The(G)Forum

Texas Chainsaw Massacre 2022, besser als erwartet, ich gibe 6/10.

Im Westen nichts Neues

Netflix

doch, moll. crazy. in sache kampfszene scho SEHR lang nüt meh gseh, wo so guet gsi isch!
hett paar längene drin, aber underem strich hett er mich härt überrascht.
sehr gut!

9/10

zeromeier hat geschrieben: ↑31 Okt 2022 03:32 Texas Chainsaw Massacre 2022, besser als erwartet, ich gibe 6/10.

Eher 2/10, Müll

Besser: TCM 2 (1986) supercrazy, döreknallt, super Location, en Troum, 9/10

TWD esch weder guet, nor no 2 Episode. Oh Mann.

Caché (2/10)

En französische "psycho" Film vome Unbekannte wo es Pärli mitere Kamera beobachtet und ihm Tapes nachhär vord Türe legt. Han de als Empfehlig irgendwo ufgschnappt. Vermuetlich TikTok. Boar.... was für e Zitverschwändig. Je lenger er goht, deschto grösser müesst di bombe si wo die Story am Schluss uflöst. Aber stattere Bombe chunnt nach 117min nur de Abschpann. De Film isch vom österrichische Regisseur Michael Haneke, wo es paar kontroversi, aber wie ich find gueti Filme gmacht het in der Vergangeheit. zB Funny Games. Aber Caché isch jetzt voll füre Arsch. Hanen us Wuet grad wieder glöscht

Kult vom Chucky, absolute Abfall. (wie all Chucky Film)

Halloween Ends : brain error/ 10

Barbarian (6.5/10)

S'erschte drittel super spannend. ab denn eher mässig, und in der letschte Viertelstund heter mit jedere Minute Sympathie verspielt bi mir.
Dass er sich nur ganz wenige Horrorfilmklischees bedient het, ischmer positiv ufgfalle. Aber das isch so zimlich s'einzig gseh.

Smile ond Barbarian, beidi ned gfalle.
Lieber nomol Goonies luege.

Weird: The Al Yankovic Story (5/10)

Han es Biopic erwartet und en absoluti Bullshit Story becho. Wär isch uf die beschisseni Idee cho, usme Biopic e Parodie uf Biopics zmache?? Isch sis tatsächliche Läbe so uninteressant gseh, dass sie sunscht kei Film hättet chönne mache? - denn hätte si's ganz eifach sölle blibe lo!
Ich mein, wenn die Person so berüehmt wär, dass jede scho 2 oder 3 Biopics über si gseh het, chönntis ja verstoh. Aber grad in Europa wird de Weird Al Yankovic de meischte (wie au mir sälber) nur als eine in Erinnerig blibe si, wo in de 80er ab und zue e Parodie vome Chart Songs gmacht het, und damit sälber irgendwo in Charts cho isch. Är isch kei Unbekannte gseh, aber är isch au nit asatzwis dä Superstar gseh, wo uns dä fiktionali Film mit em Radcliff uf "ironischi Art und Wis" möcht vermittle.

My neighbor Adolf

symphatische und luschtige film wo zwei alti säck am arsch der welt in süd-amerika i zwei hütte näbenand wohnet. de eint isch en jud wo im ww2 alles verlore hett und jetzt bewiese will, dass sin nachber de hitler persönlich isch.

paar mal gschmunzlet. isch frisch!

7/10

smile 4/10

eigentlech isches a ringu abklatsch, nur weniger spannend. de schluss isch so chli vorhersehbar gsi....


Die to Me season 1 8/10

a sehr luschtigi tragik komödie mit de christina applegate wo ueberraschenderwiis a sehr gueti leischtig abgibt. bi jetzt a'd season 2 dranne und die 3ti staffle wird oh das finale sii, da die applegate ja ms het und äuä bald vo de schouspielerei abscheid nimmt.
näbedarsteller sind unger angerem de alt cyclops schouspiiler und die frou vom hawkeye.

bi o gsi gah smile luege... i würde aber es 8i gäh...
es brucht nid immer geischter und monschter (abgseh vom endi)

eifach es psychopathisches lächle und natürlech mit audio ungerleit. paar gueti moment gha.
mir hei üs köstlech amüsiert!

und wele horror isch nid vorhersehbar?

dr schluss hani sehr billig gfunge, a paar gueti effekte hei sie abr scho gha.

Don't look now [Wenn die Gondeln Trauer tragen] (7.5/10)

Leider eine vo dene Film, wo in der Erinnerig so viel besser gseh sind.

ah ja, letschthin no de black adam gseh und gibe dem film a 4/10.

isch a typische dwayne the rock movie, mit a paar luschtigi szene und dass isches gsi. de oberschurke isch farblos gsi und die näbechars wie dr. fate etc. sind en witz...eine vo de miesere superhälde movies. obwohl die letschte 10 fiume sind grouehaft gsi. :typej:

ps: am schluss taucht de cavill i de poscht credits no als supaman uf.

I cha die ganze superhero movies sit wit über 10 jahr nüme gseh.. vo Hollywood chunnt leider praktisch gar nüt meh anders...

Spiderman, Avengers zum 3000. Mal...

ja de markt isch extrem gsättigt(sogar für mir) und qualität stimmt scho lang nüm, vor allem die 0815 seriene sind derb.

dr letscht spidey hani zwar no guet gfunge und ig luege die superhälde movies glich, da ig chli nerdig bi...aber dann so chli näbebi.

Raya and the last Dragon

...wieder mal en Trickfilm, wo mier sehr guet gfalle hett, vom Thema her, wie au optisch. Sehr sehr schön gmacht. Au de Humor hett bi mir en Nerv troffe. Beschte: Con-Baby!

8/10

Smile (8/10)

Hami guet unterhalte. Bitz wie "It follows" oder "From" vo der Art här.
Aber bi witem weniger gruselig als gwüssi Generation Z'ler in de Medie gschriebe händ.

The Sheep hat geschrieben: ↑15 Nov 2022 19:59
Aber bi witem weniger gruselig als gwüssi Generation Z'ler in de Medie gschriebe händ.

ja guuuuuuet. das si die pussys wo z'chino verlah hei! :typej: :typej:

dash äuä eh sponsoret vo de studios....so chli hype generiere.

siralos hat geschrieben: ↑15 Nov 2022 21:18 dash äuä eh sponsoret vo de studios....so chli hype generiere.

o müglech.... aber irgendwie würds mi o nid verwundere bi gwüsse mönsche...

beides zäme wär jo au möglich

KLEO

netflix
en killerin us de DDR wird 1987 vo ihrne vorgsetzte in knast gworfe und chunt nachem muurfall 1989 uf freiem fuess und rächt sich.
50% comedy, 25% polit-thriller/krimi und 25% action.
en dütschi mini-series mit 8 teil.

hett mir gfalle. stil. cinematography. humor. alles rächt guet und "german-style", eigentlich rächt witzig, au d'hauptdarstellerin bsunders...

7/10

yup, hani au guet gfunde.