The(G)Forum

Ich hoffä es chan mir öpper da hälfä, han kei Ahnig willi na niä eis gha han (und de tüftler und schrübler bini au nümä). Jetzt hetti ändlich Platz im Chäller und zum rundä Geburtstag würds au na grad passä

Am liäbstä glieferet und fix fertig installiert bi mir. Macht öpper sowas oder het Interässä das mir azbütä? (optisch würd mer sones Taito Egret 2 mega gfallä).

Wür mi mega freuä wenn mer da öpper würd hälfä.

Gruess STeFF

nimm doch de vom calanda mit lcd display, isch ready für plug und play und hesch nie ärger wege teili, röhretv, etc.

Merci für de Tip Jürg, ich het aber scho gärn öppis wo chli neuer usgseht und chli gespflegt isch . Han em mal gschriebä ob er öppis het.

uf ricard0 hätts doch en Blast City gha, isch glaub öper usem Forum (Freakers Arcade), das sich es super Cab. Candys sind halt tüür, wänn au öppis moderns willsch aschlüsse (z.B. Switch wg. Shumps etc.) isch es LCD Cab natürlich guet, döt gitts aber nöd so viil Uswäl, Taito Vewlix, Namco Noir oder es Sega Lindbergh....
Ich han es Naomi vo dem kauft https://diamondplay.shop/ , isch dazumals uf ricardo gsi. Er isch rächt günstig, defür isch nütt greinigt etc. und der kommuniziert nur u italienisch, aber fahrt s'Cab dur die ganz Schwiiz für wenig Gäld.

@Heli, was verchauft de calanda für es LCD Cab?

Check pm

Hoi sirarthur

merci vielmal für de Tip. De Calanda het mer grad en Sega Lindbergh Abote (huere geil... aber choschtet chli öpis). Ich lueg demfall mal is Ricardo inä

Arcade & Billig gits praktisch nöd.

Hey Marco,

Verstahn mi nöd falsch, ich wot nöd billig! Zahlä gärn für öppis guäts aber 5000.- isch denn scho en Batzä

für 5k bechunnsch zwei candy's i super Zuestand

loh die ofe Newsletter vom RKLOK setze...de häd alpott neue Stuff ond priise sind fair.
musch es eifach go hole in Holland.... ond falls am Zoll ahghalte wirsch, machsch voräne sicherheitshalber es "kabotts" cab druus...däsch drücksch dä Zollwärt grad nomol abe

http://www.rklok.com

irgend einisch wotti dä au nomol es astro city.

Wänn au no wilsch dass es cab neu uusgseht (di letschte Cabs us dä Arcade sind halt au scho 20 Jahr alt) muesch entweder äs neus chaufe (also irgenden neubou). Oder öppertem d'arbet zahle dass er s'ganze cab neu lackiert etc... Da muesch aber scho es paar tuusig franke rächne. Am Calanda sis wär gar kein so schlechte aafang, lackiere chasches denn später ja immer no.

Ech persönlich verstohs ned, einigermasse akzeptabli Cabs s'restauriere. Im Gägeteil: Finds geil wenn Patina vom Läbe vo somene Cab erchänsch oss de Japan Arcades...inkl. Ziggi Brönnspure!

hanf hat geschrieben: ↑11 Aug 2023 08:29 Wänn au no wilsch dass es cab neu uusgseht (di letschte Cabs us dä Arcade sind halt au scho 20 Jahr alt) muesch entweder äs neus chaufe (also irgenden neubou). Oder öppertem d'arbet zahle dass er s'ganze cab neu lackiert etc... Da muesch aber scho es paar tuusig franke rächne. Am Calanda sis wär gar kein so schlechte aafang, lackiere chasches denn später ja immer no.

logisch isch es en guete griff

Mer müesst ebe mal nahfrage was alles debi isch und neu ibaut worde isch. de bildschirm het kei 10 stund spielzitt. 4k hdmi alles....

Ja… aber wenn mers gruuusig findet und eim nöd gfallt denn isch au 4k irrelevant.

Mir gfallt en Vewlix Diamond Orange ebefalls mit de x3 Box besser… als de lindgergh… sorry