dene gangs, hets mir grad abglöschet und dann die billigi carrie abschlussball szene. :typej:

wer's mag solls luege und sich ab de hübschi wednesday ergötze.

Ich luegs wiiter. Nur scho wäg dä Story, wo mich wunder nimmt und dä Musig.
Was bini ich froh, so ahspruchslos z'sii

i lueges logischerwiis o fertig!

feeshlee hat geschrieben: ↑04 Dez 2022 17:52 Ich luegs wiiter. Nur scho wäg dä Story, wo mich wunder nimmt und dä Musig.
Was bini ich froh, so ahspruchslos z'sii

Das nimmt mich grad bitz Wunder.

Isch dä Wärt bzw. dMessage vo Adams Family nöd grad uus dä krasse Gägenüberstellig entstande vonere freaky, gsellschaftlich verurteilte Famile und äre guetbürgerliche Gsellschaft, wo bim genauere häreluege eigentlich chränker isch als die eigetümlich Adams Family, wo im Grosse und Ganze zwar bitz morbid aber irgendwodure no ganz harmonisch läbt? Wänns jetzt inere Schuel vo "Freaks" sind, fählt dänn nöd grad dä essentiell Kontrast?

Morticia isch kataschtroph, cha die nid Ernscht näh. 1 Folg gseh, isch unterhaltsam

Mini Frou hets gluegt und i ha zwüschine chlei hinger der Switch füregschielet, aber has schrecklech gfunge. E Schand füre Burton und für Addams Family. Der Humor vo de Originale und de 90er Addams heisi irgendwie biz falsch verstande dünkt mi. Zämefassend hets mi dünkt wie Harry Potter meets Buffy im Marvel Serie Universum.

Han ca. die halb Staffle dure, und findes rächt unterhaltsam. Bin allerdings nie en grosse Addams Family Fan gseh.

aso de original gomez usem buech isch de:



also isch de neu spot-on würdi säge.

Ep 5 düre, me merkt scho dass „young adults“ d‘Zielgruppe isch. Chönnt imho weniger teenie drama ha.

Die alte Serie damals gseh und mit Vorfreud and Serie anne gange (säg nur Tim Burton), aber nachde 2te Folg hanni abgschalte:
1/10 für mi...es isch eifach mega boring und "Harry Potter" mässig, gar nid mis Ding…Schade

d'frau und ich händs jetzt au dureglueget.

sie finds 10/10

ich bin eher so bi 6/10 - has scho unterhaltsam gfunde. wie en jungi miss marple lol
isch ja eigentlich en krimi/detektiv-story.
de harry potter vibe hani ned gspührt. aber denn wiederum hani ja au kein einzige harry potter film gluegt!

Master(G) hat geschrieben: ↑13 Dez 2022 07:30
de harry potter vibe hani ned gspührt. aber denn wiederum hani ja au kein einzige harry potter film gluegt!

My words!