Welchen Film oder welche Serie hast du gerade gesehen?

[Vyse]

Gester im TV

Quelle
Clint Eastwoo & Schorsch Kennedy

"Collector of Art and Women" lol, en Ma vo Kultur

[Master(G)]

Invincible - Season 2 Ep. 01 - 04 (Mid Season Finale)

Holy shit!

eifach nume super wieder. chas chum erwarte bis die staffle 2024 wiiter gaht!

9/10

cool dass jedi folg 40 minute gaht statt 20 wie suscht üblich

[siralos]

mal wieder:

avengers infinity wars und endgame. 10/10


suprigi filme mit a paar chlini logik löcher.

[zeromeier]

Godzilla -1, kei ahnig woher die imdb ratings söled cho. Schauspieler Katastrophe, wie ime schlächte laie-theater jedi Szene oni de godzilla isch fremdschämig wie ime J Film vo 1960, aber hey, isch godzilla. Er häd rächt grossi Füess, drum ischer vermuetlich so hässig. Ich gibe 4/10 für no-fans.

[thaeye]

han ihn super gfunde. best godzilla siit langem.9/10

[Master(G)]

was isch au los, jenschtes godzilla tv-shows, movies.... was gaht !?

[OlDirty]

Ha de erstunlich guet gfunde . Wunderbar wie's dere huere Saubandi an Sack goht.

8/10


Quelle

[grappagott]

G eine weniger, mol hebt mir gfalle gibe es 8.

[Kretinou]

Oblitered serie - Netpflix
https://youtu.be/6MNfBHFhnNs?si=s-F50n-Yi52XgsSj

8.5/10

[zeromeier]

All im Flüger:

Cry Macho: 6/10
TMNT: 5/10
The Fallout: 8/10
Reminiscene: 5/10

Dihei:
Jack (mitm Robin Williams) 7/10
Countdown: 6/10

Im Kino:
Napoleon: 5/10 (nur story schnippsel, fehlt 50%)
Killers of the Flower Moon: 5/10 (2.5h zlang)
Godzilla -1 4/10 (schrecklichi Schauspieler, mir schleierhaft wie das Godzilla fanboys nöd chönd gseh)

[thaeye]

god is a bullet
7/10

[siralos]

Reacher serie. 10/10

Supr serie und isch bi wiitem besser als die 2 movies mit em cruise.

[Master(G)]

Killers of the Flower Moon

ned uninteressant, aber seeeeehr lang und irgendwie hani bitz impact vermisst bi dere thematik.
schauspielerischi leischtig aber top.
trotzdem langts bi mir ned für meh als

5/10

[Reinforced]

c'moon 5/10 isch grad echli gar wenig. isch sicher ke 0815 Film und kei eifachi Kost aber mi jedefalls heter sehr guet unterhalte über 3h im Kino

Gester im TV

Quelle
Clint Eastwoo & Schorsch Kennedy

de hani o gseh uf ARTE gloubs und nid kennt gha. Am Afang gsesch no Züri Altstadt. Film ansich ischer eher mittelmässig und d Story Gaga aber halt mit Swissbonus.

[The Sheep]

Rebel Moon (6.5/10)
Star Wars goes 300. Wenig originelli Idee, und sehr viel Greenscreen. Sehr störend hani gfunde, dass praktisch konschtant de halb Bildschirm blurred isch gseh. Het eifach billig usgseh. The Cast isch natürlich divers bis zum abwinke, und wie bi dene Film scho fascht Tradition, muess e starki Frau wo alles cha und nie dernäbe schiesst ind Hauptrolle. Isch allerdings vo dämhär no erträglich gseh. Han von Netflix scho grössere Wokemüll gseh.

[abyss]

Quelle

[Buccaneer]

blu eye samurai: 10/10 (wänn chunt die nächsch staffle)

Peaches?

[Kretinou]

Rebel Moon part.1

Zack Snyder 10/10

Okay, pfilm isch nur 5/10 für mich

[Buccaneer]

Blue eye samurai 8/10. Sehr guet gsi. I de letschte folg nochli welle "message" inedrücke wär nid nötig gsi. Chönnds nid lah si...
Nöggst Staffle in England? Das wür mi massiv weniger interessiere als japan...

[LuiStyle]

Pain Hustlers es isch würkli so! Pharmainustrie = Mafia

Hät mich sehr guet underhalte.

https://youtu.be/iycLZM7ycbI?si=2XYpSJhEWxqKZiLb

[abyss]

Indy 5 - Puh… hett irgendwie so billig gwürkt alles. Und das für 300 Mio… ??????

[Master(G)]

Rebel Moon

cinematografie 1a LOL, typisch Snyder halt. ich mags, will mer während de slomos bitz ziit hett zum alles aluege! de film würkt aber bitz zämeschnipplet und ich cha nonig würkli es urteil abgäh. sind am schluss ja 3 teil, teil 2 chunt ja scho im april und es söll au no en R-rated version cho vom erste teil bis denn... vielleicht isch das de grund, dass er bitz zämegstiflet würkt. ich han aber spass gha und freu mi uf teil 2.

tba / 10

[siralos]

Ha rebel moon grouehaft gfunge, sicher a 2-3/10.
Wieder so ne art 7 samurai, star wars mischig i schlächt mit extrem schlächti schouspieler und story muess mr leider in chuebel schmeisse.

Es het gar vieli logikfähler gha zb.:

A zerstörer raumschiff klass haltet bi nem mini Dorf a, um sini vorrät ufzufülle. Unge im dorf tüe si das feld be-ackere und dann kommt eine und meint dr eint jäger heigi a schneehirsch erlegt, dann wird genau deswäge a party gfiiret oder als die erschti paar flüger ids dörfli flüüge und dann ca. 10 lüt us 1 rumschiff use loufe. Proportione stimme da hinge und vore nid.

A ja, es fliesst kei tropfe bluet im fiulm.

[Jones]

liebes kind (netflix)
9/10

[Kretinou]

Silent Night : 6/10