The(G)Forum

The Sheep hat geschrieben: ↑08 Mai 2022 15:36 Outer Range (Staffel 1) (9.5/10)

"Yellowstone meets Twin Peaks". En guete Josh Brolin in der Hautprolle. De Will Patton findi aber no besser. De isch so dure
Es het einigi zimlich schregi Charaktere. de Plot entwicklet sich langsam, vor allem d'Mystery Komponänte beträffend. Aber sälbscht ohni Mystery wärs en zimlich gueti Story. Han ächt freud dra.
Zweiti Staffle ane, hopp!

Yellowstone meets Lost hani aber gläse. Aber merci före Tipp. Luege do mol ine. Be gspannt!

FTDW esch weder lame gsi geschter. Sött mol verbi si. Aber esch no e Staffle agseit.

Wenn ich die Usraschter vom Wayne Tillerson (Will Patton), oder sim feminime $ohn Billy Tillerson (Noah Reid) gseh, fühl ich mi spontan an Charaktere us Twin Peaks erinneret. Ja, "Le Bigger Picture" vo Outer Range isch villicht nächer bi "LOST". Aber beides sind super Serie gseh für mi, drum sowiso eher en Gwinn als öppis anders.

Mich packts nöd eso, isch mier zviel Familiedrama und dCharaktere lönd mich irgendwie chalt (ussert dä Protagonischt). Zwar, die scheiss manipulativ Hippie-Schlampe isch au no guet, ich chann sie nöd uusstah, drum ischs ja offesichtlich en guet konzipierte Charakter. Gopf, ich hass die Chueh.

Wie au immer, luege mal no i die ander Empfehlig inne, wo chürzlich öpper posted hät: Severance

Moon Knight - Season 1

nüt erwartet und agnehm überrascht gsi. de oscar isaac spielt sich z'seel usem liib. eifach nume guet! und luschtig.
au de ethan hawk findi da rächt guet als bösewicht.

8/10

dr strange haetets sölle am raimi ganz überlah. s drischnorre vo disney merksch extrem. schad

morbius 6/10

cha me sich gäh, isch recht mittelmässig aber uf jedefall kei brunz.

the lost city 2/10

cgi popcorn fail.

moonfall 2/10

roland jämmerlische apokalypse story.

phantastische tierwesen: dumbledor irgendwas.. 5/10

zämehangloses zueg, voellig us de nase zoge...eigentlech brucht me die erschte beide movies gar nid zu gseh ha. dr mikkelsen isch bi wiitem besser als der depp himself.

The Northman

hmm... bitz enttüscht gsi. Schöni Bilder, aber kei richtigi Charatkerentwicklig und bitz wirr zämegschnitte. Au recht langwiilig bzw. langatmig.

4/10 für d'Cinematographie

luegsch besser norsemen...

scho duregluegt. super gsi. leider abgsetzt worde, usgrächnet jetzt, wos ufbroche sind nach englaland...

Master(G) hat geschrieben: ↑23 Mai 2022 06:07 The Northman

hmm... bitz enttüscht gsi. Schöni Bilder, aber kei richtigi Charatkerentwicklig und bitz wirr zämegschnitte. Au recht langwiilig bzw. langatmig.

4/10 für d'Cinematographie

Mhh ha dä no wölle luege, aber jegzt reizt es mir grad nüm....

siralos hat geschrieben: ↑23 Mai 2022 07:33

Master(G) hat geschrieben: ↑23 Mai 2022 06:07 The Northman

hmm... bitz enttüscht gsi. Schöni Bilder, aber kei richtigi Charatkerentwicklig und bitz wirr zämegschnitte. Au recht langwiilig bzw. langatmig.

4/10 für d'Cinematographie

Mhh ha dä no wölle luege, aber jegzt reizt es mir grad nüm....

Lueg ne! Es lohnt sich trotzdem, wells nid gad viel ähnlichs im Chino gitt! Mir hed er gfalle, aber isch sicher au nid min Lieblingsfilm. Aber wenn mi jetzt öpper würd ilade, wür i ne no es zweitsmal go luege.

Master(G) hat geschrieben: ↑23 Mai 2022 06:39 leider abgsetzt worde

whaaaaaaat?

Jones hat geschrieben: ↑23 Mai 2022 07:57

Master(G) hat geschrieben: ↑23 Mai 2022 06:39 leider abgsetzt worde

whaaaaaaat?

ja, äbe

aber soviel ich gläse han, wänd dproduzente wäg finde, zum die serie fortsetze, wenn nötig mit ere crowdfunding kampagne.

wie chame sowas geils absetze???

netflix halt. mängisch rächti tuble das. im 22 händs scho über 50 shows abgsetzt, vieli devo sind geil gsi und ich han sicher 4-5 devo selber glueget...

Love Death and Robots Season 3, 7/10
sMeiste isch rächt guet, hät es paar super Churzfilm drunder, dAnimation und dMachart vom letschte (Jibaro), isch bsunders iidrücklich.

hans super gfunde, vorallem em lynch sin mitem krabbemonster. jibaro isch hervorragend gsi. gier im mittelpunkt. geili visuals aber au geili handlig.

Witzig, grad die zwei, wo dLüüt am beschte gfunde händ, Ep. 2 und 7 händ mier jetzt nöd so zuegseiht. Grad die mit em Monster hät mier zviel Logiklöcher. Wieso killt er jetzt all (es paar Lüüt als Futere vorwerfe, ok, aber grad all Matrose)? Wieso machets nöd mitenand ab, dä Ölfäss-Plan duuredsetze und dänn gmeinsam mit em Rettigsboot uuf dInsle zflüchte? Isch em die Idee erst im letze Momänt in Sinn cho? Aber ja, isch def. die bescht Staffle vo Love Death and Robots.

er killt all will all die andere s monster haend welle uf uf de bewohnte insle freilah. egoismus und so.

Ja scho, das schnall ich, aber dänn isch siini Idee mit dä Ölfässer ihm spontan in Sinn cho, erst nachdäm er all killt hät (will suscht hätt er ja nöd müesse all kille und hät vo Ahfang ah chönne all iiweihe und die Abstimmig, wälli Insle dass ahfahred wär überflüssig gsi und sie hättet nur em Monster müesse vormache, dass die Insle ahfahred, währenddem in Würklichkeit all gwüsst hättet, dass sSchiff id Luft spränged und mit em Rettigsboot abhaued).

Bin hüt Namittag mit dä Frau Uncharted im Kino go luege.
Mir händ dä Film unterhaltsam gfunde und kannmer sich gäh bin gspannt wenn dä zweit Teil chunnt.

Top gun 3/10 (nostalgie bonus +1)


Oje, ha dä besser in erinnerig gha. Gschicht isch furzdumm, schnitt isch gränzwärtig und migs aind irgendwelchi f16

Ha dänket gha, dass der iceman viel fieser und schlägle tuet, aber hier ischer ständig am kaugummi koue gsi.

Gloub dr neu Top Gun gibimer schono. Dr Alt isch nume gprt wägem Sounträck.

Dr neu top gun gäbe mir üs am weekend. Ig erwarte abr nid viel...hoffentlech gibts kewli dog fights.

Butterfly effect 10/10

Immer no a mega filmli. Gschicht, schauspieler, schnitt...alles isch supr!