The(G)Forum

Es isch unglaublich, was do alles i dem Johr uff e Markt kunnt.
Nach em sensationelle Steam Deck, en grandiose Ayn Odin kunnt jetzt no vo Retroid de Pocket 3+. Nur 3 Mönet nach em Pocket 3, kunnt es chliises Upgrade mit em zuesätzliche Kürzel +. De Retroid Pocket 3+ isch mit em Unisoc T618-CPU e chli leistigsfähiger gmacht worde. Im innere isch jetzt en Achtkerner, wo mit zwei ARM Cortex-A75-Kerne und sechs Cortex-A55-Kernen übere kunnt. Getaktet sind die Kerne jewiils mit 2,0 GHz. Drzue kunnt en Arbeitsspeicher mit 4GB LPDDR4x-1.866-RAM. Als GPU isch en ARM Mali-G52 MC2 iipflanzt worde. 128GB isch vo grund uff debii.


Interessant isch au s Display mit ere Bildschirmdiagonale vo 4.7 Zoll. 450 Nits maximali Helligkeit, was aagnähm häll isch. 1.334 x 750 Pixel isch d Ufflösig. Zwei Lutsprächer mit jewiils 1 Watt sind verbaut worde. Nach dem was ich in de YT Film khört ha, dörfti de Bass chli stärker sii...aber lutt de Teschter isch d Sound Qualität doch sehr guet. En 4.500 mAh Akku isch verbaut worde. Das sinn 500 meh als bim Vorgänger. Laufzitt ca 4-6 Stunde.

Abmässige:
18,5 x 8,2 x 2,4 cm - Gwicht isch bi 235g.
Vergliich zur/m:
Switch: 400g
Switch Lite: 275g
Odin Pro: 298g
anbernic rg351p: 160g

Wi-Fi 5- und Bluetooth 5.0-Modul, und en Micro-HDMI-Port, mit dem me de Handheld mit eme Monitor/TV verbinde kha, sinn au no vorhande.
Das das Teil alli 8 und 16-Bit Konsolene kha Emuliere isch nid ernennenswert. Interessant isch aber, dass das Teil ohni Problem Dreamcast Games tuet abspiele und dGames würde ussgseh, als würsch e Remaster Version spiele...

PS1: 4 fachi ufflösig bi 1280 * 864
SAT: 2 fachi ufflösig (inkl. Nights)
N64: 1440 * 1080 - inkl. Goldeneye, Conker (Es gseht SOOOOO geil uss!)
DC: 1280 * 960 mit 60 Fps - inkl. DoA2, Sega Rally 2, NBA 2K - mit cheat section für e Widescreen Option.
3DS: 2 fachi ufflösig
PSP: 3 fachi ufflösig / 1440 * 816 95% vo de Software laufe grandios und sie gsehnd au so uss, als würdsch e remaster Version spiele.
GC: Mit em Dolphin for Handheld Emulator doch no e beachtlichi Software abspielbar. 1st. Party Title wie Mario sunshine, Tennis, Golf, Paper Mario, Celda ohni grossi iischränkige Spielbar.
Wii leider nid empfohle (ca 25% vo de Games laufe mit chline slowdowns - de rescht lauft nid)
PS2: Erstuunlicherwiis laufe doch öppe 75% vo de Games sehr guet.
3DS: Je nach Game guet Spielbar
Switch: mit em Skyline Emulator: Games wie Celeste, Sonic Mania laufe perfekt. Anderi mit Slowdowns, mit heftige Slowdowns oder unspielbar.
Android: Wenn support, denn sehr guet bis perfekt spielbar
Stream: Keini iischränkige ob Xbox, PS5 oder PC.

De rescht wo di interessiere könnt...findsch im Video vo RetroGamesCorp.


Quelle

Setup mit allne Emulatore:

Quelle

PS2 Software Tests:

Quelle


Priis isch bi ca 150$
Ich ha 189.- zahlt inkl. Lieferig ind Schwiz. Hätt ich Düttschland als lieferot gwählt, wär ich bi 208.- da no d stüüre druff kömmet.
Priis/Leischtig eifach en grandiose pocket Handheld.
Für mi perfekt, da für mi de Odin chli zgross gsi isch und de odin für mi e absolut unbruuchbars Digi Krüz hett.
Dorum de retroid au für mi perfekt, will de genau die Games tuet abspiele, wo ich zocke möcht.


Die beschte Handhelds 2022:

Quelle

Edit: Korrektur zu PS2 Games. Laufe doch einigi sehr guet. Lueg neuzuegfüegts Video obe.

De PPSSPP Emulator hett es update übercho (uff Version 1.14) und do hetts markanti änderige gäh, die me bim Retroid Pocket 3+ sofort merke tuet... guckst du Video:


Quelle

Hütt Morge ha ich völlig überraschend es Mail übercho, dass mis bstellte Grät mit DHL Express versendet worde isch. Freu mi sehr druff, de ändlich in de Händ dörfe zha.

Bi seeeehr gspannt uf dis Fazit. Bimers au am überlegge
Wo hesches bstellt?

Die Wuche kumm i drzue s ganze iizrichte (hoff i emolle).
Official bi https://www.goretroid.com/

Ah coom, merci. Bi grad chly gyhped

Nimmt mi au wunder im Vergliich denn zum AYN Odin

also de Odyn isch es verdammt guets Grät. Hett Power und me kha locker GameCube Games abspiele. Sogar Switch Games gönd recht guet druff.
Nur sinn eifach d Buttons viel zchlii (Analog) und s DigiKrüz isch.... do würsch sogar es Komplimänt mache, wenn sage würsch, es wär es DigiKrüz vo Wish.
De Retroid isch eifach sehr kompakt, liegt super in de Händ, hett es sensationells Digi Krüz und d Analog buttons sinn au meh als nur guet. Klar, hett das Ding nid so viel Power, drfür koschtets jo au "nur" 150.- Ich bins immer no am iirichte. Irgendwie pack ichs noni. Jdf N64 Games sind uu huere guet druffe.

Merci für dr Vergliich. Aso kompliziert zum iirichte oder ligts a dir?

Ich behaupt emolle, es lieggt a mir. Ha mi noni richtig demit könne usenander setze und Geduld hann i au kei.

Ahjo, cools "upgrade"!!:


Quelle